{idkey=795b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F2546-rene-herde-avp-presupuesto-2016-ta-prueba-concreto-di-e-maneho-di-reforma-financiero-balansa%3FItemid%3D101][title=Rene+Herd%C3%A9+%28AVP%29%3A+Presupuesto+2016+ta+prueba+concreto+di+e+maneho+di+reforma+financiero+balansa][desc=Pa+hopi+a%C3%B1a+AVP+a+bisa+y+splica+cu+e+ta+bay+hiba+un+maneho+di+desaroyo+balansa+Aruba.+A+bisa+cu+mester+pone+economia+crece+y+pone+mas+hende+bek+na+trabou+prome.+A+bisa+cu+ora+esey+sosode%2C+ta+percura+pa+e+forsa+di+compra+mehora.+Pasobra+pueblo+a+perde+mas+cu+24%25+di+forsa+di+compra+den+ocho+a%C3%B1a+di+gobernacion+di+MEP.+AVP+a+bisa+cu+lo+drecha+finansa+publico+y+haci+cambionan+pa+crea+presupuestonan+balansa+pa+depues+cuminsa+paga+e+debenan+cu+a+crea+den+30+a%C3%B1a+bou+tur+gobierno.+AVP+a+bisa+cu+lo+hac]}
Pa hopi aña AVP a bisa y splica cu e ta bay hiba un maneho di desaroyo balansa Aruba. A bisa cu mester pone economia crece y pone mas hende bek na trabou prome. A bisa cu ora esey sosode, ta percura pa e forsa di compra mehora. Pasobra pueblo a perde mas cu 24% di forsa di compra den ocho aña di gobernacion di MEP. AVP a bisa cu lo drecha finansa publico y haci cambionan pa crea presupuestonan balansa pa depues cuminsa paga e debenan cu a crea den 30 aña bou tur gobierno. AVP a bisa cu lo haci e reforma di finansa publico sin cu e ta afecta e crecemento economico, e creasion di trabou of e forsa di compra di pueblo. Ta bon pa wak awor si a logra e metanan aki. Ban compara aña 2009 cu e aña aki pa haya sa si a logra e metanan ey.

2009 vs 2016
Na 2009 e crecemento economico di nos pais tabata 13% negativo. Kier men cu NO tabata tin crecemento economicosegun CFT tin crecemento economico na Aruba atrobe for di 2011. Awe na 2016 e crecemento economico ta atrobe rond di 3%. Un nivel di crecemento cu poco pais na mundo tin despues di e crisis mundial. AVP a bisa cu lo pone mas hende bek na trabou. Sin e refeneria den operacion a logra baha e tasa di desempleo di 11% pa 7.5%. Si logra habri e refineria e aña aki, e cantidad di hende cu lo haya trabou lo subi ainda mas. Ta esey nos kier tambe! AVP a bisa cu lo mehora e forsa di compra pa drecha e 24% di forsa di compra cu pueblo a perde bou di gobernacion di MEP. Den e prome cuatro añanan di gobernacion di AVP e empleadonan publico a bay dilanti cu 5000 florin pa aña. Pensionadonan a wak nan entrada stabilisa y nan pensioen a wordo salba y sigura. Trahadornan di hotel, negoshinan priva, oficinanan y tiendanan den sector priva a wak nan forsa di compra stabilisa cu e “reparatietoeslag”. Awor cu e aumento di salario minimo na 2016 y e reduccion di prijs di coriente, tur famia na Aruba ta wak nan forsa di compra mehora cu un promedio di 10% e aña aki. AVP a bisa cu lo reforma finansa publico y cuminsa paga e debe di 30 aña. Pa haci esaki mester baha e deficit riba presupuesto y balansa e presupuesto, sin afecta e crecemento economico, e forsa di compra of mercado laboral. Tur cifra economico, laboral y di forsa di compra ta positivo awor aki. Na mes un momento e presupuesto di 2016, ta bolbe mustra cu e deficit ta sigui baha. E aña aki e presupuesto di gobierno di Aruba ta bolbe yega mas serca di e punto di presupuesto balansa. Rene Herdé: “E presupuesto 2016 ta un bon momento pa evalua si e maneho di desaroyo balansa ta wordo cumpli. Esta di pone economia crece, baha despuempleo, mehora forsa di compra y reforma finansa publico tur hunto. Tur cifra y tur indicacion ta cu ta logrando netamente esey. A baha gastonan publico, a hisa entrada di gobierno sin tuma medida y sin afecta e crecemto economico of e forsa di mercado laboral. Esaki ta exactamente loke nos a bisa cu mester haci pa ponen os pais bek riba caminda di crecemento y mehoracion gradual pa nos tur. Nos ta constata cu gobierno ta logrando tur e metanan aki. Anto ta haci esaki riba propio forsa!”

Expresionnan haci den e articulo aki no necesariamente ta refleha opinion di ArenaPoliti.co