{idkey=5991b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F4193-red-red-a-introduci-sistema-digital-di-consulta-cu-pueblo%3FItemid%3D101][title=ReD%3A+ReD+a+introduci+sistema+digital+di+consulta+cu+pueblo][desc=Riba+26+di+september+partido+ReD+a+introdusi+pa+prome+biaha+e+sistema+digital+di+consulta+yama+DemocracyOS.+A+scoge+e+fecha+aki%2C+pasobra+riba+e+dia+aki+a+trata+den+Parlamento+e+topico+di+CITGO.+Ta+un+decision+cu+lo+tin+hopi+consecuencia+pa+Aruba%2C+sinembargo+ta+laga+21+hende+disidi+sin+a+consulta+cu+pueblo.+Asina+nos+democracia+a+degenera%2C+ta+un+grupito+ta+disidi%2C+y+e+pueblo+mag+vota+cada+cuater+a%C3%B1a%2C+y+e+circo+di+stempelparlement+ta+sigui.%26amp%3Bnbsp%3BPesei+ReD%2C+afilia+na+partidonan+digital+di+America+]}
Riba 26 di september partido ReD a introdusi pa prome biaha e sistema digital di consulta yama DemocracyOS. A scoge e fecha aki, pasobra riba e dia aki a trata den Parlamento e topico di CITGO. Ta un decision cu lo tin hopi consecuencia pa Aruba, sinembargo ta laga 21 hende disidi sin a consulta cu pueblo. Asina nos democracia a degenera, ta un grupito ta disidi, y e pueblo mag vota cada cuater aña, y e circo di stempelparlement ta sigui. 

Pesei ReD, afilia na partidonan digital di America Latina, a bin cu e sistema aki, unda cualke arubiano na unda cu e ta via su Smartphone of computer por a vota dia 26 di september pro of contra of abstene pa loke ta e deal di CITGO na mesun momento cu e reunion tabata tumando lugar den Parlamento. Esnan cu a vota por a dispone di tur informacion cu e parlamentarionan tin, a proporciona e link di por ehempel e conseho di Raad van Advies y otro informacionnan cu a keda publica den exterior riba e topico aki. E idea ta pa ora esun vota riba un topico e ta bon informa. Awendia e era digital ta haci posibel pa e votador por disidi directamente riba cualke topico cu ta keda trata den parlamento. 

Esaki no ta un sistema exclusivo di partido ReD. Nos a hasi un test riba 26 di september y a resulta cu e ta funciona. Cualke otro partido por haci uso di e sistema aki pa pone e decision den man di pueblo. Si ReD tabata tin representacion den parlamento, e fraccion di ReD lo mester a vota segun e resultado di e votacion di esnan cu a participa den e consulta riba deal di CITGO. Di nos consulta 66% a vota contra, ke men fraccion di ReD lo mester a vota contra e CITGO deal. Argumentonan ta: e deal no ta transparente, ta local families and friends ta den e compañia, ta e pagador di impuesto es decir e pueblo lo mester bai subsidia esaki, e ta bai ta negativo pa e medio ambiente manera Isla na Korsow, si Rincón, awor sera na Merca pa labamento di placa y kende tin hopi inversion y amigo politico na Aruba, a orkestra e plan aki ke men e ta un proyecto corupto.  

ReD a demostra asina cu ya ta posibel cu e votador ta disidi riba e destino di Aruba, y no manera ta aworaki e caso, cu esnan cu a hinca placa den un partido of politico ta call the shot. E proximo consulta cu pueblo di ReD ta tocante e topico di seguridad. Laga bo opinion resona di un manera anonimo. Djis bishita https://app.democracyos.org/vozdipueblo y bo por registra di un manera anonimo y asina bo por vota. Esaki ta e slogan cu ReD a lanza pa eleccion 2017, VozDiPuebloDenParlamento. Hopi no kier bai manifesta dia 29 di september pa no mustra cara y risibi represaya, pero awor bo por protesta di un manera digital y di un forma anonimo via e sistema aki di ReD. Hasi uso di dje pa duna bida atrobe na nos democracia, cu a keda secuestra pa e stempelparlement.

Directiva di ReD

Expresionnan haci den e articulo aki no necesariamente ta refleha opinion di ArenaPoliti.co