{idkey=8102b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F1356-rene-herde-avp-bazv-ta-un-forma-mas-husto-pa-financia-cuido-di-salud-di-nos-tur%3FItemid%3D101][title=Rene+Herd%C3%A9+%28AVP%29%3A+BAZV+ta+un+forma+mas+husto+pa+financia+cuido+di+salud+di+nos+tur][desc=Ta+baha+e+prima+cu+trahado+y+pensionado+tin+cu+paga+y+tur+hende+ta+contribui+ora+cumpra+cos+%26amp%3Bnbsp%3B%26quot%3BEnbez+di+laga+tur+trahado+paga+un+suma+directamente+for+di+su+salario%2C+ta+bay+laga+tur+hende+na+Aruba+y+tur+hende+cu+ta+bin+Aruba%2C+contribui+na+cubri+e+gastonan+di+cuido+di+nos+salud+ora+nan+cumpra+cualkier+cos.+Di+e+forma+aki+no+70+mil+hende%2C+pero+1.2+miyon+hende+ta+bay+contribui+na+cubri+e+gastonan+di+cuido+medico.+E+trahado+ta+paga+menos+pa+luna+y+tur+hende+na+Aruba+ta+paga+un+tiki.%26quot%3B+Esey+ta+e+e]}
Ta baha e prima cu trahado y pensionado tin cu paga y tur hende ta contribui ora cumpra cos  

"Enbez di laga tur trahado paga un suma directamente for di su salario, ta bay laga tur hende na Aruba y tur hende cu ta bin Aruba, contribui na cubri e gastonan di cuido di nos salud ora nan cumpra cualkier cos. Di e forma aki no 70 mil hende, pero 1.2 miyon hende ta bay contribui na cubri e gastonan di cuido medico. E trahado ta paga menos pa luna y tur hende na Aruba ta paga un tiki." Esey ta e esencia di e cambio di ley cu Parlamento ta trata diabierna mainta, segun Rene Herde', lider di e fraccion di AVP. Mayan ta cambia e ley pa baha e prima cu trahadornan tin cu paga tur luna. Efectivamente e trahado ta bay cas cu mas placa door di e cambio di ley aki. E proposicion aki ta ensera cu e areglo pa cobra un porcentahe chikito riba tur servicio y producto cu un hende cumpra (BAZV) ta subi di 1% pa 2%. Henter e suma cu esaki crea ta bay den e fondo di BAZV y ta bay completamente pa cubri gastonan medico di tur hende na Aruba. Esaki ta loke ta bay sosode ora aproba e ley diabierna awor.

EFECTONAN ADICIONAL
E cambio di ley aki tin algun efecto positivo cu ta bin aserca. Un efecto adicional y positivo ta cu di e forma aki AZV ta wordo fortifica y ta bira menos dependiente di gobierno. Te awor ta gobierno mester pone un suma di mas o menos 124 miyon florin extra den AZV tur aña pa cubri e gastonan di cuido di nos salud di nos tur. E motibo ta cu e prima cu trahadornan, pensionadonan y doñonan di trabao ta paga pa cubri gastonan di cuido medico, no ta suficiente pa cubri loke nos tur ta gasta na cuido medico. Cu e cambio di ley pa aumenta e BAZV, e suma cu gobierno tin cu pone aserca ta bira menos. Hunto cu e efecto positivo aki pa e fondo di AZV cu ta financia cuido di salud, e didos efecto positivo ta cu e ley aki ta baha e gastonan di gobierno, sin afecta e cuido cu AZV ta duna nos tur.   

OPOSICION
Ta tristo pa wak cu oposicion a yama e cambio di ley aki un medida, siendo cu ta baha e prima cu trahador tin cu paga, ta baha gasto di gobierno, cu tanto oposicion ta critica, sin afecta e pakete di cuido. Ta poco biaha por introduci un cambio den ley cu tin un combinacion di bentaha asina. Asina mes oposicion ta yama esaki un medida. Rene Herde':"Pa falta di capacidad pa presenta alternativa pa mehora servicio medico y reforma economia of finansa publico, oposicion ta yama tur cos medida. E ehempel aki ta mustra con robez oposicion ta atrobe. En realidad e BAZV ta un forma mas husto pa cubri gasto di cuido di salud."

Expresionnan haci den e articulo aki no necesariamente ta refleha opinion di ArenaPoliti.co