{idkey=4361b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F2014-evelyn-wever-croes-mep-mep-kier-investigacion-den-proyecto-dudoso-di-hospital-2%3FItemid%3D101][title=Evelyn+Wever-Croes+%28MEP%29%3A+MEP+kier+investigacion+den+proyecto+dudoso+di+hospital][desc=STA.+CRUZ+%E2%80%93+Lider+di+MEP+Evelyn+Wever-Croes+dta+insist+cu+e+proyecto+di+renobacion+di+hospital+ta+un+proyecto+hopi+cuestionabel.+E+proyecto+ta+costa+250+miyon+florin%2C+pero+pueblo+mester+paga+900+miyon+florin+p%E2%80%99e.+Riba+dje+gobierno+no+a+scohe+e+bid+di+mas+abou%2C+sino+e+bid+di+40+miyon+mas+halto%2C+pa+despues+negocia+di+nobo+pa+baha+e+prijs+cu+58+miyon.+Imaginabo+si+nan+a+negocia+cu+esun+cu+a+bid+mas+abou%2C+lo+henter+e+proyecto+lo+a+sali+mucho+mas+abou.+Pero+no+esey+so%2C+pasobra+awor+ta+resulta+cu+]}
STA. CRUZ – Lider di MEP Evelyn Wever-Croes dta insist cu e proyecto di renobacion di hospital ta un proyecto hopi cuestionabel. E proyecto ta costa 250 miyon florin, pero pueblo mester paga 900 miyon florin p’e. Riba dje gobierno no a scohe e bid di mas abou, sino e bid di 40 miyon mas halto, pa despues negocia di nobo pa baha e prijs cu 58 miyon. Imaginabo si nan a negocia cu esun cu a bid mas abou, lo henter e proyecto lo a sali mucho mas abou. Pero no esey so, pasobra awor ta resulta cu e proyecto no ta inclui sala di operacion, ni ningun expansión di cantidad di cama. Kiermeen, mes leew nos ta keda!

Pero pa paga e extra 40 miyon cu nan mester paga e amigo cu e bid mas halto, gobierno mester a cumpli cu CFT y mester a suta pueblo cu medida di health tax cu a subi te na 2%.
Locual mas nos ta cuestiona ta cu un compania renombra, cu a ofrece un prijs GARANTISA mas abou, a wordo nenga djis pasobra mester a privilegia un amigo. Y gobierno no ta ni worry, pasobra masha facil nan a suta pueblo cu e medida di health tax di 2%. No ta gobierno tin cu paga toch, ta pueblo mester pag’e.

“E pregunta cu ami tin ta dicon e gobierno aki no kier duna nos pueblo un alivio? Dicon e gobierno aki ta castiga nos pueblo di e forma aki? Nos a comprende cu e compania cu a perde e bid a keha na varios instancia aki na Aruba, entro otro tambe na husticia, den cual nan a te hasta menciona nombernan di dos coordinador hoben di Mike Eman cu a acerca nan pa pidi placa. Esaki a laga un sabor amargo atras. E forma con e scoring di e destaho a bai tambe a laga un sabor amargo atras. Hendenan cu a cambia nan scoring, scorenan cu no tin ningun logica, un lobbymento pisa cu tabata tin na fabor di e compania cu a gana e bid.

FEITENONDERZOEK
A base di esaki líder di MEP Evelyn Wever-Croes ya na februari caba a entrega un mocion pa hasi un investigacion. Pero e reunion a wordo suspendi mesora. Despues e reunion a wordo yama na september, pero suspendi atrobe, y te dia di awe ta parse cu nan tin miedo di yama e reunion aki atrobe.

“Nos meta ta pa tene un encuesta parlamentario, pero pa por hasi esaki nos mester di informacion. Pesey nos ta urgi minister un biaha mas pa hasi un investigación. Talves después di esey cosnan ta aclarea – nos ta duda, pero ken sa- y no mester bai den e procedura extenso di encuesta parlamentario.
Nos ta para ariba cu mester para e proyecto y hasi un investigacion profundo na e hechos, un feiten onderzoek, mescos cu a tuma lugar pa WEB tocante e contract di hedging. Apesar cu nos sa cu e decisionnan tuma tabata equiboca, nos kier sa e berdad, pueblo tin derecho di sa e berdad. Nos no por imagina cu por tin un hende cu ta contra e investigacion aki. Si nan no tin nada di sconde, nan ta cumpli cu nos peticion, y si nan tin miedo di esaki tambe anto no ta keda nada otro cu Ministerio Publico mester hasi un investigacion al respecto, según Evelyn Wever-Croes.

Expresionnan haci den e articulo aki no necesariamente ta refleha opinion di ArenaPoliti.co