{idkey=1231b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F416-guillfred-besaril-mep-pueblo-ta-sclama-pa-un-maneho-mas-rigido-contra-e-ola-di-criminalidad%3FItemid%3D101][title=Guillfred+Besaril+%28MEP%29%3A+%26quot%3BPueblo+ta+sclama+pa+un+maneho+mas+rigido+contra+e+ola+di+Criminalidad%26quot%3B][desc=Den+un+entrevista%2C+Parlamentario+sr.+Guillfred+Besaril+%28MEP%29+a+enfoca+riba+husticia+y+e+cambio+di+a%C3%B1a+cu+Aruba+a+cab+di+pasa+aden.+E+parlamentario+a+declara+lo+siguiente%3A%26quot%3BMi+kier+a+hasi+uzo+di+e+oportunidad+pa+desea+Pueblo+di+Aruba+en+general+un+Bon+A%C3%B1a+2015%2C+un+A%C3%B1a+di+hopi+exito%2C+alegria+y+salud.+Apesar+di+e+deseonan+sincero%2C+un+y+tur+ta+consciente+cu+Aruba+como+Pais%2C+no+a+sera+ni+habri+su+a%C3%B1a+como+debe+ser.+Riba+dia+31+di+december+2014%2C+den+pleno+lus+di+dia%2C+un+caballero+ta+bira+victima+di]}Den un entrevista, Parlamentario sr. Guillfred Besaril (MEP) a enfoca riba husticia y e cambio di aña cu Aruba a cab di pasa aden. E parlamentario a declara lo siguiente:

"Mi kier a hasi uzo di e oportunidad pa desea Pueblo di Aruba en general un Bon Aña 2015, un Aña di hopi exito, alegria y salud. Apesar di e deseonan sincero, un y tur ta consciente cu Aruba como Pais, no a sera ni habri su aña como debe ser. Riba dia 31 di december 2014, den pleno lus di dia, un caballero ta bira victima di un atraco estilo pelicula, "Drive By!" 2 anti-social riba brommer ta pasa tira un atraco cu arma di candela den man, poniendo e arma na cabez di e victima, mientras cu e victima tabata den su auto caminda pa trabow. Ora cu Pueblo di Aruba a kere cu incidente aki tabata e "Colmo de los Colmos!" aña 2015 ta bira habri nos (Dialuna dia 5) cu un atraco cu a sacudi nos comunidad pa e forma brutal con esaki a tuma lugar. Atrobe un atraco cu arma di candela den cual tiro a cai, cu e resultado lamentabel di un victima herida den cabez! Algo cu sigur ta preocupa nos Fraccion, pa motibo cu e ta un indicacion palbable cu tin un sirculacion alarmante di arma di candela riba nos Isla. Ora nos a bai tira un bista den e diferente medianan local, nos Fraccion a bin constata cu den e ultimo 5 simanan di aña 2014 tawatin no menos cu 15 caso di atraco y por lo menos 5 detencion pa posesion di arma di candela. 

Apesar di e scenario preocupante, nos Fraccion ta contento cu por lo menos e Alto Comisario di Polis a bin pa dilanti den prensa pa vocifera cu e ta comparti Pueblo su preocupacion. Conforme e Alto Comisario Polis durante 2015 lo bai implementa un plan cu "Puntonan di Atencion" pa por contra-arresta e trend negativo cu Aruba a cai aden. Nos Fraccion ta spera cu pa e plan lo hasi uso di un analisis profundo di informacion disponibel pa asina por ehempel tin un miho bista na ki momento di dia of momento di siman, luna y of aña, tin mas movecion pa loke ta trata criminalidad. Mester bin cu un cambio drastico den e manera cu ta traha e diferente "Dienstroosters". E ta un hecho cu e systema actual di planea e rooster ta practicamente e mesun cu a wordo aplica e ultimo 20 pa 30 aña! Pues aki ta caminda análisis di informacion disponibel por contribui na adapta dicho planning pa esaki ta un respuesta efectivo pa gritonan di nos comunidad preocupa. Den tur sinceridad, esaki no ta e caso. Nos ta spera cu un di e puntonan ta, cu pronto lo hasi uso bek di un helicopter y si no, cu por lo menos lo considera loke nos di MEP ta bin ta boga pe: Modernisa y hasi uzo di "Drones". E technologia aki ta avanza y ta dunando resultadonan sumamente positivo, tanto pa su eficiencia como costo di implementacion den un cantidad di Pais rond Mundo. Nos Fraccion ta spera cu un di e puntonan tambe ta, cu e aña aki Si tin e placa necesario pa inicia cu un klas di polis di nivel 4, paso e ta keda un hecho latente cu tin un scarcedad na polis. Ademas nos ta spera cu e plan lo atende cu e asunto di overtime y e implementacion total di e personal policial uniforma. Mester busca e mihor balansa, paso den actualidad e prome liña di prevencion contra criminiladad no ta optimal y hopi di esnan den uniform ta sintinan neglisha! 

Fuera di puntonan di accion di Cuerpo Policial, tin otro departamentonan den Husticia cu tambe mester haña e debido atencion. Nos Fraccion kier mira mas atencion pa cu asuntonan manera material, uniform y mantencion di edificio, no solamente pa Polis, pero tambe pa e demas departamentonan di Husticia cu tambe ta hunga un rol importante den combati criminalidad y calamidad manera Ministerio Publico, KIA, Cuerpo Especial y Brandweer. Nos di MEP ta spera cu aña 2015 bira uno den cual e diferente departamentonan por sigui bai pa dilanti. Un aña caminda cu Pueblo por cuminsa recobra e confiansa bek den Husticia y den cual nos Fraccion no mester keda bin padilanti cada biaha, pa recorda e cuidadano Minister di su compromiso y resposabilidad pa cu nos comunidad. Paso na final di dia Pueblo di Aruba Merece Miho! Parlamentario Besaril a termina.

Expresionnan haci den e articulo aki no necesariamente ta refleha opinion di ArenaPoliti.co