{idkey=357b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F1820-parlamentario-sr-jeffrey-kelly-avp-analisis-di-e-contradiccionnan-di-mep%3FItemid%3D101][title=Parlamentario+Sr.+Jeffrey+Kelly+%28AVP%29%3A+Analisis+di+e+contradiccionnan+di+Mep+][desc=Parlamentario+Jeffrey+Kelly+ta+haya+hopi+ironico+con+Mep+ta+hibando+politica+durante+ultimo+simannan.+Ta+obvio+cu+pa+nan+nada+no+ta+bon+suficiente+y+cada+proyecto+na+bienestar+di+nos+pueblo+ta+manera+un+spina+den+nan+wowo.+Contradicionnan+di+MepMep+ta+pro+of+contra+Hulanda+ora+ta+cumbini+nan.+Ainda+nos+por+corda+con+un+Parlamentario+di+Mep+a+duna+entrevista+na+un+corant+Hulandes+y+pidi+Hulanda+pa+%E2%80%9Cgrijp+in%E2%80%9D+pa+motibo+di+loke+segun+e+parlamentario+ta+falta+di+control+y+transparencia+financier]}
Parlamentario Jeffrey Kelly ta haya hopi ironico con Mep ta hibando politica durante ultimo simannan. Ta obvio cu pa nan nada no ta bon suficiente y cada proyecto na bienestar di nos pueblo ta manera un spina den nan wowo.

Contradicionnan di Mep

Mep ta pro of contra Hulanda ora ta cumbini nan. Ainda nos por corda con un Parlamentario di Mep a duna entrevista na un corant Hulandes y pidi Hulanda pa “grijp in” pa motibo di loke segun e parlamentario ta falta di control y transparencia financiero.
Dia cu Minister President a bai den welga di hamber Mep no tabata ni carni, ni pisca, pasobra nan no a tuma banda di Aruba e tempo ey, ni tampoco a critica e forma di proceder di Hulanda, ni tampoco a para banda di otro paisnan den reino cu a conoce un situacion similar cu nos pais tabata pasando aden.
Pero ora ley di Caft a pasa, caminda cu ta percura pa tin mas control y transparencia financiero (loke Mep semper tabata pidi pe) y tambe ta pone mas presion riba cualkier gobierno cu ta na mando pa tene nan mes na diferente compromiso y palabracionnan manera por ehempel entrega presupuesto na ora y duna relato na Parlamento di Aruba manera mester ta, tampoco no ta bon pa Mep?
Mep a opta pa bai instiga un grupito y manipulanan pa nan kere cu nos a perde nos autonomia, nos Status Aparte y cu Hulanda kier rekolonisa nos.

Siman pasa nos a mira un articulo den corant caminda cu Mep ta critica e proyecto di “Green Corridor”, caminda cu segun nan ta causa molester pa habitantenan di Pos Chikito y Savaneta. Contento e habitantenan ta di mira cu porfin tin un gobierno cu a corda riba nan y ta precura pa hisa e calidad di bida pariba di brug. Pa añanan largo diferente gobernacionnan a papia di un proyecto di vierbaansweg y diferente desaroyonan den nos infrastructura cu lo hasi nos pais mas atractivo pa inversionistanan. Awo cu Gobierno di Aruba ta ehecutando diferente proyectonan caminda cu ta desaroya infrastructura pariba di brug, tampoco no ta bon pa Mep?

Fraccion di Mep den Parlamento a vota pro pa ley di enseñansa obligatorio y awo nan mes ta “spijbel”, pasobra nan no ta presenta na trabou. Acaso esaki ta e ehempel cu nan kier manda pa nos pueblo y muy en especial na hubentud di Aruba? Nos por a mira caba con muchanan di un scol na playa a wordo “inspira” pa partido Mep y kier a lanta contra rectorado di un scol. Esaki ta loke Mep ta sembra y fomenta.

E ley di parkeermeters cu ta un di e topiconan mas actual den pueblo tambe a haya atencion di Mep. Nan ta “fel tegen”, siendo cu na aña 2007 ex lider di Mep a splica den un carta fecha 16 di februari kico e beneficionan cu introduccion di parkeermeters lo tin pa centro di ciudad. Parlamentario Kelly ta ilustra tres di nan cu segun ex lider di Mep ta e “geordend parkeren”, “vermindering verkeersstagnatie” y last but not least “voordelig voor Arubus. Y tampoco no ta bon pa Mep?

Aruba su Parlamento a dicidi a base di reunionnan di comision di Wapen cu lo establece su propio emblema, mirando cu e escudo di Aruba ta emblema di pais y gobierno. Parlamento di Aruba ta e ultimo Parlamento di paisnan den reino cu a establece su propio emblema. Parlamentonan di Hulanda, Corsow y St. Maarten tur tin nan mesun emblema. Awo ta resulta cu partido Mep ta opta pa usa e echo cu Parlemento tin su mesun emblema pa hunga cu sintimento di pueblo y crea un esfera di controversia ora cu a reemplasa e escudo pa emblema nobo cu ta resalta e “verzelfstandiging” di Parlamento di Aruba.

Mep tabatin un representante como miembro di e comision di Wapen cu a duna su input na tur momento y a aproba e emblema nobo. Unanimamente e comision di Wapen a skohe e shoco pa ta emblema di Parlamento di Aruba, ya cu e shoco ta un simbolo nacional. Tampoco no ta bon pa Mep?

Loke ta bon pa Mep

Loke ta bon pa Mep ta yega na poder cueste loke cueste pa nan continua cu nan filosofia nepotista, famia y amigonan prome y loke resta, si resta, pa pueblo. Loke ta bon pa Mep ta instiga, manipula pensamento y troce e berdad pa inspira grupitonan pa causa destruccion na cas di pueblo. Loke ta bon pa Mep ta saca clausula di huurovereenkomst y ranca 28 miyon na huur di placa di pueblo. Loke ta bon pa Mep ta plunder fondonan di lotto pa deporte. Loke ta bon pa Mep ta duna contract di “sleeping police” na famia. Nos tur conoce e lista di personanan cu a wordo previlegia durante gobernacion di Mep. E diferencia mas grandi entre Mep cu AVP ta cu Mep semper a inverti den famia y amigonan y AVP ta inverti den desaroyo y bienestar di nos pueblo.

Expresionnan haci den e articulo aki no necesariamente ta refleha opinion di ArenaPoliti.co