{idkey=3994b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F2311-abo-abb-morto-politico-di-sr-angel-bermudez-belasting%3FItemid%3D101][title=Partido+ABO%3A+%26quot%3BABB%3A+morto+politico+di+sr.+Angel+Bermudez+Belasting%21%26quot%3B][desc=Duna+%E2%80%98Cesar+locual+ta+di+Cesar%E2%80%99.+E+gobierno+actual+si+ta+campeon+di+trata+tuma+pueblo+haci.+E+gobierno+actual+a+palabra+cu+Hulanda%2C+cu+nan+lo+introduci+24+medidanan+riba+lomba+di+pueblo+pa+reduci+e+debe+gigantesco+di+mas+di+6+biyon+den+casi+20+te+na+40%25.+Pero+esaki+por+wordo+logra+solamente+si+e+economia+di+Aruba+crece+anual+cu+3+%25.+Esaki+ta+nada+mas+di+bisa+di+un+forma+elegante+cu+e+asunto+financiero+ta+pinta+hopi+scur.+Pasobra+cu+dificultad+hende+por+pronostica+kico+lo+ta+e+desaroyo+econom]}
Duna ‘Cesar locual ta di Cesar’. E gobierno actual si ta campeon di trata tuma pueblo haci. E gobierno actual a palabra cu Hulanda, cu nan lo introduci 24 medidanan riba lomba di pueblo pa reduci e debe gigantesco di mas di 6 biyon den casi 20 te na 40%. Pero esaki por wordo logra solamente si e economia di Aruba crece anual cu 3 %. Esaki ta nada mas di bisa di un forma elegante cu e asunto financiero ta pinta hopi scur. Pasobra cu dificultad hende por pronostica kico lo ta e desaroyo economico pa 3 aña. Corda pa mas cu 20 aña. Pero e gobierno kier pinta un storia positivo y bunita pa bisa pueblo cu Aruba ta bancarota, pero cu e no ta asina malo. E tipo di e manipulacion asina, ta cay den e mesun categoria di e palabranan di un ‘tiki rood’ di e minister-president, mientras cu e tabata sa cu Aruba ya tabata den ‘hopi rood’ na 2013.

E gobierno actual a palabra cu Hulanda, cu nan lo a introduci een ‘Algemene Bestedingsbelasting (ABB)’. College Financieel Toezicht (Cft), 2 december 2014: ‘Taakstelling belastingherziening’,  AWG. 55 miyon (2016), AWG. 80 miyon (2017) y AWG. 100 miyon (2018).

Tambe gobierno a garantisa cu e medida aki lo wordo introduci via e presupuesto (Protocol ‘Afspraken tussen de regeringen van Aruba en Nederland over de openbare financiën van Aruba’, 2 mei 2015: ‘In de begroting 2015 de aanbevelingen van het College Financieel Toezicht (Cft),..worden vertaald naar concrete en deugdelijke onderbouwde maatregelen’).

Awor cu e minister di Finansas y Organisacion gubernamental, sr. Angel Bermudez, a confirma siman pasa den parlamento cu gobierno lo a introduci e ABB cu un tarifa di 7%, manera a wordo palabra, ata e minister-president ‘himself’ ta ‘over ruled’ su propio minister bisando publicamente ‘cu ningun impuesto di ABB ta na caminda (Diario, 19 november 2015). Tambe e minister-president a prohibi e minister di Finansas y Organisacion gubernamental pa papia mas riba e asunto di ABB.

Pues, ta kende ta papia e berdad? Un cos ta sigur. Segun e minister-president, e minister di Finansas y Organisacion gubernamental a mal informa parlamento. Dus tecnicamente, e minister di Finansas y Organisacion gubernamental tambe tin cu bay cas!

Pero e asunto di ABB no a caba akinan. Pasobra diripiente e minister-president so kier papia riba e asunto di impuesto. Pa hopi hende esaki lo ta straño, pero dje straño e no ta. E ‘over ruling’ y e ‘muilkorven’ di e minister di Finansas y Organisacion gubernamental tambe ta un palabracion haci cu Hulanda. Cft, 10 april 2015: ‘Versterk het ownership door het instellen van een ministeriele stuurgroep onder voorzitterschap van de MINISTER-PRESIDENT’.

Algun hende lo bisa awor cu porfin e minister-president ta cumpli cu locual el’a palabra. Pero lamentabel pa bisa cu aki tampoco e tabata sincero cu e pueblo ora el’a bisa: ‘Productonan ta wordo cobra na frontera, mientras cu BBO (y BAZV) lo wordo elimina’(Diario, 19 november 2015). Pasobra e BBO y e BAZV mientrastanto ta un impuesto solidario permanente, cu no lo wordo kita. Esaki tambe a wordo palabra cu Hulanda. Cft, 4 juni 2015: ‘Daarmee werd invulling gegeven aan het advies van het Cft om een SOLIDARITEITSHEFFING in te voeren’  y ‘U (red. sr. Bermudez) heeft in de Staten aangegeven dat, indien nodig, in de tweede helft van het jaar additionele maatregelen genomen zullen worden als de norm van 3,7% in gevaar komt’. Y corda cu e palabracion aki ta hancra den e Protocol di 2 mei 2015.

Conclusionnan:

1. E ta obvio cu e minister-president ‘himself’ ta encarga awor cu e impuesto di ABB y no e minister di Finansas y Organisacion gubernamental cu mientrastanto tambe ta ‘gemuilkorfd’;
   
   
2. Parlamento a wordo mal informa atrobe, pero tur hende ta keda sinta y parlamento ta keda keto bay drumi;
   
   
3. E ABB lo bay wordo introduci silenciosamente den e presupuesto, manera nan a haci cu e SOLIDARITEITSHEFFING (BBO y BAZV);
   
   
4. E partidonan tradicional ta keda tuma pueblo haci pa laga nan kere cu esaki ta democracia y bon gobernacion.
   
   

(www.aboaruba.org, This email address is being protected from spambots. You need JavaScript enabled to view it.)

Expresionnan haci den e articulo aki no necesariamente ta refleha opinion di ArenaPoliti.co