{idkey=1731b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F294-fraccion-mep-hungamento-cu-prijs-di-gasoline-condenabel%3FItemid%3D101][title=Fraccion+MEP%3A+Hungamento+cu+prijs+di+gasoline+condenabel%21][desc=Mas+o+menos+dos+siman+pasa+gobierno+a+hasi+anuncio+cu+gasoline+y+otro+derivadonan+di+crudo+lo+a+conoce+un+rebaho+drastico.+Notabel%26amp%3Bnbsp%3B+ta+cu+esaki+no+a+dura+mucho+pasobra+a+resulta+cu+ni+2+siman+despues+esaki+ta+conoce+e+siguiente+aumento+%3AGasolin+unleaded-premium%3A+206%2C0+cen+pa+liter+%28%2B4%2C1+cen%29%2C+Diesel+LS%3A+188%2C2+cen+pa+liter+%28%2B3%2C7+cen%29+y+Kerosin%3A+179%2C0+cen+pa+liter+%28%2B3%2C5+cen%29.+Aparentemente+e+ahustacionan+aki+lo+tin+di+haber+cu+introduccion+di+e+impuesto+nobo+riba+e+actual+BBO+pero+e+subida+de]}Mas o menos dos siman pasa gobierno a hasi anuncio cu gasoline y otro derivadonan di crudo lo a conoce un rebaho drastico. Notabel  ta cu esaki no a dura mucho pasobra a resulta cu ni 2 siman despues esaki ta conoce e siguiente aumento :Gasolin unleaded-premium: 206,0 cen pa liter (+4,1 cen), Diesel LS: 188,2 cen pa liter (+3,7 cen) y Kerosin: 179,0 cen pa liter (+3,5 cen). Aparentemente e ahustacionan aki lo tin di haber cu introduccion di e impuesto nobo riba e actual BBO pero e subida den cent no ta cuadra si bo hasi un calculacion dunando un indicacion cu gobierno a djis subi pa subi prijs.

Automaticamente e lo tin su efecto cune pasobra hopi ta e articulonan cu ta subi di prijs a consecuencia di e subida aki. Despues cu comunidad di aruba na oktober a conoce subida di tarifa di coriente ta parce cu aumento ta e palabra cu a bira un cultura pa AVP.  Mester enfatisa cu esaki ta un di varios aumento di gasoline cu Gabinete Eman no por subsidia ya cu e situacion financiero ta asina malo cu no tin espacio financiero pa absorba e subida pa duna Pueblo un alivio. E aumento aki banda di e subida di coriente, subida di loonbelasting , eliminacion di "inflatiecorrectie" y e aumento di BBO pa AZV tin como consecuencia cu e pueblo su poder di compra lo continua bayendo atras! Pa colmo de los colmos prijs di pan y gas tambe a subi poniendo presion riba e carter di cuidadano!

Nos ta lamenta e aumento aki pasobra no tin hustificacion ni pa aumento di coriente ( cu ya ta vigente) tampoco aumento di productonan petrolero. Actualmente prijs di crudo ta bou di 75$ pa bari cual ta esun di mas abou den historia y asina mes na Aruba so prijs di coriente y gasoline ta sigui subi! Durante gobernacion di Mep un bari di petroleo tawata alrededor di 150 dollar y nunca gasoline tabata asina caro pasobra gobierno tabata absorba pa yuda pueblo cu e gasto aki pero e gobierno di AVP aki si ta castiga pueblo! E gobierno cu ta pretende di cuida poder di compra concientemente no kier brinda un alivio na e pueblo cu ta y lo ta confrontando diferente aumento cu ta haci e costo di bida mas caro. Esaki ta un ehempel palpabel cu Gabinete Eman no ta interesa den e bienestar di e Pueblo y ta prefera di
malgasta placa di pueblo na un manera irresponsabel lagabdo e pueblo haya "sla tras di sla" cu e medidanan.

Gabinete Eman ta conoci pa nan mentiranan  cu nan lo habri Valero na tur e trahadonan, baha awa y coriente, KITA BBO y baha gasoline. Pesei awor pueblo mes por husga con partido AVP a manipula full un comunidad pa por a yega na poder y destrui finansas publico y pa awor e pueblo ta esun cu mester bai carga e peso di tur medidanan cu lo bai bin!
Pueblo di Aruba mester cuminsa wanta e cartera duro pasobra ainda falta mas medida pa bin na man di Gabinete Eman!

Expresionnan haci den e articulo aki no necesariamente ta refleha opinion di ArenaPoliti.co