{idkey=5731b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F1296-minister-oduber-mester-sinti-di-ora-bo-yega-te-ora-bo-bay-un-experiencia-unico%3FItemid%3D101][title=Minister+Oduber%3A+%E2%80%9CMester+sinti+di+ora+bo+yega+te+ora+bo+bay%2C+un+experiencia+unico%E2%80%9D][desc=Nos+aeropuerto+dia+pa+dia+mas+cu+ambiente+hopi+mas+ameno+y+servicial+Minister+Otmar+Oduber+a+ricibi+un+recorido+extenso+di+nos+aeropuerto+pa+asina+e+mira+y+ricibi+informacion+detaya+di+e+proyectonan+den+proceso+y+na+caminda.+Despues+cu+a+firma+e+acuerdo+nobo+cu+Schiphol+Group%2C+mesora+a+cuminsa+cu+e+planificacion+pa+expansion+y+renobacionnan+di+nos+aeropuerto+unda+e+enfoke+ta+pa+sigui+eleva+e+calidad+cu+nos+ta+presenta+como+servicio+Aeropuerto+di+Aruba+5+a%C3%B1a+pasa+tabata+un+aeropuerto+cu+ta+word]}
Nos aeropuerto dia pa dia mas cu ambiente hopi mas ameno y servicial

Minister Otmar Oduber a ricibi un recorido extenso di nos aeropuerto pa asina e mira y ricibi informacion detaya di e proyectonan den proceso y na caminda. Despues cu a firma e acuerdo nobo cu Schiphol Group, mesora a cuminsa cu e planificacion pa expansion y renobacionnan di nos aeropuerto unda e enfoke ta pa sigui eleva e calidad cu nos ta presenta como servicio

Aeropuerto di Aruba 5 aña pasa tabata un aeropuerto cu ta wordo maneha den un concepto hopi comercial. Minister Oduber ta comenta cu for di e tempo ey caba a cuminsa mustra riba e hecho cu mester bira hopi mas servicial y alegre pa e usuarionan y e hendenan cu ta bishita Aeropuerto Reina Beatrix. Antes e usuario ta yega drenta y enfoca pa subi avion. Segun e mandatario mester sinti di ora bo yega te ora bo bay, un experiencia unico cu e diferente posibilidadnan den un ambiente hopi mas ameno y servicial. Aeropuerto ta e prome y ultimo impresion di nos isla pa nos turistanan.

Hunta di directiva di aeropuerto a duna minister un bista detaya di e proyectonan tumando lugar  y esunnan na caminda. Cambionan manera renobacion, ampliacion y mehoracion poniendo hopi atencion riba calidad.

Cambionan lo encera entre otro un upgrade den tur e vip roomnan, proyecto di WIFI cu mester keda cla den e proximo 2 luna y mey, tur e bañonan cu ta wordo renoba y tambe lo pone atencion riba e area di douanne y imigracion. Boothnan tambe lo wordo cambia ainda e aña aki, y e area di bagage claim tambe lo conoce cambio. Tambe a papia riba e inversionnan grandi cu mester cuminsa e aña aki, pa asina otro aña bay den ehecucion. A tuma e desicion pa crea 3 gate mas. Na e momento aki tin 8 y lo crea 3 mas. Tin posibilidad pa 6 avion para remote tambe riba e Apron. Tur esaki ta nifica cu hopi inversion ta tumando lugar, ta calcula cu pa e aña aki ta bay inverti 30 miyon y pa e proximo 2 aña ta calcula di un 100 pa 120 miyon mas. Pues ta papia aki di un 150 miyon na inversion.

Minister Oduber ta hopi contento cu e cambionan cu ta tumando lugar. “Mi ta felicita henter e team, tur esnan cu ta traha aki na aeropuerto, cu a compronde e concepto, cambionan interno cu ta tuma lugar pa haciele hopi mas amigabel unda nos a experienciele durante e recorido cu nos a haya. Por nota ya caba den diferente sitio hendenan sinta ta disfruta di un area masha bunita mes, unda te hasta a crea un espacio di reflexion pa esnan cu kier haci esaki”

Den e ultimo cuentanan anual di Aeropuerto Minister ta comenta cu un biaha mas Aeropuerto Reina Beatrix ta supera e aña anterior cu un ganashi substancial, di cual gobierno naturalmente den un concepto nobo e aña aki, ta bay ricibi no solamente e parti di dividendo pero consesion tambe.

Sr Oduber ta finalisa bisando: “Kiermen tin hopi structuracion nobo, un modelo nobo cu tin na aeropuerto y mi ta contento cu lo cual a mira te aworakinan cu ta e planan di e aña aki y esnan pa futuro.”

Expresionnan haci den e articulo aki no necesariamente ta refleha opinion di ArenaPoliti.co