{idkey=7825b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F3220-dangui-oduber-mep-avp-ta-vota-contra-aumento-di-2-5-pa-pensionadonan%3FItemid%3D101][title=Dangui+Oduber+%28MEP%29%3A+AVP+ta+vota+CONTRA+AUMENTO+di+2.5%25+pa+pensionadonan%21][desc=Un+cos+ta+sigur%2C+partido+AVP+ta+un+partido+antio+pueblo+y+anti+pensionadonan.+Ayera+den+parlamento+a+trata+e+ley+pa+aumenta+e+premieloongrens+cu+lo+bai+genera+mas+entrada+pa+e+fondo+di+malesa+di+SVB.+Durante+e+reunion+aki+fraccion+di+MEP+a+presenta+varios+mocion+y+sigur+un+mocion+cu+nos+a+kere+y+spera+cu+lo+conta+cu+sosten+di+fraccion+di+AVP+ta+e+mocion+pa+urgi+gobierno+pa+aumenta+e+suma+cu+pensionadona+cu+tin+solamente+e+pensioen+di+SVB+cu+2.5%25.+Recientemente+gobierno+a+caba+di+aumena+e+minimum]}
Un cos ta sigur, partido AVP ta un partido antio pueblo y anti pensionadonan. Ayera den parlamento a trata e ley pa aumenta e premieloongrens cu lo bai genera mas entrada pa e fondo di malesa di SVB. Durante e reunion aki fraccion di MEP a presenta varios mocion y sigur un mocion cu nos a kere y spera cu lo conta cu sosten di fraccion di AVP ta e mocion pa urgi gobierno pa aumenta e suma cu pensionadona cu tin solamente e pensioen di SVB cu 2.5%. Recientemente gobierno a caba di aumena e minimumloon cu 2.5% y pa es motibo nos a haya ta na su lugar tambe pa acomoda e pensionadona cu e mesun aumento aki di 2.5%. Grandi tawata nos sorpresa na momento di votacion cu fraccion di AVP a vota contra e mocion aki. Un voto contra e aumento di 2.5% pa pensionadonan ta un voto contra pueblo, ta un voto contra nos pensionadonan y ta un voto contra nos grandinan. Un gobierno abusador cu un mentalidad anti pueblo so ta impedi un aumento minimo asina pa nos grandinan. E placa cu un pensionado actual cu ta cobra unicamente e pensioen di SVB simplemente no at alcansa. Na momento cu tin un gobierno cu su enfoke tawata di derocha placa, crea debe, fia placa pa paga debe esaki ta e consequencianan pa e pais. Un pais cu ta wordo azota cu medida. Un pais cu no a progresa y caminda e poder di compra a bai atras drasticamente. E gobierno aki su lema mas bien a bira, yuda amigonan, duna nan tur cos y pa pa pueblo mes nada no por. Ora MEP papia di baha e edad di pensioen na 62 anja, AVP ta bisa NO POR. Ora MEP kier aumenta e pensioen pa pensioenadona cu 2.5%. AVP ta bolbe bisa NO POR. Ora MEP bisa e kier construi e Mavo/Havo/VWO na NOORD, AVP ta bisa cu NO POR. Ora MEP a bisa cu mester habri e refineria bek, AVP a bisa cu NO POR. Aruba mester un gobierno cu ta tuma decisionan na biniestar di e pueblo. Mester un gobierno cu ta bisa pueblo, SI POR ora ta toca pueblo.
Nos no mester un gobierno anti pueblo, anti pensionado y anti nos grandinan.
Un pensionado cu ta ricibi unicamente pensioen di Svb actualmente ta cobra 1,082 florin. Mi kier pa Mike Eman splica nos pueblo con un pensionado cu ta cobra 1,082 florin por sobreviva riba e pais aki. Ni un persona cu ta gana sueldo minimo no por biba pasobro segun CBS e bestaansminimum actual na Aruba ta riba 2,200 florin pa luna. Un pareha pensionado casa ta haya 1822 florin pa luna. E placa aki NO ta yega pa cubri tur e gastonan mensual cu tin. Nos no mester lubida cu e mesun gobierno aki a aumenta e BBO te na 3.5%, aumenta tarifa di coriente cu 15%, cobra pa recohe sushi, cobra pueblo pa parkeer, cobra trahadornan pa parkeer y asina por keda menciona un sin fin di medida cu a percura pa un costo di bisa exlosivo.
Kiko ta costa AVP aproba un aumento di 2.5% pa nos pensionadonan? E impresion cu SVB ta crea ta cu nan tin masha hopoi placa mes pasobra recientemente nan a caba di duna gobierno un kwijtschelding di 60 miyon florin. Awor dikon gobierno si por haya un kwijtschelding y nos grandinan no por haya un aumento di 2.5%?? Esaki ta preguntanan cu Mike Eman mester contesta pueblo. E pueblo aki a tolera hopi di e gobierno aki pero abusonan asina tin nan limite.
Ora ta toca pa duna pueblo algo nada no por pa e gobierno aki pero ora ta trata na yuda amigonan tur cos por. Nos ta lamenta profundamente cu AVP ta vota contra nos pensionadonan y awor pueblo por wak kende realmente ta traha pa pueblo y ta para banda di pueblo! 

Expresionnan haci den e articulo aki no necesariamente ta refleha opinion di ArenaPoliti.co