{idkey=147b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F3867-andin-bikker-pdr-riba-derecho-di-compensacion-andin-bikker-ta-sugeri-comerciantenan-den-caya-pa-manda-carta-pa-gobierno%3FItemid%3D101][title=Andin+Bikker+%28PDR%29%3A+Riba+derecho+di+compensacion+Andin+Bikker+ta+sugeri+comerciantenan+den+Caya+pa+manda+carta+pa+Gobierno][desc=Riba+derecho+di+compensacion.%26amp%3Bnbsp%3BDen+rueda+di+prensa%2C+Andin+Bikker+lider+di+Partido+Democracia+Real%2C+a+bolbe+toca+e+tema+di+compensacion+na+cual+e+comerciantenan+den+Caya+Grande+tin+derecho+na+dje%2C+pa+motibo+di+e+tardanza+pa+renova+Caya+Grandi+cu+consecuencianan+serio+pa+nan+cu+ainda+tey.Bikker+a+splica+cu+e+comerciantenan+den+Caya+Grandi+ta+sufriendo+innecesariamente%2C+y+nan+mes+ta+expresa+esaki+como+gremio+cada+bez+mas%2C+pasobra+nan+bentanan+a+baha+drasticamente.Na+a%C3%B1a+2012+tempo+cu+e+renovac]}
Riba derecho di compensacion. 

Den rueda di prensa, Andin Bikker lider di Partido Democracia Real, a bolbe toca e tema di compensacion na cual e comerciantenan den Caya Grande tin derecho na dje, pa motibo di e tardanza pa renova Caya Grandi cu consecuencianan serio pa nan cu ainda tey.

Bikker a splica cu e comerciantenan den Caya Grandi ta sufriendo innecesariamente, y nan mes ta expresa esaki como gremio cada bez mas, pasobra nan bentanan a baha drasticamente.Na aña 2012 tempo cu e renovacion di Caya Grandi a tarda, Andin a trece dilanti cu e negoshinan tin derecho di compensacion a base di hurisprudencia y leynan existente, pa cu tardanza den construccion di renovacion di Caya.

Tambe el a mustra cu e tram a bin wordo introduci y gobierno a mal informa parlamento pasobra nan a bisa cu e ta bay bin pa algun ora y cierto oranan Caya lo keda habri pa trafico. El a recorda cu e tempo aya tabata tin windowshop, cu awor no tin mas.

Pa como, recientemente, esta aña pasa a introduci e experimento di parkeer meters y tur esaki, acumulativamente, ta mustra cu e situacion den Caya Grandi no ta bayendo bon y varios negoshi ta cerando nan porta, of ta sufriendo, pa decisionnan cu no a wordo bon evalua di parti di Gabinete Mike Eman I y Mike Eman II.

Andin Bikker a sugeri e comerciantenan pa manda un carta pa responsabiliza gobierno pa e.o daño y perhuicio y exigi nan derecho riba dje, relaciona cu e tardanza den e renovacion di Caya grandi, pasobra si laga cinco aña pasa nan derecho ta caduca.
Ademas, si e comerciante tin perdida di benta, loke nan por midi via su BBO y BAZV, y si nan por prueba cu den un periodo largo nan a bay atras den benta, tambe nan tin derecho di compensacion pasobra na final di dia, e experimentonan cu e gobierno aki a bay haci di bin cu un tram, cu cada bez ta pega riba un bals, cu ta core cu yen di turista den dje pero cu no ta baha pa cumpra, nan ta dal un rondtrip den Caya Grandi pero ta palpable cu hopi di nan no ta baha cumpra, manera e expectativa tabata, y di tres cu por constata cu e experimento di parkeer meters, aparentemente, ta bon pa gobierno pero no ta bon pa comercio.

Bikker a bisa cu segun gobierno, e entradanan di parkeer meters a subi pero esaki ta beneficia gobierno no comercio. E personanan no ta yegando na Caya Grandi y gasta mes hopi cu nan a gasta prome cu a bin cu renovacion di Caya Grandi.E temponan aya Caya tabata menos atractivo pero e bentanan tabata bay. Si nan a bin dreche ta di aplaudi, pero no a dreche na un nivel cu tin e exito cu tabata tin prome.

Bikker ta haya cu Gobierno mester bay haci un estudio wak kico ta pasando. Bikker a splica cu e parkeer meters a bin practicamente pa paga e tram. Ta un un experto di New York a bin Aruba aconseha gobierno tocante e concepto di tram, y nan a bay cumpre, segun mr. Andin Bikker por a compronde for di un fallieciment, en todo caso pa 1.6 miyon average pa uno. Bikker ta mira e proyectonan aki como contraproducente, y gobierno mester wak si e no ta ganando diez cent pa perde un florin pasobra e negoshinan tin perdida y trahadornan di tienda ta perde trabao, gobierno ta haya menos na impuestonan manera BBO, BAZV, y incluso loonbelasting ta baha.

Segun Andin e comerciantenan ta haya nan mes stroba pa eherce nan profesion riba nan negoshi, crea cuponan di trabao y produci impuestonan y gobierno mester wak y acepta cu e situacion no ta bayendo bon den Caya Grandi, y e ora ey evalua kico mester haci.  Como cu eleccion 2017 ta casi den porta PDR den su campaña lo ofrece solucionnan concreto pa e problematica cu Caya Grandi ta pasando den dje, por ehemplo e compensacion riba tardanza di renovacion di Caya Grandi y lo evalua e parkeer meters pasobra obviamente e no ta funciona.

Expresionnan haci den e articulo aki no necesariamente ta refleha opinion di ArenaPoliti.co