{idkey=8414b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F377-mike-eman-maneho-semper-ta-pa-logra-prosperidad-duradero-cu-husticia-social-y-bienestar-pa-un-y-tur%3FItemid%3D101][title=Mike+Eman%3A+%E2%80%9CManeho+semper+ta+pa+logra+prosperidad+duradero+cu+husticia+social+y+bienestar+pa+un+y+tur%E2%80%9D][desc=Repasando+retonan+cu+Aruba+a+pasa+aden+den+2014%2C+pero+tambe+esnan+cu+ta+na+caminda%2C+combina+cu+un+serie+di+proyecto+cu+Gabinete+Mike+Eman+II+tin+pa+2015%2C+ta+loke+a+domina+e+discurso+di+fin+di+a%C3%B1a+di+Prome+Minister+Mike+Eman.+El+a+pone+enfasis+riba+e+asercamento+humano+cu+semper+e+Gobierno+cu+e+ta+dirigi+ta+busca+pa+pone+den+e+vision+cu+ta+wordo+implementa.+E+mandatario+a+demostra+cu+no+por+keda+sin+recorda+kico+a+wordo+haci+den+e+prome+gobernacion+pa+por+logra+e+maneho+di+e+di+dos+gobernacion+c]}Repasando retonan cu Aruba a pasa aden den 2014, pero tambe esnan cu ta na caminda, combina cu un serie di proyecto cu Gabinete Mike Eman II tin pa 2015, ta loke a domina e discurso di fin di aña di Prome Minister Mike Eman. El a pone enfasis riba e asercamento humano cu semper e Gobierno cu e ta dirigi ta busca pa pone den e vision cu ta wordo implementa.

E mandatario a demostra cu no por keda sin recorda kico a wordo haci den e prome gobernacion pa por logra e maneho di e di dos gobernacion cu e ta liderando. Den e prome gobernacion a pone hopi enfasis riba esnan vulnerabel, cu nan por logra un miho poder di compra. “Recupera prome, locual tabata e logro entre 2009 y 2013, sigui cu reforma, austerisacion y ahuste manera nos ta haciendo na e momentonan aki”, Eman a bisa den su discurso. El a agrega cu “nos escogencianan ta pa pone e prioridadnan caminda cu e vision social economico lo duna e resultado pa nos tin un prosperidad duradero caminda cu tin husticia social y bienestar pa un y tur.”       

Metanan importante cu Gabinete Mike Eman II tin den e añanan su dilanti ta reduccion di e deficiti. A cuminsa traha riba esaki caba imponiendo un plafond di gasto. E tarea primordial lo ta pasonan pa realisa un Finanza Publico stabil.

Na caminda pa celebracion di 30 aña di Aruba su Status Aparte, Prome Minister Eman a bisa cu e no por sinti nada otro cu un orguyo grandi pa mira loke pais Aruba ta logrando. Aruba a demostra den e trayecto aki cu e Status Aparte tabata di gran balor pa nos pais y pa nos pueblo. “Si nos mira bek riba e ultimo 29 añanan mi no por bisa otro cu Aruba tabata merece grandemente su propio status, Aruba ta stabil politicamente y tin un bon economia. E resultadonan ta bisto. Di tur e islanan di Reino e sociedad di Aruba ta esun mas prospero y e economia ta esun mas stabil y saludabel. Claro cu e mester bira miho, pero si nos mira rond di nos nos por constata por ehempel cu nos ciclonan economico ta cana hopi paralelo cu esnan di Hulanda.. Esey ta duna un sentido di confianza propio hopi grandi cu tambe pa cu retonan di nos finanzanan publico nos por resolve esakinan riba nos mes y basa riba nos propio vision.”

Prome Minister Eman a papia di 2015 como un aña unda e pueblo lo conoce inicio di e siguiente etapa grandi di progreso social- economico y di un mision noble pa un sociedad di convivencia y solidaridad entre ciudadanonan. El a menciona diferente proyecto, manera Green Corridor, Waty Vos Blvd, Centro Medico Nobo anexa na HOH, Facilidadnan Multifuncional den cinco distrito, pero mes importante ta e avansenan den e meta pa logra cu Aruba ta 100% dependiente di energia limpi na 2020.

Mes tanto importancia cu e mandatario a duna na Finanza Publico di pais Aruba, el a duna tambe na sigui cu e meta pa un sociedad di convivencia y saludabel.  “Prosperidad ta depende di nos potencial di participacion pleno y di e bida den nos sociedad. E reto pa nos sociedad ta pa crea condicionnan bou di cual tur esaki ta bira posibel,” el a señala. El a finalisa e parti aki bisando cu “Pueblo Arubano tin e ingredientenan pa crea un sociedad cu ta convivi y comparti.”

Expresionnan haci den e articulo aki no necesariamente ta refleha opinion di ArenaPoliti.co