{idkey=8655b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F2671-rudy-richardson-mep-e-disorden-di-mike-y-avp%3FItemid%3D101][title=Rudy+Richardson+%28MEP%29%3A+E+Disorden+di+Mike+y+AVP][desc=Mi+ta+spera+pa+e+futuro+di+nos+pais+y+nos+yiunan+cu+nos+digno+pueblo+ripara+e+desorden+di+e+Gobierno+di+Mike+y+AVP+un+berguensa+nacional+ta+tiki+pa+locual+e+gobernantenan+aki+a+haci+cu+nos+pueblo.+%E2%80%9CSi+den+un+pais+bo+vota+pa+ken+cu+ta%2C+kico+cu+ta%2C+cos+ta+bay+con+cu+ta.%E2%80%9D+un+expresion+di+nos+lider+honerario+Sr.+Nelson+Oduber+di+MEP.+Esaki+no+por+a+cuadra+mas+cu+e+realidad+actual+di+nos+pais+riba+nivel+di+gobernacion.+Na+January+7+%2C2016+e+Minister+di+Turismo+Otmar+Oduber+ta+bay+despacho+di+nos+E]}
Mi ta spera pa e futuro di nos pais y nos yiunan cu nos digno pueblo ripara e desorden di e Gobierno di Mike y AVP un berguensa nacional ta tiki pa locual e gobernantenan aki a haci cu nos pueblo. “Si den un pais bo vota pa ken cu ta, kico cu ta, cos ta bay con cu ta.” un expresion di nos lider honerario Sr. Nelson Oduber di MEP. Esaki no por a cuadra mas cu e realidad actual di nos pais riba nivel di gobernacion. Na January 7 ,2016 e Minister di Turismo Otmar Oduber ta bay despacho di nos Excelencia Gobernador pa retira su apoyo di Gabinete Eman II: Sr. Oduber ta splica na prensa cu su carta tin 7 punto di preocupacion y si esaki no wordo atendi debidamente e lo tuma su retiro Maart 1, 2016. Un di su puntonan cu a capta atencion ta e ola di Criminalidad asotando nos pais, algo cu nos di MEP a yama varios reunion publico pa trata e situacion alarmante aki. Hasta nos a entrega un mocion di desconfiansa den Minister Arthur Dowers. Mirando cu den area Turistico pero tambe den areanan Local ta atraco tras di atraco ta tuma lugar. Nos pais parce uno cu ta den pleno guerra. E fraction di AVP bao tur condicion ta sostene Minister Dowers hasta despues cu dos ciudadanon di nos pais a wordo agredi cu arma blanco, consecuentemente uno a perde su bida na un club nocturno famia di Minister Paul Croes. Varios suplica a wordo haci pa cera e establicimento mas trempan of revoka e licencia pero e gobierno di AVP ta traha pa nan grupito y no pa interes general di nos digno pueblo. Te awe e persona cu a comite e acto criminal aki ta liber den nos comunidad y Parlamentarionan di AVP ta bira cara pa esaki. Pa colmo de los colmos Minister Otmar Oduber ta expresa e siman aki despues cu e la laga su mes mustra manera un payaso den e circo di Sr. Mike Eman pasobra un Minister segun nos constitucion ta responsabel na Parlamento di Aruba y no nos Gobernador. Oduber ta bisa: E ta mas orguyoso cu nunca di e Gobierno di Mike, mas orguyoso di e partido AVP cu e la scoge pa inicia su carera politico”. Un Minister cu ta culi su palabranan den menos di tres siman esaki ta refleha un Gobierno cu no tin sentimento pa pueblo mas, pero pa nan saco y interes personal ta bay riba tur norma di bon gobernacion.

CFT: “De aandacht moet nu vooral op de maatregelen (MEDIDANAN) om de begroting in de periode tot 2018 in evenwicht te brengen. Op basis van de gecorrigeerde begroting 2014 en de huidige meerjarencijfers zal de schuld zonder aanvullende maatregelen verder stijgen tot 84.9% in 2018”. Esaki ta e rapport di CFT data September 12, 2014 dus locual Minister Oduber ta papia den un di su 9 puntonan riba e proocupacion di nos financias publico ta nada mas cu un mentira flagrante, pasobra e ta complice di e mal maneho aki desde 2009. A presupuesta Miyons mas den e presupuesto di 2016 den Viahamento, Coordinadornan y Mercadeo pa laba celebro di nos pueblo cu nan mal maneho. Gobierno no ta bahando nan gastonan anto ta sigui cu un maneho hopi cuestionable. Sr. Eman ta keda bisa e ta contento cu e presupuesto di 2016 anto CFT, Raad Van Advies y Banco Central ta bisa cu e presupuesto ta IRREALISTICO. E presupuesto aki no cambia e realidad di nos pais, e ta un reto pa Sr. Eman pa e por keda riba stoel di Prome Minister di Aruba pero e no ta cambia su incapacidad di gobernan nos isla na un manera responsabel pa e beneficio di nos comunidad den su totalidad. Cu Dios por guia y conserva nos amor pa libertad!

Expresionnan haci den e articulo aki no necesariamente ta refleha opinion di ArenaPoliti.co