{idkey=6524b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F2529-parlamentario-chris-romero-mep-tocante-rebaho-di-coriente-gabinete-mike-eman-a-priminti-rebaho-di-40-y-no-10-so%3FItemid%3D101][title=Parlamentario+Chris+Romero+%28MEP%29+tocante+rebaho+di+coriente%3A+Gabinete+Mike+Eman+a+priminti+rebaho+di+40%25+y+no+10%25+so][desc=Cu+un+gran+show+mediatico%2C+digno+di+un+circo+politico%2C+nos+a+mira+con+na+fin+di+december+2015+Minister+President+a+anuncia+cu+tarifa+di+coriente+lo+conoce+un+rebaho+di+10%25+for+di+january+2016.E+ta+bon+pa+refresca+memoria+di+sr.+Mike+Eman%2C+y+hasi+Aruba+conciente+di+su+%26amp%3Bnbsp%3Bintento+di+manipulacion.+Cu+factornan+concreto+y+valido+encuanto+e+asunto+aki%2C+mi+ta+bay+splica+den+corto+y+realisticamente+loke+sr.+Eman+ta+keda+lubida%2C+convenientemente%2C+di+splica+nos+pueblo.Nos+tur+na+Aruba+por+corda+cu+na+]}
Cu un gran show mediatico, digno di un circo politico, nos a mira con na fin di december 2015 Minister President a anuncia cu tarifa di coriente lo conoce un rebaho di 10% for di january 2016.
E ta bon pa refresca memoria di sr. Mike Eman, y hasi Aruba conciente di su  intento di manipulacion.
Cu factornan concreto y valido encuanto e asunto aki, mi ta bay splica den corto y realisticamente loke sr. Eman ta keda lubida, convenientemente, di splica nos pueblo.

Nos tur na Aruba por corda cu na aña 2009 Gabinete Mike Eman a aumenta tarifa di awa y coriente cu 20%.
Algun tempo despues Minister Mike de Meza a sali bisa publicamente cu na aña 2012 nan lo baha e tarifa di awa cu coriente cu un 40%, pero esey nunca a pasa.
Na november 2014 Gobierno a bin Parlamento, sin ningun tipo di circo mediatico, pa avisa cu lo bolbe aumenta e tarifa di awa y coriente cu 16%.
Pa purba hustifica e aumento aki, Gobierno a opta pa presenta na Parlamento cu e directornan di tanto WEB cu ELMAR pa asina purba splica e pakiko di e aumento.
Ni maske cuanto Mike Eman y consorcio purba di manipula nos cu nan campañanan di positivismo, e realidad desalentador ta keda cu for di 2009 pa awor, nan a aumenta tarifanan di awa cu coriente cu 36% primintiendo falsamente di lo duna rebaho di 40% den un futuro cu nunca a yega.

Awor kier bolbe hunga comedia di heroe, purbando di pone pueblo kere cu ta un gran logro nan a hasi di bin cu un rebaho di 10%.
Pero, pakiko ainda no a bin cu e rebaho di 40% cu nan a priminti den pasado caba? Despues di a aumenta e servicionan basico aki cu 36%, dicon e mester ta un logro heroico cu lo rebaha unicamente 10%? Unda e otro 26% a keda anto? Esakinan ta preguntanan cu ta biba den pueblo y cu Mike Eman lo keda ignora manera ta su custumber.

Cu e hedging mal ehecuta, cu a costa nos na Aruba mas di 200 miyon florin, Gobierno por a rebaha e tarifa cu 50% of 60% fasilmente. Pero aki ta caminda cu bo ta mira kiko mal maneho di un Gobierno ta hasi cu su pueblo. No ta importa e gobernantenan di AVP pa pone nos pueblo sufri pagando tarifanan extremadamente halto di awa cu coriente, contal cu nan por tin placa pa malgasta den nan soño frustra di "Green Energy". Un soño cu te cu e dia di awe no a duna nos comunidad ningun tipo di beneficio.

Expresionnan haci den e articulo aki no necesariamente ta refleha opinion di ArenaPoliti.co