{idkey=1246b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F2429-rene-herde-avp-conferencia-riba-clima-na-paris-a-duna-resultado-cu-ta-afecta-nos-futuro-directamente%3FItemid%3D101][title=Rene+Herd%C3%A9+%28AVP%29%3A+Conferencia+riba+clima+na+Paris+a+duna+resultado+cu+ta+afecta+nos+futuro+directamente][desc=Den+fin+di+siman+e+conferencia+riba+cambio+di+clima+y+su+consecuencianan+na+Paris%2C+Francia%2C+a+finalisa.+E+195+paisnan+a+yega+na+un+acuerdo+pa+realisa+e+meta+di+limita+e+aumento+di+temperatura+di+mundo+na+maximal+1.5+grado+y+asina+keda+bou+di+e+aumento+di+2%25+cu+ta+asina+critico+pa+henter+mundo.+E+acuerdo+aki+ta+haya+forma+di+ley+den+tur+pais.+Door+di+esey+e+ta+mas+cu+un+acuerdo+y+e+por+wordo+sanciona.+Sir+Richard+Branson+presidente+di+e+%26amp%3Bnbsp%3Bcompania+Virgin+y+un+di+e+personanan+cu+mas+a+boga+pa+]}Den fin di siman e conferencia riba cambio di clima y su consecuencianan na Paris, Francia, a finalisa. E 195 paisnan a yega na un acuerdo pa realisa e meta di limita e aumento di temperatura di mundo na maximal 1.5 grado y asina keda bou di e aumento di 2% cu ta asina critico pa henter mundo. E acuerdo aki ta haya forma di ley den tur pais. Door di esey e ta mas cu un acuerdo y e por wordo sanciona. Sir Richard Branson presidente di e  compania Virgin y un di e personanan cu mas a boga pa yega na acuerdonan riba e tema aki, a bisa lo siguiente diasabra: "Awe e rumbo di historia a cambia. Lo corda riba e acuerdo di Paris pa generacionnan cu ta bin, como e momento cu henter mundo a bini hunto y a fiha un caminda nobo pa cuido di mundo, pa husticia economico y prosperidad comparti." Presidente Barak Obama cu a pone hopi presion pa yega na e acuerdo aki, a bisa entre otro cu e acuerdo aki "Ta sigura cu nos lo laga nos mundo den miho condicion pa generacionnan despues di nos". E palabranan aki di Presidente di Merca y di un di e empresarionan mas progresivo y un di e activistanan pa control di clima, cu mas influencia na mundo, ta mustra e importancia di e conferencia aki pa tur pais tur rond di mundo.

IMPORTANCIA PA ARUBA

E importancia di e acuerdo di e conferencia riba clima na Paris ta mas importante ainda pa nos na Aruba. Pasobra e ta afecta  futuro di Aruba y di nos tur directamente. Si e temperatura di mundo sigui subi manera e ta haci awor aki, den menos di 25 aña costanan di nos pais caminda tur e hotelnan di nos industria di turismo ta, lo ta bou di awa. Pasobra e aumento di temperatura di mundo cu djis 2 grado mas, lo causa cu e nivel di lama na mundo lo subi permanentemente. Esaki lo aumenta e nivel di lama suficiente pa pone e hotelnan bou di awa. Door di reduci of sikiera controla e temperatura, por limita e subida di e nivel di awa y asina salba parti grandi y importante di nos isla.

BOGA PA ISLANAN

Ta pa e motibo aki tabata asina importante pa Prome Minister di Aruba ta presente na Paris y den nomber di 52 isla manera no, boga y lobby pa yega na e acuerdo cu alfin a logra. Den palabranan di lidernan di e 52 islanan chikito y vulnerabel aki "Si nos mes no boga pa salba nos propio islananan akinan caminda tur e paisnan grandi y poderoso ta, anto ken ta haci'e pa nos?" Pa islanan chikito manera Aruba, e resultado di e conferencia ta un asunto di bida y morto. E 52 islanan chikito rond di mundo a uni den e grupo di SIDS y a resona nan voz durante di e conferencia na Paris. Entre nan tabata e Prome Minister di Aruba y lider politico principal di nos pais, Mike Eman. Ela fungi como un di e voceronan di e grupo di 52 isla. E acuerdo cu e 195 paisnan a yega na dje na Paris, ta duna speransa cu e amenasa di hisamento di e nivel di lama pa e islanan lo wordo kita. E critica di algun figura politico na Aruba, cu Minister Presidente a biaha pa placer y a gasta placa, ta totalmente for di sla. Hobennan di Aruba cu tin cu bida den futuro, mester ta puntra nan mes si e politiconan cu no ta haya e asunto di conctrol di clima importante, ta haya cu futuro di nos pais y nan bida ta importante

Expresionnan haci den e articulo aki no necesariamente ta refleha opinion di ArenaPoliti.co