{idkey=7367b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F4106-andin-bikker-pdr-den-8-ana-di-gobernacion-a-traha-72-cas-social-so-y-un-lista-di-spera-di-3000-cu-ta-sigui-crece%3FItemid%3D101][title=Andin+Bikker+%28PDR%29%3A+Den+8+a%C3%B1a+di+gobernacion+a+traha+72+cas+social+so+y+un+lista+di+spera+di+3000+cu+ta+sigui+crece%21][desc=Andin+Bikker%2C+lider+di+Partido+Democracia+Real%2C+a+toca+e+tema+den+rueda+di+prensa+di+otorgamento+y+cambio+den+destinacion+di+tereno+y+con+Minister+Sevinger+ta+maneha+esaki.+Den+contexto+di+reunion+publico%2C+lider+di+PDR+a+bisa+cu+su+fraccion+a+haya+razon+pasobra+riba+su+pregunta+di+cuanto+cas+social+e+gobierno+aki+a+traha+den+e+transcurso+di+e+dos+periodonan+di+Gabinete+Mike+Eman%2C+a+bin+resulta+cu+a+traha+solamente+72+cas.Den+e+periodo+di+a%C3%B1a+2012+y+tambe+na+2015+ni+un+cas+a+wordo+traha+y+PDR+ta]}
Andin Bikker, lider di Partido Democracia Real, a toca e tema den rueda di prensa di otorgamento y cambio den destinacion di tereno y con Minister Sevinger ta maneha esaki.

Den contexto di reunion publico, lider di PDR a bisa cu su fraccion a haya razon pasobra riba su pregunta di cuanto cas social e gobierno aki a traha den e transcurso di e dos periodonan di Gabinete Mike Eman, a bin resulta cu a traha solamente 72 cas.

Den e periodo di aña 2012 y tambe na 2015 ni un cas a wordo traha y PDR ta cuestiona con un gobierno por duna prestacion si den tanto tempo no a traha practicamente casnan social, mientras tin un lista di spera di mas cu tres mil persona cu ta wardando riba un vivienda social.

Minister di infrastructura ta tira falta riba FCCA bisando cu gobierno ta otorga tereno pero e instancia aki tin cu traha casnan social. Andin a bisa cu e no por compronde cu FCCA tin un tarea grandi pa desplega, entre otro duna e casnan mantencion, pesey e ta puntra kico ta stroba e minister pa lanta un otro fundacion cu por keda encarga di traha casnan social so.

E no ta dificil pasobra FCCA un fundacion e ta y e Landsverordening op stichtingen ta encera solamente bay notario, wak e statuut con pa lanta un fundacion y e no ta kere cu tin algo por stroba gobierno pa lanta un otro fundacion, otorgue tereno cu opdracht di busca financiamento na Hulanda, cu aworaki ta ofrece un interes na menos cu dos porciento.

“Ta tereno mester y gobieno tin tereno. No obstante, nos por a scucha cu mester bay cambia ROP pasobra aworaki no tin tereno disponible. Esaki tampoco no ta cuadra cu realidad, pasobra na Hulanda cu nan a inventa e ley di ROP nan ta anticipa riba cambionan den ley, y fuera di esey ta parce straño cu cierto persona ayega na gobierno a haya un tereno di 5 mil meter cuadra. Ta cuanto cas social lo por a traha riba e pida tereno aki? Aworaki, cu 250 meter por traha un cas social riba dje?”

Andin Bikker a sigui bisa cu e ta kere cu mas cu 5 mil meter a wordo reparti, pero gobierno ta core cu excuse y esey ta e cos. “Tin yen di storianan bunita cu ta wordo scucha, manera esun cu nan a skirbi diamars pa Gobernador, pero gobierno ta papia hopi ta haci poco, y riba casnan social nan a haci net, pero net net nada! Solamente parti tereno pa loco.

Hasta mi tin entendi cu e pida baranca na Daimari banda di lama, tin un par di staca rond di dje, y cu nan a midie, cla pa partie. Mi ta puntra mi mes kico ta pasando y pa ken e gobierno aki ta trahando”, Andin a splica.

El a amplia bisando cu otorga un hende un tereno erfpacht di 600 meter cuadra, esey no ta un cas social. E cas social ta pa e homber chikito cu FCCA ta traha su cas pe, sea cu e ta haye pa huur cu subsidio of ta bira un cas cu hipoteca, pero e punto ta cu pa personanan humilde di cual 3000 ta wardando aworaki, tabata tin 3072 pero awor tin 72 menos ta keda 3000 y e lista ta keda crece so. Si den dos periodo di gobernacion no por a soluciona e problema aki anto gobierno ta incapaz pa loke ta trata vivienda social” segun Andin Bikker, lider di PDR.

Expresionnan haci den e articulo aki no necesariamente ta refleha opinion di ArenaPoliti.co