{idkey=9077b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F2054-rene-herde-avp-baha-gasto-di-gobierno-sin-stagna-economia-of-crea-problema-social%3FItemid%3D101][title=Rene+Herd%C3%A9+%28AVP%29%3A+Baha+gasto+di+gobierno+sin+stagna+economia+of+crea+problema+social][desc=Maneho+di+baha+gasto+den+forma+gradual+ta+continua.%26amp%3Bnbsp%3B+E+punto+di+bista+di+fraccion+di+AVP+y+e+maneho+di+gobierno+di+AVP+pa+yega+na+finansa+publico+sostenibel+ta+bon+conoci%3A+nos+kier+y+ta+bay+elimina+e+deficit+riba+presupuesto+cu+tey+pa+decadanan+largo.+Nos+kier+y+ta+bay+balansa+e+entradanan+di+gobierno+cu+e+gastonan+di+gobierno.+Nos+kier+y+energ%C3%A9tica+a+bay+cuminsa+baha+e+debe+cu+a+acumula+den+ultimo+28+a%C3%B1a.+Pa+haci+esaki+mester+baha+e+gastonan+actual+di+operacion+di+gobierno+den+forma+stru]}
Maneho di baha gasto den forma gradual ta continua. 

E punto di bista di fraccion di AVP y e maneho di gobierno di AVP pa yega na finansa publico sostenibel ta bon conoci: nos kier y ta bay elimina e deficit riba presupuesto cu tey pa decadanan largo. Nos kier y ta bay balansa e entradanan di gobierno cu e gastonan di gobierno. Nos kier y energética a bay cuminsa baha e debe cu a acumula den ultimo 28 aña. Pa haci esaki mester baha e gastonan actual di operacion di gobierno den forma structural. Nos a baha gasto y ta bay  sigui baha e gastonan den forma structural. Pero den un forma gradual. Nos ta haci esaki pasobra nos sa cu si baha e gastonan mucho lihe, e lo tin consecuencianan grave pa desaroyo economico, creasion di cuponan di trabou, pa operacion di companianan chikito, pa forsa di compra di pueblo, pa servicionan publico y pasobra tur esaki lo tin consecuencianan social grandi. Dos di e miho ehemplenan di un maneho di corta gasto mucho lihe ta Hulanda y Corsow. Dos pais ruman den Reino cu a experiencia e consecuencianan economico y social negativo di e maneho di corta gasto mucho lihe. Concientemente nos a scohe pa no hiba e maneho ey. Ta door di sigura cu inversionnan por sigui, ta door di percura pa hopi mas hende tin trabao y door di sigui stimula crecemento economico cu bon maneho, nos a logra sali di e pio crisis den mundo den mas cu cien aña. Ta cu e maneho conciente pero cauteloso aki, di baha gasto gradualmente y sigui haci inversionnan, nos a logra mantene un crecemento economico, un reduccion di desempleo y mantene forsa di compra di gruponan grandi di nos comunidad. Den palabranan di e ex-bankero di Corsow, Ron Gomes Casseres, nos na Aruba ta percura pa stabilisa finansa publico, pero tambe nos ta inverti den "prosperidad, pa nos jiunan y nan jiunan lo tin un miho calidad di bida".

MANEHO CONOCI
Partido MEP a malusa un e eror di un trahado den prensa, pa purba crea e impresion cu ami, Rene Herde' y AVP, no lo kier baha gasto. Nan a bay mas leu den nan comportacion infantil y hipocrita, pa gaña cu AVP lo ta gasta placa. Te awe niun di e storianan di MEP a resulta di ta bedad. Esun aki ta mescos!

Baha gasto ta un parti integral di un maneho pa balansa finansa publico. Pa decadanan largo  paisnan rond di mundo a sera nan presupuesto door di fia placa, pasobra e entradanan no ta yega pa cubri tur nan gasto. Specialmente paisnan chikito tin e dilema aki. E diferencia entre e maneho di AVP cu oposicion, cu Hulanda y cu CAFT, ta cu AVP ta scohe pa baha gasto structuralmente pero den un forma gradual, reparti over di mas aña. Di e forma aki y door di continuamente busca forma pa no afecta esnan mas vulnerabel y pa no stroba desaroyo economico, nos a logra loke otro paisnan no a logra: esta hisa crecemento economico, baha desempleo, salba fondonan di pensioen y inverti den infrastructura y forsa di compra di parti grandi di pueblo.

E ponencia di MEP cu gobierno di AVP lo ta gasta placa tampoco no ta berdad. E inversionnan den infrastructura, den barionan, den centronan di nos ciudadnan, den turismo y den enseñansa, ta preubanan di esaki. Cada cen cu a wordo gasta ta wordo responsabilisa. Pa prome biaha den historia tin cuentanan anual y raportnan cada cuartal di entrada y gastonan. Bou di niun gobierno di MEP nan por a bisa esey! Raport di WODC ta confirma esaki! 

Expresionnan haci den e articulo aki no necesariamente ta refleha opinion di ArenaPoliti.co