{idkey=6961b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F3753-rene-herde-avp-organisa-ensenansa-pa-adulto-rond-di-responsabilidadnan-den-nan-bida%3FItemid%3D101][title=Rene+Herd%C3%A9+%28AVP%29%3A+Organisa+ense%C3%B1ansa+pa+adulto+rond+di+responsabilidadnan+den+nan+bida][desc=%26quot%3BKeda+sinta+tin+un+impacto+traumatico+riba+mucha+y+hobennan.+E+ta+pone+nan+sinti+cu+nan+ta+perdedo%2C+mientras+cu+nan+amigonan+si+ta+bay+otro+klas+y+nan+mes+tin+cu+ripiti+tur+cos+henter+un+a%C3%B1a.+Serca+adultonan%2C+keda+sinta+ta+causa+un+frustracion+grandi.+Keda+sinti+serca+adultonan+ta+interumpi+nan+plan+pa+realisa+metanan+concreto+den+nan+trabou%2C+nan+entrada+y+nan+bida.+Adultonan+ta+puntra+ta+pakico+mi+a+sacrifica+mi+famia%2C+hinca+tur+anochi+y+weekend+den+mi+estudio+henter+un+a%C3%B1a%2C+pa+awor+mi+mester]}
"Keda sinta tin un impacto traumatico riba mucha y hobennan. E ta pone nan sinti cu nan ta perdedo, mientras cu nan amigonan si ta bay otro klas y nan mes tin cu ripiti tur cos henter un aña. Serca adultonan, keda sinta ta causa un frustracion grandi. Keda sinti serca adultonan ta interumpi nan plan pa realisa metanan concreto den nan trabou, nan entrada y nan bida. Adultonan ta puntra ta pakico mi a sacrifica mi famia, hinca tur anochi y weekend den mi estudio henter un aña, pa awor mi mester haci tur cos di nobo. Ta como sifuera nan no a haci nada. Ora adultonan dicidi di bay bek scol anochi, e ta pasobra nan mester di e conocemento, habilidadnan y e diploma pa haya un trabou nobo, pa crece den nan trabou, haya un promocion of aumento di salario. Ora nan keda sinta e ta kita e posibilidad ey for di nan, a lo menos pa un aña mas." Asina Rene Herde, lider di fraccion di AVP y educador di profesion, a bisa ayera den conferencia di prensa di partido AVP.

ORGANISACION
Segun Rene Herde', e sistema di keda sinta ta inefectivo y innecesario. Tin miho formanan pa organisa educacion. Sigur den educacion di adulto. Den educacion di adulto bo lo spera cu ta organisa e educacion di tal forma cu e ta haci'e miho posibel pa adultonan sigui studia, pa caba un estudio of pa bay scol pa por cuminsa un carera nobo. No ta e intencion pa e nivel di educacion pa adulto ta mas abou. Absolutamente no. Pero si cu ta organisa e curiculo, e organisacion di lesnan, e instruccion y e sistema di examinacion, di tal forma cu e ta tene cuenta cu adultonan tin un trabou den dia, un famia pa cuida y responsabilidadnan cu hobennan no tin. Banda di esey, adultonan ta bay scol cu un motivacion grandi y cu metanan specifico. Entre otro nan mester caba e estudio mas lihe posibel, pasobra nan no tin tur e tempo cu un hoben tin. Nan no tin tempo pa perde. Den educacion di mucha y hoben mester tene cuenta cu nan condicionnan fisico, social y mental. Den caso di educacion di adulto mester tene cuenta cu nan necesidad directo y motivacion specifico pa studia. Tambe por haci bon uso di nan experiencia di bida, nan conocemento y experiencia di trabou. Esey ta haci cu e organisacion di educacion di adulto kmester ta diferente y por ta hopi mas eficiente cu educacion den dia. Rene Herde': "Lamentabelmente educacion pa adulto hopi biaha ta un copia di educacion den dia. Pio ainda e organisacion ta manera educcion den dia, mientras cu e condicionnan di e studiante adulto ta totalmente diferente. No ta straño cu e grado di exito den educacion di adulto tambe ta hopi menos cu e mester ta. Aki e necesidad pa cambio ta mas obvio y mas necesario."

Den e conferencia di prensa Rene Herde' a duna e ehempel di un señora cu ta bay scol di anochi y pa un vak cu e no a logra un cifra positivo, tin cu haci henter e aña di nobo. Su otro seis vaknan tur ta positivo. E peticion di e señora pa sigui pa e siguiente aña y haci e un vak ey di nobo aserca, a wordo nenga. Esaki ta un ehempel di e organisacion inflexibel di e scol di anochi. Parse cu nan no ta realisa cu nan studiantenan ta adultonan cu tin un cantidad di responsabilidad di trabou pa crea enrada pa nan famia y cuido di nan famia, banda di nan estudio. Cambio den enseñansa pa adulto ta urgente!

Expresionnan haci den e articulo aki no necesariamente ta refleha opinion di ArenaPoliti.co