{idkey=3081b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F204-xiomara-ruiz-maduro-no-por-laga-aruba-na-man-di-hende-cu-no-kier-sirbi%3FItemid%3D101][title=Xiomara+Ruiz-Maduro%3A+No+por+laga+Aruba+na+man+di+hende+cu+no+kier+sirbi][desc=Siman+pasa+e+Comicion+di+Tweede+Kamer+di+Hulanda+cu+ta+atende+cu+asunto+di+Reino+a+reuni+cu+Minister+Plasterk+riba+e+situacion+financiero+di+Aruba.+Den+e+reunion+aki+e+parlamentarionan+Hulandes+a+brinda+sosten+na+Minister+Plasterk+pa+e+manera+cu+e+ta+atende+cu+Aruba+su+situacion+financiero.+Nan+ta+decepciona+den+Gabinente+Eman+y+ta+di+opinion+cu+Hulanda+no+por+laga+Aruba+na+man+di+hende+cu+no+kier+sirbi.+Na+unda+cu+Parlamento+di+Aruba+mes+no+a+yama+publico+pa+atende+cu+e+KB+y+e+rapport+di+CFT+d]}

Siman pasa e Comicion di Tweede Kamer di Hulanda cu ta atende cu asunto di Reino a reuni cu Minister Plasterk riba e situacion financiero di Aruba. Den e reunion aki e parlamentarionan Hulandes a brinda sosten na Minister Plasterk pa e manera cu e ta atende cu Aruba su situacion financiero. Nan ta decepciona den Gabinente Eman y ta di opinion cu Hulanda no por laga Aruba na man di hende cu no kier sirbi.

Na unda cu Parlamento di Aruba mes no a yama publico pa atende cu e KB y e rapport di CFT di nos Pais, na Hulanda e parlamentarionan Hulandes si a yama reunion cu Minister Plasterk pa haya sa kiko ta pasando cu e situacion financiero di Aruba. E parlamentarionan a expresa nan preocupacion y remarcabel ta cu parlamentario Van Laar cu semper tabata tin un bon imprecion di Gabinete Eman y cu hasta a tene un entrevista masha alentador den e glossy magazine Aruba Dushi Tera, a expresa cu e ta decepciona den Gabinete Eman pasobra nan no a tene nan mes na nan mes un palabra. Banda di esaki parlamentario Bosman a trece dilanti cu e ta decepciona cu e Paisnan den Reino ta grita cu nan ta autonomo pero no kier asumi nan responsabilidad y pesey ta bira problema di Hulanda. Pero e comentario mas remarcabel tabata esun di parlamentario Van Raak kende a indica cu Hulanda no por laga Aruba na man di hende cu no kier sirbi, sugeriendo aki cu Hulanda no por laga e Pueblo di Aruba mas na man di Gabinete Eman ya cu nan no kier sirbi.

Mester bisa cu ta hopi tristo cu Gabinete Eman cu su mal maneho financiero a logra pa Aruba wordo bergonsa di e manera aki pa politiconan Hulandes. Mas aun ta un berguensa cu Parlamento di Aruba mes no ta trata e situacion financiero di nos Pais y parlamentarionan Hulandes si ta mustra nan preocupacion pa esaki. Esaki ta afirma cu di berdad Aruba ta wordo goberna pa hende cu no kier sirbi e interes di e Pueblo di Aruba y pesey no mester straña nos cu na Hulanda tambe nan ta decepciona den Gabinete Eman.

10 november 2014

Expresionnan haci den e articulo aki no necesariamente ta refleha opinion di ArenaPoliti.co