{idkey=7283b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F2934-endy-croes-mep-traficacion-humano-ta-un-otro-secreto-publico-cu-gobierno-ta-mantene-scondi-mep-tin-e-solucion-pa-esaki-tambe%3FItemid%3D101][title=Endy+Croes+%28MEP%29%3A+Traficacion+Humano+ta+un+otro+secreto+publico+cu+Gobierno+ta+mantene+scondi.+MEP+tin+e+solucion+pa+esaki+tambe%21][desc=Combersando+cu+hopi+conciudadano+por+tuma+nota+di+algo+peculiar+cu+ta+tumando+lugar+primordialmente+den+mundo+di+construccion+y+tambe+otro+tipo+di+contratistanan.+Tin+un+competencia+NO+husto+ta+tumando+lugar+y+hopi+kisas+tin+miedo+di+papia+riba+e+tema+aki.+Tin+algun+persona+den+comunidad+ta+dedica+nan+mes+na+traficacion+humano+cual+mundialmente+ta+condenabel+y+hasta+castigabel+pa+ley.+Asina+tin+un+grupo+ta+bay+den+exterior+y+busca+diferente+persona+pa+traha+den+diferente+contratista%2C+entre+otro+]}
Combersando cu hopi conciudadano por tuma nota di algo peculiar cu ta tumando lugar primordialmente den mundo di construccion y tambe otro tipo di contratistanan. Tin un competencia NO husto ta tumando lugar y hopi kisas tin miedo di papia riba e tema aki. Tin algun persona den comunidad ta dedica nan mes na traficacion humano cual mundialmente ta condenabel y hasta castigabel pa ley. Asina tin un grupo ta bay den exterior y busca diferente persona pa traha den diferente contratista, entre otro den mundo di construccion. Ofreciendo e personanan aki por ehempel $20 pa ora cu vivienda y tur cos paga. Realidad ta cu esaki ta mustra asina atractivo cu personanan facilmente ta wordo convenci pa laga nan famia pa un mihor bienestar y ta bin Aruba pa traha. E grupo dedica na esaki ta inicia proceso di permiso unda propio trahadornan mester inverti capital pa purba haña un permiso. Realidad ta cu e grupo aki ta huur empleadonan cu diferente otro contratista pero e storia inicial di $20 pa ora a cambia ora nan cuminsa traha y ta paganan entre Afl 10 y Afl 13 florin pa ora. Mientras e grupo si ta cobra e contratista un suma considerable ganando hopi placa riba cada cabez di e humilde trahador. Esaki no ta tur pasobra for di e Afl.10 of 13 florin pa ora tambe e grupo aki ta retene tur belasting manera AOV, AZV etc for di e empleadonan, pero tin rumornan fuerte cu esaki nunca ta wordo deposita pa gobierno.  Es mas hopi di empleadonan ta cuminsa traha sin cu nan tin un permiso cla y ta retene nan belasting cual ta totalmente robez. Esaki ta un forma di horta e humilde empleado. Un ehempel den construccion. Cu e maniobranan aki tin contratistanan probechador ta cobra kisas Afl. 12 of Afl 13 florin pa M2 por ehempel pa pleister. Contratistanan kendenan si ta cumpli cu tur leynan di pais Aruba pagando nan belasting manera cu mester ta nunca por competi of sobrevivi cu e prijsnan aki. Esaki sigur no ta un competencia husto. Pa esnan cu si tin permiso y kisas a haña un conflicto na trabao ta bay Departamento di Labor. Departamento di Labor ta ordena contratista cu ta dedica su mes na esaki pa paga dicho empleado un suma di placa. Realidad di bida ta cu dicho grupo NO ta respeta decision y no ta paga e empleado tampoco ignorando decision di Labor lagando e ser humano chikito den su sufrimento . Pues abusando di e homber of muher humilde pa di dos biaha. Tin testimonionan bibo di e practica aki.  MEP den gobierno lo inventarisa y lo bin cu un sistema di control pa por caba cu e abuso aki  por completo y lo percura  pa pone un fin na  traficacion humano y esnan cu a dedica nan mes na esaki lo mester responsabilisa nan mes cu instancianan encarga. Competencia ta sano pero mester keda “Fair”. Un Aruba pa nos tur unda leynan ta conta pa un y tur.

Expresionnan haci den e articulo aki no necesariamente ta refleha opinion di ArenaPoliti.co