{idkey=3910b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F1419-rudy-richardson-mep-segregacion-economico-na-aruba%3FItemid%3D101][title=Rudy+Richardson+%28MEP%29%3A+Segregaci%C3%B3n+Economico+na+Aruba][desc=Nos+tin+cu+rechasa+cu+San+Nicolaas+y+varios+otro+area+di+nos+Pais+ta+keda+den+un+estado+primitivo.+Na+e+ultimo+reunion+na+Teresita+Center+organisa+pa+e+grupo%2Fcuidadanonan+PARA+e+tawata+hopi+bisto.+Panelistanan+tawata+SNBA%2C+KvK%2C+MEP%2C+AVP%2C+PDR+y+ATIA.+Un+reuni%C3%B3n+cu+tawata+necesario+mirando+e+estado+di+San+Nicolaas+anto+e+plannan+ad+hoc+di+Gobierno.+Gobierno+ta+institui+un+comisi%C3%B3n+despues+di+dos+luna+door+di+un+mocion+den+Parlamento+anto+e+miembronan+no+ta+cai+den+bon+tera+pa+e+profesionalnan+de]}
Nos tin cu rechasa cu San Nicolaas y varios otro area di nos Pais ta keda den un estado primitivo. Na e ultimo reunion na Teresita Center organisa pa e grupo/cuidadanonan PARA e tawata hopi bisto. Panelistanan tawata SNBA, KvK, MEP, AVP, PDR y ATIA. Un reunión cu tawata necesario mirando e estado di San Nicolaas anto e plannan ad hoc di Gobierno. Gobierno ta institui un comisión despues di dos luna door di un mocion den Parlamento anto e miembronan no ta cai den bon tera pa e profesionalnan den e sector aki. E confiansa den e Minister encarga ta polorisa mirando su track record y su decisiónan na nivel ehecutivo ta desastroso.

E Minister ta admiti cu Re-Apertura di nos Refeneria lo ta mihor cu cualkier hotel cu lo por bin na Seroe Colorado. Hasta si bin tres hotel mes e no lo tin e impacto economico manera e Refeneria. Tambe e Minister encarga ta bisa cu Valero tin apenas un paar di Miyon pa haci e desmantelacion y limpiesa di e tereno. Algo cu lo tuma hopi mas capital pa limpia un tereno contamina pa casi 100 aña.

Tur e Gremionan Commercial menos SNBA no ta kere den e Refeneria. E gremionan aki ta papia di alternativanan inconcreto y sin e estudionan adecua. Pa varios aña a neglisha e parti aki anto awo kier bin pretende cu nan sa mihor. No ta awo San Nicolaas falta crecemento económico. Nos ta un Aruba anto e calidad di bida den cierto areanan ta alarmante. Mi nunca lo acepta un mentalidad di segracion económico. Aruba no ta di un paar di commerciante pero e ta di nos tur anto e actitud aki no ta uno progresivo. Nos mester e pillar económico aki mas cu nunca pasobra nos pueblo no por biba di Turismo so. Nos mester e cuponan di trabao pa crece e media clase di Aruba anto tambe pa entradanan mas halto pa nos clase trahador.

Mi no ta kere den sprookjes ni tampoco un Gobierno cu a mustra cu nan no ta kere den e Refeneria nan no tin e interés di e pueblo di San Nicolaas na pecho pero ta drecha cada skina di Playa anto cumpra hala di edificio sea directo of cu Monumenten fonds esey ta nan prioridad. Nos ta para pa progreso equal anto si esey no por anto e ora pueblo tin cu saca su conclusion di e actual Gobierno.

San Nicolaas no kier sigui den e rumbo cu e ta actualmente unda no tin cuponan di trabao y un commercio limita. Nos kier integración económico pa nos hendenan. Ta seis aña caba Gobierno no a haci nada concreto pa San Nicolaas. Nos no kier hala di storia pa campaña politico nos kier proyectonan concreto. Pueblo kier su Refeneria bek anto nos di MEP ta kere den esaki.

Expresionnan haci den e articulo aki no necesariamente ta refleha opinion di ArenaPoliti.co