{idkey=8732b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F4209-drs-mervin-wyatt-ras-avp-presidente-di-parlamento-a-skohe-pa-mantene-publico-den-sala-ora-a-trata-e-ley-di-citgo%3FItemid%3D101][title=drs.+Mervin+Wyatt-Ras+%28AVP%29%3A+Presidente+di+Parlamento+a+skohe+pa+mantene+publico+den+sala+ora+a+trata+e+ley+di+CITGO][desc=Presidente+di+Parlamento%2C+drs.+Mervin+Wyatt-Ras%2C+ta+trese+padilanti+cu+durante+tratamento+di+e+ley+pa+reglamenta+CITGO%2C+cu+por+cierto+a+wordo+aproba+den+reunion+diamars+anochi%2C+su+persona+a+skohe+pa+por+mantene+publico+den+sala+di+Parlamento.+E+ley+a+ser+aproba+cu+19+voto+na+fabor+y+uno+en+contra.+Alavez+6+mocion+a+ser+presenta+y+4+amienda.+Segun+presidente+di+Parlamento+ta+facil+pa+e+por+a+saca+hende+den+publico+for+di+sala+paso+e+tin+tur+medio+pa+haci+esaki%2C+sinembargo+el+a+skohe+pa+pasenshi+c]}
Presidente di Parlamento, drs. Mervin Wyatt-Ras, ta trese padilanti cu durante tratamento di e ley pa reglamenta CITGO, cu por cierto a wordo aproba den reunion diamars anochi, su persona a skohe pa por mantene publico den sala di Parlamento. E ley a ser aproba cu 19 voto na fabor y uno en contra. Alavez 6 mocion a ser presenta y 4 amienda.
Segun presidente di Parlamento ta facil pa e por a saca hende den publico for di sala paso e tin tur medio pa haci esaki, sinembargo el a skohe pa pasenshi cu nos hendenan cu ta ansioso pa haya un empleo den refineria y tin di nan tin biaha no tabata por a contene nan mes. El a lucha cu nan pa asina yega na final di e reunion sin saca ningun persona for di sala, locual ta un logro grandi pa cualkier Presidente, Parlamento y Parlamentario. Pero enbez di esaki e ta haya critica di integrantenan di MEP, hasta riba facebook dor di hendenan cu ta skohe pa lastra presidente. Te hasta pa nan bisa cu e ta e peor Presidente den historia. Wyatt-Ras ta haya stranjo pa e tende esaki for di un politico nobato y tambe for di un partido cu a saca su persona for di nan seno djies paso ela vota na fabor di un ley cu ta trese igualdad entre su persona y pueblo. Kiermeen e partido aki ta contra pueblo di Aruba? Kizas esnan di partido geel cu a trata Wyatt-Ras asina malo no kier pa e ta presidente y lo busca tur argumento pa trese su persona den luz negativo. Wyatt-Ras ora ela a keda eligi como presidente di Parlamento a dicidi cu e lo haci su trabou manera cu debe ser. Pero no por acepta pa riba wall di esnan di MEP ta permiti pa tur nan siguidornan ofend’e na un forma mahos. Wyatt-Ras ta keda bisa cu un ley asina importante manera CITGO ta den interes di henter pueblo y ta obvio cu esnan di MEP no tabata kier pa pueblo ta eynan presente. Esey ta nan asunto. Wyatt-Ras a haci loke el a kere ta bon pa pueblo y lo sigui haci manera semper el a bin ta haci, esta sali na interes general di nos pueblo.

En bez di haya elogio pa esaki Wyatt-Ras ta trese padilanti cu ela a yega di ta den peor reunionnan unda cu esnan di MEP ta keda grita ora su persona ta hiba palabra. Aki niun di MEP no a reclama of bisa cu e presidente aki ta e peor presidente cu tin.
Den e caso aki di CITGO pueblo mes por a skucha cu Wyatt-Ras tabata pidi publico pa keda rustig y pa no mustra aprobacion ni desaprobacion. Pero cu tambe e politiconan mes tabata dirigi nan mes na e publico y asina haya reaccion di e publico, locual cu esnan na cas no por mira.
Ta obvio cu cierto politico di MEP no gusta Wyatt-Ras y pa nan ta un doorn in het oog cu Wyatt-Ras ta presidi reunionnan.

Locual si tabata obvio cu tin Parlamentario no gusta Wyatt-Ras. Hasta promer cu votacion pa presidencia nan a pidi coleganan pa por fabor no vota pa Wyatt-Ras. Paso pa MEP e ta hopi ferfelo pa mira con malo nan a trata Wyatt-Ras pa awor AVP si ta dune aprecio pa e dirigi Parlamento. Esey mester ta ofende AVP masha hopi mes.

E reunion a inicia un dia anterior di 1.30 atardi te 10 or anochi. Presidente di Parlamento a dicidi di mantene Publico presente pa por sigui e reunion di serca. Esaki pa rindi honor na democracia bibo.
Un cantidad di 19 miembro di parlamento a hiba palabra. Total a haci uzo di mas o menos 360 minuut den primera tanda cu ta ensera mas o menos 18 minuut pa persona. Diamars a continua cu e reunion cu contesta di ministernan den primera tanda pa despues sigui cu e di dos tanda di e reunion. A reuni desde 11 or te cu mas o menos 11.15. esta mas o menos 11 ora. En total pues 20 ora ney di reunion. Tabatin 6 mocion y 4 amienda. Peculiar tabata cu durante reunion un miembro di oposicion y 2 miembro di e fraccion mayoritario so a bai wake documento ter inzage.
Na ningun momento oposicion, cu a bai keha tur caminda cu nan no por a haya documento, no a pidi ni punto di ordo pa pidi documento durante reunion. Wyatt-Ras ta satisfecho di por a cumpli dor di amplia posibilidad di inzage despues di ora di trabou y hasta den weekend. Despues cu el a manda 2 carta pa pidi documento pa asina "kom tegemoet" na peticion di Parlamentarionan. Asina mes no tabata bon pa esnan di Mep y e Parlamentario independiente cu a bai critike sin argumento funda riba facebook, prensa y hasta gobernador.
E ley a keda aproba cu 19 voto na fabor y un voto en contra. Wyatt-Ras mes a haci tambe uzo di oportunidad pa stemmotivering pa asina mustra sosten na un ley asina importante pa nos pueblo cu lo trese pan ariba mesa di nos trahadornan y e ta spera cu trahadornan cu awor ta den exterior por bolbe bek Aruba.Ademas lo e trese un desaroyo socio-economico grandi pa nos pais y en especial pa e pueblo di pariba.

Expresionnan haci den e articulo aki no necesariamente ta refleha opinion di ArenaPoliti.co