{idkey=2276b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F21-evelyn-wever-croes-gobierno-no-tin-vision-pa-rescata-finansas-di-nos-pais%3FItemid%3D101][title=Evelyn+Wever-Croes%3A+Gobierno+no+tin+vision+pa+rescata+finansas+di+nos+pais][desc=Den+e+conferencia+di+prensa+di+diaranson+ultimo+parlamentario+Evelyn+Wever-Croes+a+duna+su+refleccion+relaciona+cu+e+reunion+cu+a+tuma+lugar+di+comicion+permanente+di+finansas+y+economia.+Parlamentario+Wever-Croes+a+declara+lo+siguiente%3A%26quot%3B+E+reunion+tawata+ensera+cu+Minister+di+finansas+%26amp%3Bnbsp%3Bmester+a+duna+un+splicacion+riba+e+contenido+di+rapport+di+CFT+y+cual+ta+e+pasonan+cu+gobierno+lo+bai+tuma+den+2014+y+2015+pa+cumpli+cu+loke+CFT+ta+bisa.+Na+final+di+e+reunion+ma+keda+mas+bruha+cu+promer+cu+]}

Den e conferencia di prensa di diaranson ultimo parlamentario Evelyn Wever-Croes a duna su refleccion relaciona cu e reunion cu a tuma lugar di comicion permanente di finansas y economia. Parlamentario Wever-Croes a declara lo siguiente:" E reunion tawata ensera cu Minister di finansas  mester a duna un splicacion riba e contenido di rapport di CFT y cual ta e pasonan cu gobierno lo bai tuma den 2014 y 2015 pa cumpli cu loke CFT ta bisa. Na final di e reunion ma keda mas bruha cu promer cu mi a bai e reunion.

 

 

Lamentabel ta cu ora nos ta kere gobierno ta serio riba un linea y finalmente lo bai soluciona e problema financiero di nos pais a resulta cu un ta papia un cos y e otro ta papia un otro cos. Mi ta referiendo na un carta cu Gobierno a manda pa gobierno di reino, eerste kamer y tweede kamer dia 1 di oktober. Remarcabel ta cu e carta tawatin hopi erornan gramatical na Hulandes algo cu no ta suppose di sosode na e nivel aki. Ademas di esaki nos a tuma nota cu e carta aki ta firma solamente door di Minister de Meza algo cu sigur ta poco straño. Den e carta Minister ta indica cu e CFT rapport no ta presenta nada nobo y ta pidi pa gobernador pa firma e presupuesto 2014 numa y cu despues lo manda e presupuesto supletorio. Dos dia despues 3 oktober Minister Plasterk ta contesta cu Gobernador ta bai warda e cambionan conforme CFTpasa parlamento prome y despues lo por firma e presupuesto mes. Remarcabel ta cu Gobierno di AVP ta papia di un presupuesto supletorio siendo cu Hulanda ta papiando di e presupuesto original cual mester wordo cambia. Esaki ta prueba cu tin un diferencia grandi entre e posicion di gobierno y gobierno di Reino.

 

Na final di e reunion ma hasi Minister Bermudez un pregunta: Na 2009 ora MEP a sali for di gobierno nos debe nacional tawata 40% awor 5 aña despues e ta 80%. Cuanto aña e lo tarda pa nos yega bek na e status cu MEP a lage? CFT a duna diferente scenario si bo bai cu man duro bo lo dura 10 aña y si bo scoge e scenario mas suave e lo dura pais Aruba 26 aña pa recupera for di e crisis cu AVP a hinca Aruba aden, y pesey ta importante pa sa ki scenario Gobierno di AVP a scohe. Lamentabel ta e contesta di e Minister di finansas Bermudez cu a contesta cu talves e lo no ta na bida e tempo ey. Ami tampoco no tey mas e tempo ey talves, pero esey no ta un contesta. Nos debe nos yiunan y nan yiunan un contesta ki dia nos ta wordo rescata di e desgracia cu Mike Eman a causa nos pais. Ta nos responsabilidad pa pone enfasis riba e futuro di nos jiunan, segun parlamentario Evelyn Wever-Croes.

Expresionnan haci den e articulo aki no necesariamente ta refleha opinion di ArenaPoliti.co