{idkey=8868b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F3190-dangui-oduber-mep-e-negligencia-y-descuido-medico-na-aruba-ta-grave%3FItemid%3D101][title=Dangui+Oduber+%28MEP%29%3A+E+negligencia+y+descuido+medico+na+Aruba+ta+grave%21][desc=E+situacion+cu+nos+cuido+medico+na+Aruba+actualmente+ta+hopi+preocupante+y+grave.+Siman+pasa+un+manifestacion+a+wordo+organiza+pa+sra+Vivian+Krozendijk+pa+e+negligencia+medico.+Mi+tamba+a+sostene+e+manifestacion+aki+como+ciudadano+cu+ta+preocupa+cu+nos+cuido+medico+y+e+negligencia.+Durante+e+manifetsacion+aki+mi+a+haya+e+oportunidad+di+combersa+cu+varios+ciudadano+cu+a+experiencia+e+negligencia+y+descuido+medico.+Ta+hopi+tristo+or+abo+a+tende+storianan+di+famianan+cu+a+perde+un+ser+keri.+Mi+ta+k]}
E situacion cu nos cuido medico na Aruba actualmente ta hopi preocupante y grave. Siman pasa un manifestacion a wordo organiza pa sra Vivian Krozendijk pa e negligencia medico. Mi tamba a sostene e manifestacion aki como ciudadano cu ta preocupa cu nos cuido medico y e negligencia. Durante e manifetsacion aki mi a haya e oportunidad di combersa cu varios ciudadano cu a experiencia e negligencia y descuido medico. Ta hopi tristo or abo a tende storianan di famianan cu a perde un ser keri. Mi ta kere a yega e momento pa minister Alex Schwengle para keto un rato y realiza cu e situacion aki ta uno hopi serio y grave. Nos ta papiando di bidanan di ser humano y esaki no mester wordo neglisha of ignora. E ta un problema real cu minister di salud sr Alex Schwengle mester atende cu esaki urgentemente.  E mester realiza cu tin demasiado keho actualmente pa keda sin trece cambio den e maneho.

Ta masha hopi placa un ciudadano ta contribui mensualmente na e fondo di AZV pa ricibi e cuide mediocre aki. E casonan di negligencia ta mucho hopi y no por papia mas di algun caso. E storianan di famianan ta doloroso. Hopi ta esnan cu a perde un ser keri oa motibo di descuido. E minister actual no por sera wowo pa e realidad aki. Salud ta algo cu ningun hende por biba sin dje. Tin hopi cos cu mester cambia den nos cuido medico. Varios ta e kehonan tambe di ciudadanonan cu ta haci testenan y no ta haya e testnan aki mesora. Tin hende cu tin cu warda lunas promer cu nan haya nan resultado. Ta increibel cu un hende malo por wordo trata di e manera aki. Si ta mas hende mester busca anto e ora mester busca mas hende pero salud di hende no ta algo pa hunga cune. No solamente testnan tin keho riba nan pero tambe e verwijzing di huisarts pa un specialist. Mesun caso cu resultado di e testnan tin ciudadano tin cu warda lunas promer cu nan haya un cita sera un specialista. Tin hende ora nan yega specialist ja no mucho por wordo haci pa nan. Tur e proceduranan aki mester bin cambio. E ta simplemente inacceptabel e cuido medico cu tin actual y e minister concerni tin cu actua awor y no tin mas tempo pa perde. Si e no por trece e cambionan necesario pa mehora e cuido medico antp e ora e hala un banda y laga otro haci e trabou aki pe.

Kiko minister Schwengle a haci e ultimo anjanan aki mi nosa pasobra envez cu e cuido medico a progresa nos a bai atras. No tin progreso den nos cuido medico, e casonan di negligencia a bira mas hopi y e descuido a sali for di man.  Den un pais cu supuestamente mester ta un pais di 5 strea manera Mike Eman ta bisa e cuido medico ta laga hopi di desea!

Expresionnan haci den e articulo aki no necesariamente ta refleha opinion di ArenaPoliti.co