{idkey=4286b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F2575-benny-nisbet-ppa-investigacion-profundo-encuanto-e-rol-di-r-rincon-pa-gobierno-di-aruba-den-negociacionan-a-bira-hopi-necesario-2%3FItemid%3D101][title=Benny+Nisbet+%28PPA%29%3A+%E2%80%9CInvestigacion+profundo+encuanto+e+rol+di+R.+Rincon+pa+gobierno+di+Aruba+den+negociacionan.....+A+bira+hopi+necesario%21%21%E2%80%9D][desc=Durante+e+ultimo+simmannan+varios+partido+politico+di+Aruba+a+cuestiona+e+lasonan+di+gobierno+di+Mike+Eman+muy+enespecial+di+Ministro+di+Asuntonan+Economico+sr.+Mike+de+Meza+cu+sr.+Robert+Rincon+cu+mientras+tanto+a+worde+aresta+na+Merca+y+cu+ta+bao+di+hopi+acusacion+serio.Ministro+de+Meza+a+contesta+den+Noticia+cla+y+nos+por+referi+na+publicacion+24+di+December+2015%E2%80%A6.+cu+%E2%80%A6.%E2%80%9D+E+mandatario+a+bisa+mas+specifico+cu+el+a+worde+introduci+na+Rincon+den+di+dos+kwartaal+di+2013%2C+como+un+comerciante]}
Durante e ultimo simmannan varios partido politico di Aruba a cuestiona e lasonan di gobierno di Mike Eman muy enespecial di Ministro di Asuntonan Economico sr. Mike de Meza cu sr. Robert Rincon cu mientras tanto a worde aresta na Merca y cu ta bao di hopi acusacion serio.

Ministro de Meza a contesta den Noticia cla y nos por referi na publicacion 24 di December 2015…. cu ….” E mandatario a bisa mas specifico cu el a worde introduci na Rincon den di dos kwartaal di 2013, como un comerciante cu a establece su mes na Aruba y tin companianan aki y tin relacion cu hende den top di gobierno Venezolano y PDVSA. Algo cu segun de Meza e por a haci bon uso di djele. Pues ora cu de Meza a tende na 2012 ? 2013) CU Rincon TABATA NA Aruba el a bisa Noticiacla cu e mes a pidi un cita cu Rincon pa papia. Cada vez cu tabata tin necesidad di mas informacion, semper e lineanan tabata habri y nos tabata hasi uso di dje pa haya informacion yega Venezuela y e companianan di Venezuela. Si E conoce sr. Robert Rincon…..y cu el a reuni varios vez cu sr. Robert Rincon……cu Robert Rincon a pone e contactnan pa gobierno cu CITGO…! Cu e NO a reuni cu sr Rincon na Houston, pero varios vez a papia cunele telefonicamente, ki ora e tabatatin mester di un contacto , si e tabata sa di e contacto … !! De Meza a admiti tambe cu sr. Roberto Rincon a participa y a juda establece e contacto entre gobierno di Aruba y CITGO . De Meza a declara e.o. mi no mester di ganja…e persona aki (RINCON) a juda gobierno den e contacto….cu CITGO/PDVSA. Tambe ministro de Meza a declara…cu e ta spera cu sr. Rincon pa aclarea su asuntonan………(of palabranan den e direccion aki ) cual a causa hopi pregunta den pueblo.

Ministro de Meza a declara tambe cu gobierno no ta usando ningun intermediador den e negosiacionan cu CITGO.

RETIRO FOR DI COMISSION NEGOCIADOR DI SR. M. BERLINSKI !!

Mientras tanto a sali den prensa un informacion cu ta participa cu miembro di e commission negociador sr. M. Berlinski lo a tuma su retiro for di e commission negosiador pasobra e lo no ta larga ningun hende junga cu su ‘credibilidad y su integridad’. E informacion aki a lanta mas speculacion….ta kiko lo tabata pasando cu sr. Berlinski lo a sinti e necesidad pa retire su mes for di e commission negociador ???

MINISTRO PAUL CROES

Mientras tanto ministro Paul Croes tambe a duna algun declaracion relaciona cu e negosiacionan cu ta andando entre gobierno di pais Aruba y CITGO. E titulo di e informacion cu e matutino a logra obteni cerca ministro Paul Croes ta bisa ‘Ningun momento gobierno a bay den negociacion cu sr. Rincon’.

PPA ta cita lo sigiente for di e articulo publica den e matutino (Bondia ….pag A3 di januari 2016 pag. sr. Paul Croes:
Naturalmente den tur negociacion tin esunnan cu ta hunga rol importante. E ta confirma cu den e reunionnan aki, tabata tin reunionnan aparte cu sr. Rincon.”

