{idkey=3221b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F3862-benny-nisbet-ppa-despues-cu-a-limita-poder-di-cierto-ministro-awor-apa-nv-tambe-ta-duna-permiso-pa-construccion-di-boutique-hotels-y-condominiums-financial-center%3FItemid%3D101][title=Benny+Nisbet+%28PPA%29%3A+Despues+cu+a+limita+poder+di+cierto+ministro+%E2%80%A6.Awor+APA+NV+tambe+ta+duna+permiso+pa+construccion+di+boutique+hotels+y+condominiums%2C+financial+center++%21%21%21][desc=Ta+conoci+cu+nos+flamante+ministro+di+Turismo+tabata+basta+rabia+%26amp%3Bnbsp%3Bcu+e+hecho+cu+varios+ministro+por+duna+permisonan+cu+ta+conduci+cu+ta+bini+%26amp%3Bnbsp%3Bprojecto+di+hotel%2C+boutique+hotels+y+condiminiums+sin+cu+e+como+ministro+responsabel+di+turismo+tin+mucho+di+bisa.%26amp%3Bnbsp%3BEsaki+tabata+un+di+e+motibonan+pakiko+Ministro+di+Turismo+a+bishita+Gobernador+di+Aruba+algun+luna+pasa+%26amp%3Bnbsp%3By+a+anuncia+su+posibel+retiro.%26amp%3Bnbsp%3BMinistro+di+Turismo+no+por+accepta+%26amp%3Bnbsp%3Bcu+sea+%26amp%3Bnbsp%3Be+ministro+di+Tereno+ta+duna]}
Ta conoci cu nos flamante ministro di Turismo tabata basta rabia  cu e hecho cu varios ministro por duna permisonan cu ta conduci cu ta bini  projecto di hotel, boutique hotels y condiminiums sin cu e como ministro responsabel di turismo tin mucho di bisa. 

Esaki tabata un di e motibonan pakiko Ministro di Turismo a bishita Gobernador di Aruba algun luna pasa  y a anuncia su posibel retiro. 

Ministro di Turismo no por accepta  cu sea  e ministro di Tereno ta duna cierto grupo tereno sin cu E ta envolvi den e proceso aki mescos cu e no por accepta cu otro permiso tambe ta worde duna sin su participacion cu ta conduci cu cierto momento mas projecto hotelero y/of condominiums ta worde otorga.

Ministro di Turismo sr Otmar Oduber a pone pression cu esaki lo no por tuma lugar den futuro sin su participacion directo den cualkier ‘vergunning’ y/of tereno etc cu por worde duna pa su propio coleganan.

Mientras tanto pueblo por a tende con Ministro encarga cu maneho di Tereno  ministro  Sevinger a declara cu  e decisionan encuanto kende lo hanja un parti di e tereno cu ta bin liber  awor cu e containerhaven a muda pa Barcadera lo worde tuma pa e directiva di APA NV.  

Pa colmo nos por a tende e director di APA NV sr. Figaroa papia encuanto di e proceso y tambe e projectonan cu a worde presenta na APA NV y pa sorpresa di  pueblo y di PPA nos por a tende cu lo tin peticion pa construccion di  Boutique hotels, condominiums, financial center  y mas.

Cu otro palabra mientras  Ministronan encarga cu diferente permiso/tereno no mag di duna  permiso/tereno sin envolvimento di  e flamante Ministro di Turismo awor ta resulta  cu APA NV su gerencia tambe por tuma nan propio decision cual lo por conduci na  construccion di mas Boutique hotels, condominiums y financial center etc.

Na prome lugar  PPA ta puntra gobierno/Ministro Presidente directamente  di unda APA NV a saca e derecho di por tuma decision cu Aruba lo hanja mas  boutique hotels o sea condominiums   o hasta un financial center  ??

Na di dos lugar e  consejo cu APA NV lo a hasi na gobierno na luna di juni awor lo worde hasi na luna di oktober despues di cual APA NV por tuma decisionan cu normalmente ta decisionan di un of mas ministro den gabinete Mike Eman ??  

Ministro Presidente por splica pueblo di Aruba  si esaki ta conta pa mas  NV cu por ta donjo di tereno cu gobierno a pasa pa nan pa nan por ejerce nan tarea  conforme na meta den nan Statuut.  P.e. si Arubus NV ta donjo di un tereno nan por tuma e decision igual na APA NV pa duna permiso pa projectonan manera  Boutique hotels, Condominium  hotels  etc  ..????

Ta hopi stranjo cu den caso di e projecto di  e haf di Barcadera gobierno a kita competencianan real di APA NV na fabor di ASTEC NV aparentemente  pero awor gobierno kier  duna APA  NV e derecho di dicidi cu lo bini sea  boutique hotels,  condominiums , financial center  o otro projectonan  unda posicion sumamente raro y cuestionable di parti di gabinete Mike Eman ??

PPA ta cuestiona esaki seriamente …….APA NV tin derecho riba sosten pa exploita e haf di Oranjestad y di Barcadera ….pero APA NV no por reemplaza  gobierno den su competencianan con pa goberna pais Aruba. Mas leeuw cu APA NV lo por bai ta pa reserva e tereno necesario pa desaroyo y expancion di e infrastructura necesario pa APA NV por brinda e servicio na  bapornan crusero den futuro .

PPA ta ripiti cu e asunto ak  ta un desaroyo sumamente serio y cuestionable !!

PPA ta conseha gobierno pa para e proceso aki. Ta gobierno/Conseho di Ministro ta e instancia  cu mester fiha un vision y  publica nan  vision basa riba cual, projectonan di  entrepreneur y grupo commercial por worde entrega y evalua.

PPA ta keda di opinion cu un vision/projecto cu lo por ta un semiya  pa un di tres pilar economico ta un Aruba World Trade Center combina cu dos business hotels y un Universidad cu e.o. e facultad di Idioma y IT(E-Commerce).   Pero PPA ta di opinion cu ta gobierno cu tin cu tuma un decision encuanto un vision asina of cualkier otro vision cu lo por worde escoge.

PPA ta ripiti nos ponencia critico…esta unda nos parlamento a keda …parce cu nan ta drumi atrobe !!


Aruba, 10 augustus 2016                                       Lider Politico di PPA

                                                                                  BENNY NISBET

Expresionnan haci den e articulo aki no necesariamente ta refleha opinion di ArenaPoliti.co