{idkey=7278b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F1179-ministerio-di-turismo-a-haci-un-investigacion-riba-e-fenomeno-di-acomodacionan-cu-no-ta-hotel%3FItemid%3D101][title=Ministerio+di+Turismo%3A+A+haci+un+investigacion+riba+e+fenomeno+di+acomodacionan+cu+no+ta+hotel][desc=2+dia+di+reunion+intensivo+na+New+York+pa+tur+e+entidadnan+concerni+cu+turismo+di+nos+isla%26amp%3Bnbsp%3B+Recientemente+Minister+Otmar+Oduber+tabata+na+New+York+pa+reuni+cu+empleadonan+di+oficina+di+turismo%2C+hunto+cu+representantenan+di+algun+hotel+na+Aruba+como+tambe+e+partnernan+estableci+na+Merca+cu+ta+haci+e+trabou+di+mercadeo+pa+nos+isla+na+Merca+y+tambe+Canada.+A+evalua+strategianan+cu+ta+hibando+ultimo+a%C3%B1anan%2C+deliberando+entre+otro+riba+e+aspecto+di+mercadeo+digital%2C+pasobra+continuacion+di+e+pr]}
2 dia di reunion intensivo na New York pa tur e entidadnan concerni cu turismo di nos isla 

Recientemente Minister Otmar Oduber tabata na New York pa reuni cu empleadonan di oficina di turismo, hunto cu representantenan di algun hotel na Aruba como tambe e partnernan estableci na Merca cu ta haci e trabou di mercadeo pa nos isla na Merca y tambe Canada. A evalua strategianan cu ta hibando ultimo añanan, deliberando entre otro riba e aspecto di mercadeo digital, pasobra continuacion di e presencia di Aruba riba redanan social ta determinante.

A reuni tambe riba e topico di sitionan di hospedahe cu no ta hotel, ya caba a haci un investigacion riba e fenomeno aki cu ta tumando lugar mundialmente. “Airbnb”, “Expedia” y otro sitenan cu ta haci reservacion pa acomodacion, ta mirando un crecemento mundial di e interes pa e tipo propiedad cu no ta hotel. Aki na Aruba e fenomeno aki no ta kedando atras. “Practicamente un 20 pa 25% di esnan cu ta bishita nos isla ta keda na un propiedad cu no ta hotel, e bon ta cu keto bay bo ta mira un tendencia di crecemento den hotel su grado di ocupacion. Bo tin un grupo cu ta sigui bay hotel”  Minister Oduber a sigui bisa. A pesar cu nos averahe di grado di ocupacion na hotelnan ta mas halto den e region di Caribe, asina mes por nota e tendencia creciendo di e opcion pa keda na un propiedad cu no ta hotel. A discuti cu e mayoria di hotelnan presente na e reunion aki pa mira con hopi nan ta percurando pa mira e competencia aki pa hotelnan y con nan ta preparando pa e fenomeno aki.

Na Aruba oficina di turismo conhuntamente cu partnernan ta haciendo un evaluacion di e propiedadnan cu no ta un hotel. Tambe departamento di Salubridad Publico, Cuerpo Policial y Cuerpo Bomberil ta haciendo evaluacion di calidad na e propiedadnan aki y alavez ta haci un inventarisacion pa ta na altura di exactamente cuanto di e tipo di acomodacionnan aki tin riba nos isla. Sin laga afo ta investigando si nan ta contribuyendo manera mester ta na e impuestonan concerni.

Un otro punto cu a bin dilanti ta cu a constata cu mester bin cambionan di ley riba e aspecto di ki ora un propiedad ta wordo considera un hotel, ki ora e mester cumpli cu e impuesto di por ehempel “roomtax”. Tin cambionan cu ta bay tuma lugar pa percura cu tur esnan cu ta opera den e ramo aki contribui y paga nan parti tambe pa lo cual ta trata nan responsabilidadnan fiscal cu tin pa cu nos isla.

2 dia di reunionnan intensivo di tur e entidadnan envolvi pa cual Minister Otmar Oduber a keda hopi satisfecho cu e intercambio di informacion. Lo keda monitoria e fenomenonan aki pa percura cu nos Turismo keda riba e bon caminda cu e ta.

Expresionnan haci den e articulo aki no necesariamente ta refleha opinion di ArenaPoliti.co