{idkey=5414b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F1293-gerick-croes-mep-green-corridor-un-proyecto-cu-no-ta-financieramente-sostenibel-pa-e-situacion-actual%3FItemid%3D101][title=Gerick+Croes+%28MEP%29%3A+%26quot%3BGreen+Corridor%3A+Un+proyecto+cu+no+ta+financieramente+sostenibel+pa+e+situacion+actual%26quot%3B][desc=Den+e+ultimo+dianan+aki+e+proyecto+Green+Corridor+ta+algo+cu+ta+wordo+hopi+discuti+y+comenta.+Ta+hopi+importante+pa+toca+e+aspecto+financiero+di+esaki%2C+pero+tambe+e+parti+di+cumplimento+cu+reglanan+di+comptabilidad.+Den+e+comunicado+aki+nos+lo+bay+mas+den+detaye+riba+esaki.Ta+importante+pa+enfatisa+cu+e+proyecto+di+Green+Corridor+den+promer+instante+ta+costa+aproximadamente+292+miyon+florin.+Den+principio+esaki+ta+e+suma+cu+parlamento+a+aproba+y+cu+e+fraccion+di+AVP+a+duna+su+consentimento+pe.+A]}
Den e ultimo dianan aki e proyecto Green Corridor ta algo cu ta wordo hopi discuti y comenta. Ta hopi importante pa toca e aspecto financiero di esaki, pero tambe e parti di cumplimento cu reglanan di comptabilidad. Den e comunicado aki nos lo bay mas den detaye riba esaki.Ta importante pa enfatisa cu e proyecto di Green Corridor den promer instante ta costa aproximadamente 292 miyon florin. Den principio esaki ta e suma cu parlamento a aproba y cu e fraccion di AVP a duna su consentimento pe. Awor ta resulta cu e suma di 292 miyon NO ta yega pasobra tin varios cambio den e proyecto y e minister kier purba di haya esaki sin bin un reunion publico. Pa colmo mester remarca cu e proyecto ni a cuminsa y ya kier pidi placa door di djis informa parlamento pa medio di un carta. 

Aspecto financiero
Apesar cu e proyecto tin un inversion di 292 miyon florin, mester enfatisa cu esaki no ta e suma cu Aruba lo bay paga. Den principio pago di inversion ta mara na un periodo di pago di 25 aña caminda un suma di 29.3 miyon florin lo mester wordo paga cada aña totalisando 732.5 miyon florin.  E realidad ta cu proyectonan PPP manera Green Corridor ta un riesgo financiero grandi pa Aruba specialmente pa e forma iresponsabel cu ta manehando nos finansas publico. Nos no mester lubida cu finalmente pais Aruba lo ta esun mara na periodonan largo di pago. Desde  principio caba instancianan internacional y sindicatonan a expresa nan incertidumbre y preocupacionnan riba e metodo aki.


Preocupacion IMF y CFT
Un ehempel di esaki ta e siguiente citacion di e rapport 2013 di IMF :" Payments for the investment projects under the Public Private Partnerships (PPP), which are not included in staff’s baseline scenario, will further widen the deficit. For the PPP, staff recommended putting a limit on the size of the PPP-related expenditure commitments." Den corto IMF a bisa cu pagonan relaciona cu PPP lo keda causa deficitnan riba nos presupuesto y ta recomenda pa limita e proyectonan aki di inmediato sino e lo tin su consecuencianan riba acumulacion di nos debe nacional. 
CFT tambe a bisa lo siguiente di proyectonan manera Green Corridor : “De nu voorgenomen PPP-projecten zullen pas op termijn hun volledige beslag op de begroting leggen. Vanaf 2019 zullen de jaarlijkse kosten volgens de Centrale Bank Afl. 100 miljoen bedragen”. Mientras cu awor te cu 2017 esakinan ta costa 50 miyon anual. Loke hopi persona no ta realisa ta cu e gastonan di tur e proyectonan PPP lo bay baha te na 2036, nificando cu e peso financiero ta uno grandi riba presupuestonan di nos pais y lo dura hopi aña promer cu esakinan logra baha. Considerando tur e puntonan menciona nos ta spera cu Minister Sevinger cumpli y encamina cu e procedura manera mester ta y no ranca placa di pueblo sin mas!  

Pueblo mester realisa
Ta hopi importante pa pueblo realisa cu na e momentonan aki e no ta esun di mas ideal financieramente tampoco responsabel pa insisti cu proyectonan sin cu tin placa! Lamentablemente ora cu no tin placa Gabinete Eman ta cera orea y sigui cu e plan optando pa castiga pueblo cu mas belasting. Den e caso specifico aki pueblo mester ta alerta cu ta door di bay cobra tur ciudadano un Financial Transfer Levy/tax lo por bay paga tur e proyectonan aki. No lubida cu den tempo di Fondo Desaroyo Arubano nunca bo a wordo cobra extra pasobra tur e belastingnan cu bo ta paga caba a bay den e pot pa inversion. Pues awor pueblo ta bay paga dobbel! 

Expresionnan haci den e articulo aki no necesariamente ta refleha opinion di ArenaPoliti.co