{idkey=2081b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F1807-parlamentario-chris-romero-mep-green-no-necesariamente-kiermen-barata%3FItemid%3D101][title=Parlamentario+Chris+Romero+%28MEP%29%3A+%E2%80%98Green%E2%80%99+no+necesariamente+kiermen+%E2%80%98barata%E2%80%99][desc=Nos+fraccion+a+elabora+varios+biaha+riba+e+fayo+grandi+cu+AVP+a+comete+cu+nan+ideologia+di+green.+Na+a%C3%B1a+2009+Prome+Minister+Eman+y+su+partido+AVP+a+bende+Aruba+e+concepto+green.+Awe+na+2015+pueblo+por+conclui+cu+solamente+e+color+di+partido+ta+berde%2C+pasobra+no+por+papia+di+un+maneho+green.+Lamentablemente+Prome+Minister+a+duna+Aruba+e+ilusion+cu+un+maneho+green+lo+beneficia+tur+ciudadano+den+nan+cartera+siendo+cu+a+resulta+lo+contrario.Ainda+nos+por+corda+con+sr.+Eman+tawata+parti+den+bariona]}
Nos fraccion a elabora varios biaha riba e fayo grandi cu AVP a comete cu nan ideologia di green. Na aña 2009 Prome Minister Eman y su partido AVP a bende Aruba e concepto green. Awe na 2015 pueblo por conclui cu solamente e color di partido ta berde, pasobra no por papia di un maneho green. Lamentablemente Prome Minister a duna Aruba e ilusion cu un maneho green lo beneficia tur ciudadano den nan cartera siendo cu a resulta lo contrario.
Ainda nos por corda con sr. Eman tawata parti den barionan e saco berde cu tips pa asina tur hende por baha gasto di coriente. E resultado di esey tawata cu WEB a hisa prijs di coriente cu 16% pa por maneha su gastonan. Enbes di haci inversion necesario pa por baha prijs di coriente, a resulta cu nos mester a paga mas na coriente. Actualmente Goldman Sachs ta pronosticando cu prijs di bari di crudo lo baha na $20 pa bari. Manera ta conoci caba, expertonan di Aruba riba di exigencia di gobierno a crucifica nos pa dos aña largo na e prijs di $96 pa bari. Cual porcierto ta un perdida di riba 150 miyon florin caba! Comsifuera esey no ta suficiente, Windpark Vader Piet tambe tin un fixed price! Cu otro palabra eynan tambe tin perdidanan grandi. E break even point cu nos ta mara na dje ta mas o menos $80 pa bari. Esaki ta nifica cu via WEB nos ta pagando 35 pa 40 dollar di mas pa cada bari y via Vader Piet esaki ta mas o menos 30 dollar, cual ta mas o menos un 60 miyon florin adicional na perdida! Hunto Aruba tin mas di 200 miyon florin benta afo den aproximadamente 10 luna! E pregunta e ora na Prome Minister ta, si acaso ainda e ta pensa di sigui cu e di dos parke di molina na Urirama asabiendo cu e no ta bay yuda nos pueblo cu nada, mientras cu e prijs di crudo ta sigui baha.
Loke Prome Minister mester admiti ta cu su vision di un Aruba green no a resulta den un alivio den cartera di nos pueblo, y si e tawata sincero for di comienso, e lo a cuminsa na splica na 2009 cu ‘Groene energie' no necesariamento kiermen 'barata’. Groene energie no kiermen cheap energie! Awendia cada un di nos a siña esaki na un manera duro y e pregunta ta, te ki dia nos ta permiti pa Gabinete Mike Eman 2 sigui tuma nos haci?

Expresionnan haci den e articulo aki no necesariamente ta refleha opinion di ArenaPoliti.co