{idkey=7196b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F314-jan-de-ruijter-otmar-oduber-ta-un-heroe-riba-mea-held-op-sokken-ta-comporta-su-mes-cobarde%3FItemid%3D101][title=Jan+de+Ruijter%3A+Otmar+Oduber+ta+un+heroe+riba+mea+%28held+op+sokken%3A+ta+comporta+su+mes+cobarde%29][desc=Un+bunita+minister%2C+e+Otnar+Oduber+ey%3A+e+NO+a+bay+den+%E2%80%9Choger+beroep%E2%80%9D+contra+e+sentencia+di+huez%2C+kende+NO+a+dune+razon+den+su+demanda+contra+mi+persona%2C+esta+cu+mi+mester+a+rectifica+mi+acusacion+contra+dje+di+corupcion%2C+fraude+y+estafa%2C+y+cu+mi+mester+a+pague+multanan+pasobra+lo+mi+a+hacie+da%C3%B1o.Huez+a+mustre+cu+den+un+%E2%80%9Cbodemprocedure%E2%80%9D+e+lo+tin+hopi+dificultad+pa+splica+e+contenidonan+di+e+documentonan+cu+mi+a+presenta+na+huez%2C+pues+e+pruebanan+di+e+corupcion%2C+fraude+y+estafa+cometi+doo]}Un bunita minister, e Otnar Oduber ey: e NO a bay den “hoger beroep” contra e sentencia di huez, kende NO a dune razon den su demanda contra mi persona, esta cu mi mester a rectifica mi acusacion contra dje di corupcion, fraude y estafa, y cu mi mester a pague multanan pasobra lo mi a hacie daño.
Huez a mustre cu den un “bodemprocedure” e lo tin hopi dificultad pa splica e contenidonan di e documentonan cu mi a presenta na huez, pues e pruebanan di e corupcion, fraude y estafa cometi door di Otnar Oduber.
Esey ta mustra hopi cla cu Otmar ta corupto, y cu ela comete fraude y estafa den e proyecto Hard Rock Hotel.

E analisis di e sentencia den e “kort geding”.
Huez a hacie hopi dificil si pa e pober Otmar: e no por bay den “hoger beroep”, pasobra garantisa cu e lo perde esey! Esey huez a pronostike caba den su sentencia den e “kort geding”.
Pero awor cu Otmar NO ta bay den “hoger beroep”, e ta admiti cu e ta corupto, y cu e ta facilita fraude y estafa. Pasobra, huez a tira den su cara toch cu e tabatin 2 aña largo pa demostra su inocencia y pa proba cu e NO ta corupto, y cu e lo mester haci esey ainda, ....esta si e por!
Pero esey e no ta haci; un bez mas Otnar ta keda mudo. Tanten cu Otnar NO ta reacciona riba e reproche di huez cu ta E, Otmar, ta esun cu mester demostra cu ami NO tin razon, mi por sigui pues plantea y para ariba cu:
OTMAR MES TA ADMITI CU E TA CORUPTO, Y CU E TA COMETE FRAUDE Y ESTAFA DEN E PROYECTO HARD ROCK HOTEL.
OTMAR MES TA ADMITI ESAKI DOOR DI NO BAY DEN “HOGER BEROEP”, OF NO CUMINZA UN “BODEMPROCEDURE”!!
Wel, si e mes ta admiti esey, e ora ey OTMAR ODUBER PUES TA CORUPTO Y TA COMETE FRAUDE!
Y e ora ey e MESTER retira, of Mike Eman mester sake for di su funcion! Y si Mike Eman no haci esey, e ora ey Mike Eman ta aproba e corupcion y e fraude di Otnar, y e ora ey Mike Eman ta complice den corupcion y fraude.
Y ta asina ta, y nada otro!