‘El a sigui indica cu gobierno di Aruba semper a tene negociacionnan directamente cu e compania CITGO. Den e negociacionnan aki y esfuerzonan pa yega na un reapertura, tabata tin varios contacto internacional, local cu a haci esfuerso grandi pa realisa esaki. E mandatario kiermen nan NO ta nenga esaki. Naturalmente den tur negociacion tin esunnan cu ta hunga rol importante. E ta confirma cu den e reunionnan aki, tabata tin reunionnan apart cu sr. Rincon. Pero ningun momento gobierno di Aruba a bay den negociacion of tin algo di sconde tras di locual ta sosodiendo.

Preguntanan publico di PPA:

1. Kende a conta minister de Meza di e figura/comerciante Roberto Rincon y a conseha ministro de Meza pa tuma contacto cunele ?
2. Ministro de Meza a admiti di a reuni varios vez cu sr. Roberto Rincon…na Aruba pa e por a establece contacto cu Gobierno Venezolano y cu companianan Venezolano esta ‘PDVSA na Venezuela y CITGO na Merca ……….awor pregunta di PPA na ministro de Meza ta ….Cuanto vez bo a reuni cu e figura/persona sr. Roberto Rincon na Aruba ??? Y kiko tabata e diferente peticionan cu a worde hasi na e sr. Roberto Rincon aki ???

Anotacion…: Aki un ministro di Aruba cu un trajectoria di 4 anja den Staten di Aruba, 4 anja como ministro di Finanzas, 4 anja como Ministro Presidente di Aruba e tempo ey …….a scoge ‘wowo habri’ pa manda contacto y peticion y busca informacion pa medio di e figura/persona aki sr Robert Rincon y NO p/m di nos departamentonan manera Relacionan Exterior di Aruba cu por hasi uso di Ministerio di Relacionan Exterior Hulandes ora ta necesario ?????

3. Pregunta di PPA ……Pakiko ….ministro de Meza a prefera di scoge pa hasi uso di e figura/persona di sr. Robert Rincon y no pa medio di e departamento di Relacionan Exterior Arubiano of Hulandes ??
4. Ministro Paul Croes a cualifica e contacto cu sr. Robert Rincon y nos ta cita for di e articulo den Bon dia, 11 di januari 2016 A 3, “ E (ministro Paul Croes) a confirma cu den e reunionan aki, tabata tin reunionan apart cu Sr. Rincon. …….” E forma cu e entrevista aki a bai …ta crea e impression cu lo tabata tin reunion entre Ministronan M de Meza/Paul Croes of e commission negociador cu sr. Robert Rincion …….sea na Aruba of na Houston ……..!!
5. Pregunta di PPA….Cuanto reunion sr. Ministro Paul Croes ta referi na dje ….? Y unda e reunionan aki a tuma lugar….na Aruba of na Houston …? Sr. Robert Rincon a juda e delegacion di Aruba prepara pa negocia cu CITGO na Aruba………of tabata topa cunele pa tuma coneho na Houston USA……??? Sr. Robert Rincon a bira un semi miembro inofficial di e commission negociador di Gobierno ??/

Tur esaki ta indica cu e relacion entre gobierno di Aruba/Ministro de Meza cu sr. Robert Rincon tabata un relacion di confianza …..un confiansa asina fuerte ….cu Ministro di Asunto Economico a prefera di hasi uso di sr. Robert Rincon pa establece contacto y manda mensahe Venezuela y su companianan hasta CITGO na MERCA cu hasi uso di Aruba su Departamento di Relacionan Exterior of Departamento di Relacionan Exterior Hulandes. Esey ta larga hopi pregunta cu mester di aclaracion !! TUR esaki ta hustifica un investigacion profundo ……encuanto Kiko e meta real di e relacion entre sr. Robert Rincon y Ministro de Meza y su commission tabata ???

Suavemente bisa…..e proceso hiba pa Ministro di Asuntonan Economico y e contactonan usa ta hopi cuestionable……y mester worde aclarea prome cu ta laat !!

PPA ta hanja e asunto aki birando un asunto hopi SCUR y ta pidi Parlamento di Aruba ….pa cuminsa hasi uso di nan derecho y debernan pa ‘investiga’ e posibel escandalo aki inmediatamente prome cu e proceso Judicial inicia na Merca fecha 1 di februari 2016 !! Pa mas info ‘This email address is being protected from spambots. You need JavaScript enabled to view it.”.

Aruba, 11 di januari 2016
Lider Politico di PPA
BENNY NISBET

Expresionnan haci den e articulo aki no necesariamente ta refleha opinion di ArenaPoliti.co