{idkey=7927b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F362-mike-eman-den-2015-innovacion-ta-haya-un-lugar-central%3FItemid%3D101][title=Mike+Eman%3A+Den+2015+innovacion+ta+haya+un+lugar+central][desc=5+Centro+moderno+di+servicio+den+bario+ta+keda+cla+of+worde+inicia+%21ORANJESTAD+%E2%80%93+Den+2015+innovacion+ta+haya+lugar+central+den+servicio+na+ciudadanonan%2C+pero+tambe+cu+pa+prome+biaha+ta+bay+structura+un+centro+di+encuentro%2C+servicio+y+comunitario+den+forma+di+un+edificio+Multi-Funcional+den+5+districto+na+Aruba.+For+di+a%C3%B1a+2010+a+cuminsa+cu+desaroya+e+concepto+aki+cu+a+wordo+desaroya+cu+locual+e+ciudano+ta+desea+den+mente.+Edificionan+Multi-Funcional+of+Multifunctionele+Accommodaties+%28MFA%29+ta+]}5 Centro moderno di servicio den bario ta keda cla of worde inicia !

ORANJESTAD – Den 2015 innovacion ta haya lugar central den servicio na ciudadanonan, pero tambe cu pa prome biaha ta bay structura un centro di encuentro, servicio y comunitario den forma di un edificio Multi-Funcional den 5 districto na Aruba.

For di aña 2010 a cuminsa cu desaroya e concepto aki cu a wordo desaroya cu locual e ciudano ta desea den mente. Edificionan Multi-Funcional of Multifunctionele Accommodaties (MFA) ta mucho mas cu un edificio caminda cu e hulpbestuurskantoor di e districto ta situa. E ta un centro di servicio importante pa e districto y tambe e barionan rond di dje. Tambe un MFA ta introduci localnan cu tin biblioteca, internet y tambe ta wordo uza pa duna lesnan di baile, musica y arte en general. Den caso di MFA Noord, Gobierno hunto cu Centro di Bario a firma un acuerdo caminda cu e dos entidadnan ta bay copera pa asina complementa otro. Esey kiermen cu contrario na e otro MFAnan, na Noord, e MFA y e Centro di bario ta bay tin un coperacion estrecho cu otro pa beneficio mutuo.

E proposicion innovativo pa mehora servicio y actividadnan social den bario ta bira realidad den 5 edificio Multi-Funcional: Noord, Parada, Santa Cruz, Savaneta y San Nicolas. E meta di e edificionan aki, Minister Presidente a bisa na diferente ocasion ta “na final e lo trece e hendenan di e barionan mas cerca di otro”. E ta un forma tambe di promove coperacion y solidaridad den comunidad, comunitarismo, treciendo servicionan mas cerca di e individuo y bario. Aki por pensa incorporacion di e Hulpbestuurskantoor, pero tambe oficina di AZV, Fundacionnan cu metanan social, biblioteca pa hoben y hendenan grandi, area pa organisa eventonan unda cu e habitantenan por topa cu otro, pero tambe sala di computer, haci huiswerk y Café. “E mester ta un punto di encuentro pa habitantenan di tur edad di e bario,” ta e pensamento di Prome Minister Mike Eman.

Den desaroyo di e cinco proyectonan a envolvi e pueblo di Aruba completamente. Na prome luga pa construccion of renobacion di cada un di e MFA-nan a busca arkitectonan hoben di e mes bario cu afinidad pa cu e bario, pero tambe pa necesidad di habitantenan. Den fase di planeamento a organisa reunionnan den cada un di e cinco barionan pa scucha y compronde e deseo y necesidadnan di e habitantenan, tanto hoben como adulto. Aki por pensa por ehempel e tipo di servicionan cu nan lo desea di tin cerca, pero tambe con nan lo kier haci uzo di e facilidad den nan bario. Pa e motibo ey mes cada diseño ta diferente.

Banda di e meta comunitario, a scoge tambe pa inclui den e tur e edificionan aki ta innovacion sostenibel. Cada edificio ta haci uzo di energia berde, construccion y diseño ta tene cuenta cu sostenibilidad. E prome MFA cu ta keda cla ta esun di Noord cu ta keda cla den e prome kwartaal di 2015.

Di e mesun forma cu a traha riba e MFA di Noord, a sigui e mesun procedura pa e otro MFA-nan. Mientras cu esun di Paradera, Santa Cruz y Savaneta ta wordo construi, esun di San Nicolas ta bay wordo renoba y amplia. Segun e programa hinca den otro - awor cu a finalisa cu e parti di consulta, diseño y destaho – Paradera su construccion lo cuminsa den luna di januari, Savaneta na Maart, Santa Cruz na april y den luna di mei e trabou lo mester inicia na San Nicolas. Tur e proyectonan aki mester finalisa den un aña di tempo, contando for di momento cu e construccion a cuminsa.

Expresionnan haci den e articulo aki no necesariamente ta refleha opinion di ArenaPoliti.co