E gran ekibocacion di Otnar Oduber
Otnar ta pensa cu, si e NO bay den “hoger beroep”, y si e NO cuminza un “bodem-procedure”, y si e NO reacciona riba contenido di mi acusacionnan, e ora ey tur cos lo pasa bay y desaparece den e conocido “doofpot”.
Pero Otnar no conocemi ainda; y e no sa ainda cu pa mi, ta awor cos ta bay cuminza.
Mi no ta bisa unicamente cu e tabata corupto den e proyecto di Hard Rock Hotel; no, awor mi ta bisa tambe cu:
OTMAR ODUBER TA CORUPTO DEN GLITZ CASINO Y DEN SU POMP DI GASOLIN NA PARADERA, Y ABSOLUTAMENTE TAMBE DEN E GARANTIA DI BANCO DI ARUBA INVESTMENT BANK (AIB) PA SOUTHWEST HORECA DEVELOPMENT.

Si Otmar por a yega di carga e speranza cu lo mi a keda satisfecho cu e resultado di e “Kort Geding”, y cu lo mi a lague te eynan, mi por sigure cu ainda mi no a caba cu ne at all, y cu ainda lo bini hopi mas p’e.

Otnar a declara na Prensa cu gobierno a anula e proyecto Hard Rock Hotel, y cu gobierno PROBABLEMENTE lo bay cobra e garantia di banco di 2miyon dollar cu A.I.B. a emiti na fabor di Southwest Horeca Development di su amiguito Tico Croes y famia di esaki.
Y awor mi ta lesa riba Noticia Cla cu Otnar PROBABLEMENTE lo no por cobra e garantia di banco, esaki pa motibo di un caso dilanti mesa berde di Southwest Horeca Development.

Y AWOR E PREGUNTA GRANDI TA: PAKIKO TA SKIRBI “PROBABLEMENTE”!?
Pakiko Otmar ta bay cobra esey “probablemente”, of pakiko Otmar lo no por cobre “probablemente”?
Ta trata di un garantia di banco di Aruba Investment Bank (A.I.B) na fabor di Southwest Horeca Development di amiguito Tico, y esaki pa garantisa cu e financiamente lo keda cla, y cu lo bay construi.
Awor ta e deber y obligacion di gobierno pa reclama e garantia, y cobra e 2miyon dollar.
Y KEREMI: NO TIN NINGUN HENDE RIBA ARUBA CU TA KERE CU ESEY LO BAY SOCEDE.
Gobierno di AVP di Mike Eman ta bay cobra 2 miyon dollar di ex-lider di partido Tico Croes y famia? Esey ta ponemi hari mi barica yen, lorando riba e vloer friu: bay gaña baca, a otro perro con este hueso! AVP-istanan, stop cu boso weganan teatral estupido.

MI KIER WEITA E PRUEBA CU A.I.B, OF TICO CROES Y SU FAMIA DEN SOUTHWEST HORECA DEVELOPMENT, A PAGA 2MIYON DOLLAR NA PAIS ARUBA!
Y si mi no weita esey, ni weite publica, lo mi entrega kehonan nobo pa corupcion contra Mike Eman y su gobierno, contra Sotnar Oduber, contra gerencia y conseho di comisarionan di AIB.
Bo kier tende pakiko gobierno lo no por cobra e garantia di banco “just like that”?

E KONKELMENTO Y ESTAFA ENTRE GOBIERNO, OTNAR ODUBER Y TICO CROES TA BAY HOPI MAS LEU CU BO TA IMAGINABO MES.
Tabatin un motibo pakiko un garantia di banco a ser acepta di Southwest Development cu NO tabata “unconditional” ni “irrevocable”.
Intencionalmente Otnar a acepta di amiguito Tico un garantia di banco “revocable” y “conditional”.
Pues djis nos lo weita cu e garantia cu NO tabata “unconditional”, ni tampoco “irrevocable”, NO por ser cobra door di gobierno, pasobra tin condicionnan para aden, tur locual a ser planea y palabra delanta di e manera ey.
Pero, esaki no ta importami mucho mas; tur cos ta bay riba e record (“strafblad”) di Tico, Otnar y Mike.
KIA a habri su portanan caba pa nan, y nan lo bay unda nan ta na cas!

Oranjestad, 5 december 2014
Jan de Ruijter
This email address is being protected from spambots. You need JavaScript enabled to view it.

Expresionnan haci den e articulo aki no necesariamente ta refleha opinion di ArenaPoliti.co