{idkey=5994b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F2803-evelyn-wever-croes-mep-minister-di-husticia-di-aruba-mes-ta-trapa-riba-constitucion%3FItemid%3D101][title=Evelyn+Wever-Croes+%28MEP%29%3A+Minister+di+Husticia+di+Aruba+mes+ta+trapa+riba+Constitucion][desc=MINISTER+ARTHUR+DOWERS+NO+TA+CONTESTA+PARLAMENTARIONAN%26amp%3Bnbsp%3BORANJESTAD+%E2%80%93+Un+tema+cu+fraccion+di+MEP+a+enfatisa+hopi+durante+tratamento+di+presupuesto+tabata+na+momento+cu+e+propio+Minister+di+Husticia+mes+ta+trapa+nos+Constitucion.+Si+tabata+un+otro+minister%2C+bo+por+pensa+cu+talves+e+no+sa+mihor%2C+pero+un+minister+di+husticia+cu+e+mes+ta+trapa+Constitucion%2C+ta+algo+nunca+antes+visto.Constitucion+di+un+pais+ta+e+ley+mas+halto+y+mas+importante+di+un+pais.+Nos+Constitucion+ta+stipula+cu+na+momento]}
MINISTER ARTHUR DOWERS NO TA CONTESTA PARLAMENTARIONAN 

ORANJESTAD – Un tema cu fraccion di MEP a enfatisa hopi durante tratamento di presupuesto tabata na momento cu e propio Minister di Husticia mes ta trapa nos Constitucion. Si tabata un otro minister, bo por pensa cu talves e no sa mihor, pero un minister di husticia cu e mes ta trapa Constitucion, ta algo nunca antes visto.
Constitucion di un pais ta e ley mas halto y mas importante di un pais. Nos Constitucion ta stipula cu na momento cu un parlamentario hasi pregunta, e minister MESTER contesta e pregunta. No solamente cu e minister mester contesta, sino cu e minister mester contesta nan den tempo rasonabel. E unico excepcion ta si e informacion cu ta wordo pidi ta contra interes di pais Aruba of di Reino. Esaki ta poni den articulo III.17 di nos Constitucion:

Artikel III.17
Elk lid van de Staten heeft het recht vragen te stellen aan de ministers en de staatssecretaris. De ministers en de staatssecretaris beantwoorden deze vragen binnen redelijke termijn, voor zover het beantwoorden daarvan niet strijdig geoordeeld kan worden met het belang van het Land of van het Koninkrijk.

Fraccion di MEP a hasi Minister Dowers 71 pregunta por escrito durante tratamento di presupuesto, manera ta custumber. Tur ta preguntanan cu tin di haber cu e maneho di e varios departamentonan den ministerio di Husticia. E minister a contesta 25 pregunta, y e demas 46 e minister a skibi cu lo contesta nan durante e reunion publico. Pero durante e reunion publico e minister a nenga di contesta nan, argumentando prome cu e fraccion no tin interes pa scucha contesta. Lider di MEP a splica e minister cu si e personalmente no tin confiansa mas den e minister, no kiermeen cu e minister por keda sin contesta preguntanan tocante e ministerio.
Despues e minister a argumenta cu ya el'a contesta nan caba den pasado. Pero con e por a contesta nan si varios di nan tin di haber cu e presupuesto 2016? Cu esaki minister Dowers ta mustra di no tin respet pa su deber constitucional, y bou e circumstancianan asina, e no por keda mas como minister. E fraccion lo denuncia e violacion di Constitucion na instancianan internacional. Un minister di husticia cu ta trapa Constitucion no por keda como minister. Fraccion di MEP no tin confiansa mas den e minister aki, pa motibo cu criminalidad ta ‘out of control’ y e minister no ta mustra e minimo interes pa ataca criminalidad cu man duro. Tur integrante di e fraccion geel a indica caba cu nan no ta considera sr Dowers minister mas, y lo no dirigi nan mes na dje mas tampoco, sino lo dirigi nan mes na minister presidente di e pais aki. “Mi ta urgi e minister presidente di pais Aruba pa cambia e minister di husticia, apunta un otro persona den nan propio seno, y si e no por haya ningun cualifica, busca un otro vak minister, pasobra Aruba no por sigi asina”, lider di MEP Evelyn Wever-Croes a declara.

Expresionnan haci den e articulo aki no necesariamente ta refleha opinion di ArenaPoliti.co