{idkey=7077b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F1539-lisette-gomes-pdr-avp-ta-sigui-critica-oposicion-pa-desvia-atencion-di-e-mal-maneho-di-gobierno%3FItemid%3D101][title=Lisette+Gomes+%28PDR%29%3A+AVP+ta+sigui+critica+oposicion+pa+desvia+atencion+di+e+mal+maneho+di+Gobierno][desc=Recientemente+a+sali+un+articulo+di+un+parlamentario+di+AVP+criticando+Sr.+Andin+Bikker+referente+su+intentonan+pa+habri+refineria.+Nos+di+Partido+Democracia+Real+ta+sumamente+orguyoso+di+nos+lider+Andin+Bikker+kende+cu+tur+bon+intencion+kier+mira+nos+Pais+progresa%2C+dunando+oportunidad+atrobe+pa+asina+nos+yiunan+di+tera+por+hanja+trabao+bek+y+recupera+15%25+di+perdida+di+GDP+cu+nos+economia+a+sufri.+Pero+hopi+mas+importante+esnan+cu+mester+a+bandona+nan+famia+pa+asina+busca+un+mihor+futuro+na+dife]}
Recientemente a sali un articulo di un parlamentario di AVP criticando Sr. Andin Bikker referente su intentonan pa habri refineria. Nos di Partido Democracia Real ta sumamente orguyoso di nos lider Andin Bikker kende cu tur bon intencion kier mira nos Pais progresa, dunando oportunidad atrobe pa asina nos yiunan di tera por hanja trabao bek y recupera 15% di perdida di GDP cu nos economia a sufri. Pero hopi mas importante esnan cu mester a bandona nan famia pa asina busca un mihor futuro na diferente parti di Mundo, ta duel nos di mira un Parlamentario di AVP ta hunga cu dolor di Tatanan di famia cu ta leu di nan yiunan y esposa. Perdiendo momentonan valioso, di mira crecemento di nan yiunan y cu no por forma parti di nan desaroyo lagando nan esposa cu tur e trabao di lanta nan yiunan practicamente nan so, cual awendia ta un tarea bastante pisa.

Ki esfuerso e persona aki di AVP como Parlamentario, como yiu di tera, ta hasiendo pa asina por trese un solucion beneficioso pa re-apertura di nos refineria? Net net Nada!! Solamente sinta critica y grita VOOR y CONTRA sin tene na cuenta cu dolor di esnan cu a sufri y ta sufriendo ainda cu e clausura di Valero. Ta masha fasil para pafo y critica enbes manera nos líder Andin Bikker a hasi di busca un posibel solución. Si ta pa e Gobierno aki ya e refinería a wordo desmantela, sin embargo danki na nos Lider cu tin e Pueblo na pecho a sali y busca tur forma cu awe nos ta asina leu. Ora bo ta critica bo tin pa trece bo solución tambe y esey nos no por a wak di e Parlamentario aki di AVP.

Criminalidad ta na ordo di dia cual por ta desastroso pa e unico pilar economico cu nos a keda cune, problemanan social no ta cos di papia mes, pero en bes di enfoca ariba esaki AVP ta purba na desvia e atencion di nos comunidad ariba Sr. Bikker kende cu apenas un asiento ta luchando incansabelmente pa bienestar general.

E Gobierno aki no por tin Aruba na pecho ja cu keto bay ta sigi cu projectonan inecesario, prioridadnan completamente robes. Ta ganja Pueblo cu un tiki verf aki aya caminda e problema mes no ta wordo soluciona. Ki bal un cas bunita geverf parti pafo caminda paden tin pobresa, tin dolor paso no por pone cuminda riba mesa, no tin manera pa cubri gasto nan di promer necesidad, no por juda nan yiunan cubri gasto nan di estudio. Cu esaki ta trapando riba derecho humano, strobando principalmente e pobernan di progresa, asina kibra e circulo vicioso di tin un mihor manjan.

Di parti Democracia Real, nos no kier perde mucho tempo cu parlamentarionan asina cu tipo di criticanan fofo y negativo cu ta djies purba atacha nos Lider como tambe nos partido na un manera bow di nivel. Nos lo sa di sigi enfoca manera semper riba solucionnan na beneficio di cada ciudadano pa asina nan por disfruta di un mihor calidad di bida, e calidad cu e Pueblo di Aruba tin derecho ariba dje.

Expresionnan haci den e articulo aki no necesariamente ta refleha opinion di ArenaPoliti.co