{idkey=162b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F1500-edgard-vrolijk-di-mep-aruba-ta-financieramente-sostenibel%3FItemid%3D101][title=Edgard+Vrolijk+di+MEP%3A+Aruba+ta+financieramente+sostenibel%3F][desc=Tur+ora+bay+bo+ta+tende+for+di+boca+di+e+gobernantenan+actual+e+palabra+sostenibel+y+alabez+ta+bin+cu+e+pregunta+si+Aruba+ta+financieramente+sostenibel%3FNa+2013+e+gobierno+di+AVP+a+bay+un+campa%C3%B1a+feroz+cu+Aruba+ta+financieramente+bon+para+y+cu+ainda+falta+hopi+mas+pa+realisa+si+nan+bin+bek+den+gobierno.+Pero+no+a+dura+ni+un+a%C3%B1a+cu+gobierno+a+haya+un+KB+y+esaki+pa+nada+otro+cu+mal+maneho+financiero+di+nos+pais.+Nan+a+crea+un+Mega+Debe+mientras+cu+no+ta+creando+entrada+suficiente%2C+%26amp%3Bnbsp%3Bpero+ta+m]}
Tur ora bay bo ta tende for di boca di e gobernantenan actual e palabra sostenibel y alabez ta bin cu e pregunta si Aruba ta financieramente sostenibel?
Na 2013 e gobierno di AVP a bay un campaña feroz cu Aruba ta financieramente bon para y cu ainda falta hopi mas pa realisa si nan bin bek den gobierno. Pero no a dura ni un aña cu gobierno a haya un KB y esaki pa nada otro cu mal maneho financiero di nos pais. Nan a crea un Mega Debe mientras cu no ta creando entrada suficiente,  pero ta malgastando mas di loke nan ta genera.  Pa corona obra, ora a kere cu nos Promer Minister lo para manera un homber  den su sapato y lo sali bay Hulanda (ya cu e ta gusta biaha) y regla esaki, sinembargo su persona a dicidi manera un mucha chikito malcria pa bay den un welga di hamber y p’asina e por haya su kier. Pero locual su muchachada a logra tabata pa Hulanda exigi un organo di control financiero cu lo mester hiba e titulo di CAFT.

Deadline ta yegando
Mientras tanto pueblo ta keda sinti dia pa dia mas e desaster financiero cu e gobierno aki a hinca nos aden. Mas y mas medida mientras  placa den hogarnan ta birando menos y calidad di bida di nos pueblo ta deteriorando. Pero mas tristo ta cu nos ta cerca di e deadline di 1 di augustus 2015 pa implementa e organo di control financiero CAFT y nos famoso Promer Minister ta di biahe enbes di ta na Aruba pa afronta e problema aki y ta prefera di ta afor bendiendo un imagen falso mientras cu su pueblo ta den incertidumbre. Pero e cobardia di nos Promer Minister Mike Eman ya ta un custumber caba pasobra dia di pasamento di ley di aumento di BBO el’a opta pa supuestamente  ta den exterior, pero pa su mañan e tabata pega sticker di “un pueblo orguyoso”,  orguyoso pa su persona di a malogra nos pais. Tambe nos por a tuma nota cu lider di MEP, sra. Evelyn Wever –Croes tin hopi tempo caba ta reta nos Promer Minister Mike Eman pa un debate nacional,  pero Mike Eman ta blo core y no ta duna pueblo cara y e debe nos como pueblo hopi splicacion mes pa tur su actonan cu a hiba nos unda nos ta financieramente.

Restitucion di belasting
Dianan di vakantie ta pasando y muy pronto mayornan tin di bay haci compras y hopi por a wak caba con caro articulonan di scol a bira, pero hopi  cas di famia cu nan salario no por cubri tur cos ta wardando riba pago di restitucion di belasting pa nan por cumpra paña y articulonan pa nan yiunan por bay scol. Hopi di e mayornan aki a ser motiva pa e papelnan blanco di restitucion, ta penando pa lunanan caba cu nan papel den man pero di placa nada. Y cada bes  cu yama e mesun musica cu no tin placa y manera placa drenta ta paga poco poco, mientras cu gobierno di su banda si ta sigui suta pueblo cu mas medida den forma di belasting indirecto, pero locual pueblo tin derecho riba dje nan no ta haya.

Grupito ‘Nos cu Nos’
Awor con ta posibel cu no tin ni placa pa paga restitucion di belasting, corda pa paga proyectonan miyonario manera Green Corridor, unda cu hasta a sconde conseho duna pa Deparamento di Finanzas? Esaki ta indicacion na pueblo cu financieramente nos no ta sostenibel, pero e unico manera cu e gobierno aki tin pa cumpli cu e Mega Debe crea door di nan, ta pa genera e placa aki riba sodor y sufrimento  di pueblo cu tur consecuencia social pa e pueblo aki. Awor mas cu nunca pueblo mester ta conciente cu e gobierno aki no tin cunes cu e mesun pueblo aki, sino nan meta ta pa percura pa e grupito cu mi ta yama “Nos cu Nos” haya contratonan lucrativo of studieopdracht previligia, of contractnan di trabao abusivo, dos minister extra y un monton di coordinador sin ningun estudio  ni conocimento, mientras tanto pueblo ta keda keto y lo sigui paga belasting pa e grupo “Nos cu Nos” sigui goza di nos placa. Ta cuanto mas abo como pueblo lo kier sigui soporta?

Expresionnan haci den e articulo aki no necesariamente ta refleha opinion di ArenaPoliti.co