{idkey=6436b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F3025-gabinete-me-ii-conferencia-p3a-tabata-exitoso-bon-atendi-cu-oradornan-cu-bon-contenido%3FItemid%3D101][title=Gabinete+ME+II%3A+Conferencia+P3a+tabata+exitoso%2C+bon+atendi+cu+oradornan+cu+bon+contenido][desc=Prome+Minister+Eman%2C+%26quot%3BAruba+a+luci+un+bes+mas%26quot%3B%26amp%3Bnbsp%3BORANJESTAD-+Despues+di+e+tres+dianan+di+Conferencia+P3a+%28Private+Public+Partnership+Aruba%29+cu+a+wordo+organisa+den+cooperacion+cu+Hulanda+y+Nacionnan+Uni%2C+un+Prome+Minister+Eman+masha+satisfecho+cu+resultado+di+e+conferencia+aki+a+papia+un+rato+riba+su+importancia.+%26quot%3BNacionnan+Uni+%26amp%3Bnbsp%3Ba+pone+su+dilanti+un+meta+hopi+importante.+E+meta+ta+pa+asisti+nacionnan+isle%C3%B1o+%28Small+Island+Developing+Sates%29+cu+un+enfoke+mucho+mas+skerpi+y+un+atencion+much]}
Prome Minister Eman, "Aruba a luci un bes mas" 

ORANJESTAD- Despues di e tres dianan di Conferencia P3a (Private Public Partnership Aruba) cu a wordo organisa den cooperacion cu Hulanda y Nacionnan Uni, un Prome Minister Eman masha satisfecho cu resultado di e conferencia aki a papia un rato riba su importancia. "Nacionnan Uni  a pone su dilanti un meta hopi importante. E meta ta pa asisti nacionnan isleño (Small Island Developing Sates) cu un enfoke mucho mas skerpi y un atencion mucho mas integral pa e islanan aki cu tin cu enfrenta retonan permanente." Eman ta referi na islanan entre otro den Pacifico cu ta haya nan mes confronta cu desasternan cu naturalesa ta causa, manera horcan of tyfon cu ta pasa haciendo daño na mas di 80% di nan economia. E islanan aki, manera sub secretario general di Nacionnan Uni sr. Acharya, tambe a remarca, no ta causante di e calamidadnan aki, pero ta e promenan pa sinti su efectonan si. Pesey cu Nacionnan Uni kier extende un man pa brinda un ayudo.

Eman:  "Hopi biaha e islanan aki tin un pilar economico so y mayoria di nan ta leu di e continente. Esey ta haci e bida hopi caro. Tur esaki ta vulnerabilidadnan cu tin cu hopi bes ta permanente eynan. Esaki a pone cu Nacionnan Uni kier duna e nacionnan isleño aki un atencion special. Den e cuadro aki a pensa cu lo ta bon pa desaroya algun programa. E punto di desaroyo di e islanan aki, cu tin scarsedad di finanzas pa tin por ehempel un bon hospital, bon scol y bon infrastructura, mester ta dirigi riba e modelonan cu tin pa haci posibel locual ta parce imposibel. Un di e modelonan ta e sistema di PPP. Nacionnan Uni a wak rond den mundo y a bin mira cu Aruba como parti di SIDS ta protagonista den uza e metodo aki cu na Aruba ta wordo aplica segun e manera Hulandes cu ayudo di Rijskwaterstaat ta algo unico, a dicidi pa organisa e conferencia riba e tema aki riba nos isla. Pa Aruba ta un honor cu Nacionnan Uni a scoge nos pa tene e evento aki y mustra mundo e ehempel cu Aruba ta riba tereno di PPP, cu e proyecto 'Green Corridor' y ta iniciando e di dos proyecto PPP cu ta e Watty Vos Boulevard. " Aruba a wordo reconoci pa Nacionnan Uni pa ta sede di e gran conferencia aki cu ayudo tambe di Relacionnan Exterior di Hulanda. " Aruba a luci. Mi por a sinti di e embahadornan y e representantenan permanente di UN - establece na NY, pero procedente di islanan Pacifico, di Caribe y otronan, cu a participa a aprecia y admira e ritmo den cual Aruba ta traha, e ambicionnan grandi cu Aruba ta pone su dilanti, e vision y e dedicacion cu nos tin pa finalisa proyectonan."

E conferencia tabata masha exitoso. Hopi orador cu discursonan cu bon contenido. Cada participante ta bay di aki cu un truck yen di informacion y experiencia di otronan.  E comision organisado por ta mas cu satisfecho. "A job well done."  

Expresionnan haci den e articulo aki no necesariamente ta refleha opinion di ArenaPoliti.co