{idkey=8645b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F1545-gerick-croes-mep-poder-di-compra-di-tur-ciudadano-ta-wordo-afecta-cu-acumulacion-di-medida%3FItemid%3D101][title=Gerick+Croes+%28MEP%29%3A+Poder+di+compra+di+tur+ciudadano+ta+wordo+afecta+cu+acumulacion+di+medida%21][desc=Si+antes+AVP+tawata+core+pa+usa+e+palabra+medida+awe+esaki+ta+forma+parti+di+nan+maneho+despues+cu+a+destrui+finansas+publico+y+cada+biaha+tin+mas+sorpresa+pa+pueblo.+Ta+parce+cu+cada+luna+cu+pasa+un+otro+medida+ta+wordo+introduci+door+di+Gabinete+Eman.+Semper+e+partido+na+mando+a+grita+cu+e+no+ta+un+gobierno+di+medida.+Awendia+nan+accion+ta+papia+mas+cu+palabra+y+promesanan+hasi.+Si+antes+AVP+tawata+demonisa+BBO+como+un+medida+cu+a+perhudica+poder+di+compra+awendia+nan+ta+corta+nan+mesun+venana]}
Si antes AVP tawata core pa usa e palabra medida awe esaki ta forma parti di nan maneho despues cu a destrui finansas publico y cada biaha tin mas sorpresa pa pueblo. Ta parce cu cada luna cu pasa un otro medida ta wordo introduci door di Gabinete Eman. Semper e partido na mando a grita cu e no ta un gobierno di medida. Awendia nan accion ta papia mas cu palabra y promesanan hasi. Si antes AVP tawata demonisa BBO como un medida cu a perhudica poder di compra awendia nan ta corta nan mesun venanan pasobra tin aumento coriente + BBO+ BAZV + exchange margin tax + Transfer tax y un reforma fiscal na caminda! Y esaki ta solamente e comienso.

Promesanan
Durante campaña un avalancha di promesanan a wordo hasi entre otro " baha prijs di awa y coriente, stimula poder di compra, crea cuponan di trabou". Si pueblo reflexiona riba esakinan y analisa e situacion actual ta obvio cu nan ta leu for di cas. Pa loke ta trata e promesa pa reduci prijsnan di utilidad esaki sigur tawata un fayo flagrante cometi cu pueblo. Na oktober 2014 e gobierno cu a priminti un rebaho di prijsnan ta esun cu a staka pueblo cu un aumento drastico di 15%! E solo aumento aki caba a manda prijsnan di comestibles , paña y cualkier servicio halto. Claramente un ehempel con costo di bida a subi bou mando di Gabinete Eman. Ni 2 luna despues AVP a hisa benta BAZV riba e BBO causando un CAOS total! Caos den un sentido cu implementacion di e cobransa aki a bai robes como tal e cuidadano ta esun cu a sali perhudica un biaha mas pasobra e la haye ta paga dimas! Tur esaki pasobra no a tuma e tempo necesario pa prepara pa un introduccion di BAZV. Cual ni 7 luna despues juli ultimo a bolbe conoce un aumento.

A scoge pa no corta vet den propio seno pero si castiga pueblo cu un sin fin di medida! Esaki ta loke a sosode tambe ora a introduci e " exchange rate margin" cual tawata un impuesto riba cambio di moneda stranhero. Minister di Finansas a priminti cu pueblo lo no carga e costo aki pero Asociacion di Banco a declara cu no por carge. Dus tur cuidadano ta paga esaki por ehempel ora di bai compras y swipe na un machine cu no ta dibo banco. Pasobra lo converti e suma di florin na dollar y riba esaki bo ta paga belasting.

Apesar cu tur gremio ta contra Gabinete Eman tin "ariba mesa" pa cobra riba cada transaccion. Esaki lo ta e medida di mas burdugo cu gobierno por implementa! Den tur sentido esaki ta afecta e cuidadano pasobra tur ora bo ta hayabo ta hasi un transaccion y cada biaha nan lo bai cobrabo pa esaki kitando bo placa atrobe. Nos di oposicion ta lamenta cu acumulacion di medida ta afectando poder di compra di tur cuidadano y cu gobierno di Mike Eman (Avp) deliberadamente ta hinca man den bo saco abusando di pueblo sin cu te dia di awe a demostra un cambio significativo y baha gasto di gobierno.

Expresionnan haci den e articulo aki no necesariamente ta refleha opinion di ArenaPoliti.co