{idkey=4485b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F2880-endy-croes-mep-otmar-oduber-a-pidi-tereno-pa-planta-den-cunucu-di-zuid-un-actitud-di-un-oportunista-y-un-sinberguensa%3FItemid%3D101][title=Endy+Croes+%28MEP%29%3A+Otmar+Oduber+a+pidi+tereno+pa+planta+den+cunucu+di+zuid%2C+un+actitud+di+un+oportunista+y+un+sinberguensa][desc=Siguiendo+e+desaroyo+relaciona+cu+e+peticion+di+Minister+Otmar+Oduber+pa+un+pida+tereno+y+e+manera+cu+e+proceso+aki+a+camina+no+por+conclui+otro+cu+Otmar+ta+un+oportunista+y+un+sinberguensa.+Por+tuma+nota+cu+e+peticion+di+Otmar+pa+50.000+M2+di+tereno+na+Tamarijn+fecha+16+di+November+2016+a+wordo+otorga+riba+mesun+dia+firma+pa+Benny+Langevingers.+E+hende+humilde+ta+warda+pa+a%C3%B1anan+largo+pa+un+pida+tereno.+Tin+hende+riba+wachtlijst+pa+mas+di+6+a%C3%B1a%2C+pues+desde+cu+e+gobierno+aki+a+sinta.+Por+tin+u]}
Siguiendo e desaroyo relaciona cu e peticion di Minister Otmar Oduber pa un pida tereno y e manera cu e proceso aki a camina no por conclui otro cu Otmar ta un oportunista y un sinberguensa. Por tuma nota cu e peticion di Otmar pa 50.000 M2 di tereno na Tamarijn fecha 16 di November 2016 a wordo otorga riba mesun dia firma pa Benny Langevingers. E hende humilde ta warda pa añanan largo pa un pida tereno. Tin hende riba wachtlijst pa mas di 6 aña, pues desde cu e gobierno aki a sinta. Por tin un splicacion husto dicon Otmar por haci un peticion y haña aprobacion di su colega Langevingers riba e mesun dia? Otmar a purba yora na radio cu un splicacion masha fofo mes y den e mesun rosea kier colga na dashi di Nel Oduber. Straño no pueblo? Den parlamento ta lastra famia di tanto Lider actual y tata di Danqui na su antoho anto ora e ta den un scual paso su carta cu su peticion a cay den man di prensa, awor kier purba defende su mes usando Nel Oduber su nomber como ehempel. Con sin escrupulo Bo por ta? Awor Otmar kier pretende cu ainda e NO a haña e tereno. E solo hecho cu Bo a haci e peticion como minister ta mustra Bo mentalidad. Ikke eerst en de rest maar stikken. No ta pornada Bo a pasa den wowo di hangua den caso di Fondo di Desaroyo San Nicolas y otro hende mester a wanta castigo pa Bo? Hues e tempo ey a bisa un tal Otmar y no Otmar Oduber y pa esey bo a scapa. Pero e mala maña si no a kita.  Casonan manera Bushiri y amigonan manera Ospina y Strawberry gate ta papia tur cos. Tambe lo refresca Otmar su memoria di e camaranan di siguridad cu el a pone na su cas y pleita cu departamento di finansas contra tur regla cu pueblo lo mester paga esaki. Pero ricibi 50.000 m2 den un solo tiro riba un solo dia ta increibel. Bo por yora awor cu ainda kisas legalmente e no ta riba bo nomber pero Otmar ta kere enrealidad cu casa di parlamentario Chris Dammers, esta Isabella Dammers hefe na DIP lo no cumpli cu e proceso legal? Su propio yiunan a haña tereno den Colony sin papia di coordinadornan di Mike de Meza. Pues Otmar Bo sa masha bon con esaki ta funciona den AVP y manera Bo a bisa diferente di Bo x-bon amigonan, “Ta nos ta manda” y locual nos bisa directornan mester just cumpli sino nan ta den problema. Esaki ta e actitud dictador con boso ta maneha e pais aki. Como bon ciudadano nos ta haci un peticion na Bo persona pa manda un carta bek distanciando Bo mes di e peticion aki unda den 1 dia Bo a haña 50.000 m2 di tereno na Tamarijn of manera e grandinan ta bisa, 5 bendro.

Expresionnan haci den e articulo aki no necesariamente ta refleha opinion di ArenaPoliti.co