{idkey=8722b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F3450-eddy-ras-pdr-pa-den-futuro-mester-traha-riba-salario-minimo-pa-ora-enbez-di-un-salario-pa-luna%3FItemid%3D101][title=Eddy+Ras+%28PDR%29%3A+Pa+den+futuro+mester+traha+riba+salario+minimo+pa+ora%2C++enbez+di+un+salario+pa+luna.][desc=Pa+locual+ta+salario+minimo%2C+legislacion+Arubiano+conoce+dos+categoria.+Categoria+den+industria%2C+construccion+y+ofishi.+Servicio+domestico.+E+punto+cu+mi+kier+pone+antencion+riba+dje+ta+e+categoria+den+industria%2C+construccion+y+ofishi.+Actualmente+salario+minimo+na+Aruba+pa+e+categoria+menciona+ta+Awg+1.677%2C60+pa+luna%2C+esta+Awg+391%2C25+pa+siman.+Den+e+categoria+aki+bo+por+mira+e+salario+pa+ora+pa+e+trahadonan+ta+diferencia+den+suma.+Esta+tin+trahado+cu+ta+traha%3A+40+ora+pa+siman.+42+ora+pa+si]}
Pa locual ta salario minimo, legislacion Arubiano conoce dos categoria.

1. Categoria den industria, construccion y ofishi.
2. Servicio domestico.

E punto cu mi kier pone antencion riba dje ta e categoria den industria, construccion y ofishi. Actualmente salario minimo na Aruba pa e categoria menciona ta
Awg 1.677,60 pa luna, esta Awg 391,25 pa siman. Den e categoria aki bo por mira e salario pa ora pa e trahadonan ta diferencia den suma. Esta tin trahado cu ta traha:

1. 40 ora pa siman.
2. 42 ora pa siman.
3. 44 ora pa siman.
4. 45 ora pa siman.

Pa tin un bista den salario pa ora ta lo siguiente:

Semanal:	40 ora	42 ora	44 ora	45 ora
Salario pa ora:	Awg. 9,78	Awg. 9,32	Awg. 8,89	Awg. 8,69

Informacion tocante salario minimo ta riba:
http://www.overheid.aw/informacion-tocante-servicio/salario-salario-minimo_43301/

Pa medio di e informacion treci dilanti por mira cu un persona cu ta traha 40 ora pa siman ta gana mas cu 1 florin pa ora riba un persona cu ta traha 45 ora pa siman. Esaki ta demostra cu un persona ta traha mas ora cu otro pa mesun salario. Pa es motibo mester traha pa den futuro salario minimo den e categoria di industria, construccion y ofishi ta pa ora enbez di salario minimo pa luna.

Pa traha riba un salario minimo pa ora mester percura cu e comerciantenan mester por carga e peso cu e ta bin cu ne. Salario na mes un compania nunca no por baha, esey ta hasi cu directamente e salario minimo pa ora lo ta Awg 9,78 pa ora. Hasi salario minimo igual pa ora, ta hasi cu un persona cu ta traha pa 45 ora pa siman, ta bay gana Awg 440,10 (45 ora x Awg 9,78) pa siman. Esta Awg 48,85 mas cu locual ta actualmente pa siman. Pa luna su salario lo ta (((52 siman x Awg 48.85 = Awg 195.40) / 12) + Awg 1677.60) Awg 1889.23 pa luna. Si comerciantenan keda cu e mesun peso cu nan tin actualmente riba nan lomba (esta: winstbelasting, BAZV, BBO, premienan di salario, utilidad, etc) ta bay jega na un momento cu e impacto di hasi salario minimo pa ora, ta bay tin un impacto negativo y lo hasi mas daño cu bon.

Como cu comerciantenan nan gasto tambe lo subi, prijs di nan servicio y producto tambe lo bay subi. Aumento di prijs ta algo cu lo afecta pueblo y turismo di biaha. Turismo como cu bo ta bira un destinacion demasadio caro. Un persona cu salario minimo conhuntamente cu reparatie toeslag, tin mas of menos Awg 1600 pa luna netto den su man. Bestaans minimum pa un persona ta actualmente mas of menos Awg 2057 pa luna. Esey ta bisa caba cu tin diferencia di un averahe di Awg 457 pa luna. Si prijs di servicio y producto subi lo hasi cu e diferencia entre salario minimo y bestaans minimum lo bira mas grandi. Momento cu prijs subi, ta hasi cu e ganashi di comerciantenan ta bay ta menos y cu posibilidad grandi di core cu perdida. Pa es motibo mester traha pa baha peso for di e comerciantenan. Si no bo ta bay haya e situacion cu comerciantenan ta bay serca gobierno y hasi peticion pa manda un cantidad di persona cas. Y si gobierno no bay di acuerdo bo ta bay jega e momento cu un comerciante ta bay bati bancarota. Cual cu lo ta peor, paso lo tin mas hende sin empleo.

Momento cu desempleo subi, gobierno no por bay subsidia e personan desemplea como cu su entrada pa luna tambe lo baha. Si no traha responsabel riba e tema menciona, tur e bon intencion lo crea den futuro problemanan social y criminalidad. Cual cu na e momentonan aki hopi persona cu ta gana salario minimo tin cu traha trabounan extra pa por biba. Traha extra ta menos ora cu bo yuinan y momento cu nan ta riba nan mes, bo no sa ki nan ta hasi, unda nan ta of cu ken nan ta. E situacion di un menor sin supervision, ta crea un posibilidad grandi cu e por tuma e caminda robes.

Baha impuesto for di un comerciante ta bay hasi como gobierno, bo mester bay remplasa locual bo no ta bay ricibi mas. Pa es motibo PDR a bin ta traha riba pilarnan economico nobo cu ta: reapertura di e refeneria, fast ferry y economia di internet pa por cubri e entradanan di impuesto di comerciante. Momento cu bo tin mas pilarnan economico y mas entrada, como gobierno bo tin e posibilidad di traha pa iguala salario minimo y e bestaans minimum, cual cu ta e punto mas importante. Pasobra na final di dia no ta logico cu un persona tin cu ta traha mas ora pa e mesun salario minimo.

Expresionnan haci den e articulo aki no necesariamente ta refleha opinion di ArenaPoliti.co