{idkey=1523b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F2865-dangui-oduber-mep-contra-tur-regla-di-integridad-y-bon-gobernacion-benny-ta-fix-otmar-tereno-den-1-dia%3FItemid%3D101][title=Dangui+Oduber+%28MEP%29%3A+Contra+tur+regla+di+integridad+y+bon+gobernacion+Benny+ta+fix+Otmar+tereno+den+1+dia%21][desc=Recientemente+minister+Oduber+a+haci+peticion+pa+bira+cunukero+y+agricultor+y+ta+desea+di+bai+planta.+Nos+no+tin+absolutamente+nada+contra+cu+e+minister+kier+bira+cunukero+of+agricultor+y+e+tambe+tin+derecho+mescos+cualkier+otro+ciudadano+riba+e+pais+aki+di+haya+un+tereno+huurgrond+pa+haci+esaki.+Loke+si+nos+ta+cuestiona+ta+e+forma+y+procedura+cu+e+proceso+aki+a+encamina.+Ta+contra+tur+regla+di+bon+gobernacion%2C+ta+contra+tur+regla+di+integridad+pa+un+minister+%E2%80%98%E2%80%99bevoordeel%E2%80%99%E2%80%99+su+mes+ora+e+]}
Recientemente minister Oduber a haci peticion pa bira cunukero y agricultor y ta desea di bai planta. Nos no tin absolutamente nada contra cu e minister kier bira cunukero of agricultor y e tambe tin derecho mescos cualkier otro ciudadano riba e pais aki di haya un tereno huurgrond pa haci esaki.
Loke si nos ta cuestiona ta e forma y procedura cu e proceso aki a encamina. Ta contra tur regla di bon gobernacion, ta contra tur regla di integridad pa un minister ‘’bevoordeel’’ su mes ora e ta den funcion. Den e caso di Otmar Oduber e ta haci mal uso di posicion di minister, e ta haci mal uso di su poder pa haya un tereno den 1 dia di trabou.  Otmar ta ‘’bervoordeel’’ su mes cu ta contra tur regla di intregridad. E regla number 1 di integridad ta cu ora bo ta ocupa un funcion bo no ta yuda bo mes.
Otronan ta warda anjas, tin cu nunca ta haya un tereno y otronan terenonana ta wordo kita for di nan. Pero den e caso di Otmar Oduber den apenas 1 dia di trabou e ta haya su tereno gefixed. Segun Otmar Oduber ta di chikito e kier bira cunukero. Loke ta stranja nos si ta cu si di chikito bo kier bira cunukero anto dikon nunca a haci un peticion pa un tereno huurgrond anto?? Otmar tawata pa anjas consehero tempo gobierno di AVP tawata den gobierno den anjanan 90 y si di berdad e tawata tin e sonjo ey di bira cunukero, pensando logico, e lo mester a haci peticion pa un tereno pa por bai planta di e tempo ey caba. For di e peticion por wak cu ta na anja 2015 Otmar Oduber a haci e peticion pa por haya un tereno pa bai planta. Dikon e no a haci esaki 6 anja pasa?? Awor cu e ta wak cu nan dianan ta conta y e fiesta ta cabando ta corre haci un peticion na su amigo Benny cu NO ta duda y ta fix Otmar den 1 dia. No tin ningun argmento valido y ningun excusa pa hustifica loke a sosode. Awor Otmar Oduber ta usa Nel Oduber como argumento pa hustifica su tereno pa bai planta. Tin un difrencia hopi grandi den esaki. E tereno di Nel Oduber ta un tereno cu e la hereda di su abuelo. Despues cu su abuelo a fayece e tereno a wordo pasa pa su defunto tata y despues pa Nel Oduber. E tereno aki ta un tereno di famia di mas cu 200 anja biew. Tin un difrencia hopi grandi ora ta trata tereno di famia cu ta wordo hereda y un peticion nobo haci na anja 2015. Segun Otmar Oduber tempo di MEP ta hopi abuso cu tereno tawata tuma lugar. Loke mi no por caba di compronde ta con nan ta lastra e ex minister di infrastructura di MEP sra Marisol Lopez Tromp cada vez nan haya un oportunidad. Si ta asina malo e la goberna, si ta asina tanto abuso e la haci cu terenonan na Aruba pakiko a scohe net e persona cu a haci asina tanto abuso segun AVP pa subi nan lista??? Banda di esaki ta e propio Otmar Oduber a bai serca gobernador pa entrega su retiro pasobra e minister di infrastrcutura actual su maneho no ta sirbi?? E pregunta cardinal awor ta, awor cu e la fix e tereno den 1 dia si Otmar su opinion ta mesun cos ainda??
E gobierno aki a demostra cu nan no ta tene cuenta cu reglanan di bin gobernacion y nan NO ta integro. Bo no por papia di integridad ora entre colega ta fix otro tereno. Esaki ta top punt di abuso di poder y asina ta burla di tur hende.

Expresionnan haci den e articulo aki no necesariamente ta refleha opinion di ArenaPoliti.co