{idkey=6765b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F4460-andin-bikker-lider-pdr-e-presupuesto-di-ministerio-di-husticia-no-ta-cumpli-cu-ley-di-contabilidad%3FItemid%3D101][title=Andin+Bikker+lider+%28PDR%29%3A+E+presupuesto+di+ministerio+di+husticia+no+ta+cumpli+cu+ley+di+contabilidad][desc=Den+rueda+di+prensa+semanal+Andin+Bikker%2C+lider+di+Partido+Democracia+Real%2C+a+bisa+cu+e+presupuesto+di+ministerio+di+husticia+no+ta+cumpli+cu+e+ley+di+contabilidad.%26amp%3Bnbsp%3BPDR%26amp%3Bnbsp%3B+a+tuma+nota+di+e+conseho+di+e+Organo+Consultativo+caminda+cu+nan+a+ripara%2C+y+PDR+a+remarca+a%C3%B1a+pasa%2C+cu+minister+di+husticia+ora+e+ta+duna+splicacion+riba+kico+su+plannan+ta+pa+loke+ta+trata+presupuesto%2C+e+ta+papia+den+termino+hopi%2C+hopi+general+y+apenas+cinco+pa+seis+pagina+ta+dedica+na+ministerio+di+husticia.%26amp%3Bnbsp%3BE]}Den rueda di prensa semanal Andin Bikker, lider di Partido Democracia Real, a bisa cu e presupuesto di ministerio di husticia no ta cumpli cu e ley di contabilidad. 

PDR  a tuma nota di e conseho di e Organo Consultativo caminda cu nan a ripara, y PDR a remarca aña pasa, cu minister di husticia ora e ta duna splicacion riba kico su plannan ta pa loke ta trata presupuesto, e ta papia den termino hopi, hopi general y apenas cinco pa seis pagina ta dedica na ministerio di husticia. 

E biaha aki Raad van Advies a bise cu e presupuesto aki no ta cumpli cu e ley di contabilidad, pasobra esaki ta exigi cu bo mester duna un bista specifico y conciso riba kico e ta bay haci cu placa di pueblo. No ta di awor, Andin Bikker a subraya. Pero aña pasa el a atende riba dje, pero cada bez e tin un splicacion hopi general, cu si por spera un maneho fuerte, palpable, pero no ta wak e esencia di e presupuesto kico specificamente e ta bay haci cu e placa “na placa chikito bisa”. 

Trabao di parlamento ta controla kico ta bay haci cu e fondonan publico, na kico bo ta destine. Tanto cos cu ta pasa den nos pais bisiña y cu ta bin Aruba pero e no ta haci ningun remarca riba esey, por ehemplo e impacto riba turismo pa loke ta trata criminalidad, nada ta wordo delinea den su splicacion riba presupuesto. E minister akinan ta bayendo na su di ocho aña caba, y bo ta keda bise si e no por sinta un rato skirbi un maneho, un splicacion un tiki mas conciso manera cu e ley di contabilidad ta exigi? Pa bo yega na seis pagina copy paste di aña 2006 bin ariba?

Bikker a bisa cu PDR lo sigui esaki di cerca. Tambe el a papia tocante e manifestacion cu algun siman atras a tuma lugar y caminda minister presidente Mike Eman a yega na un acuerdo cu e comision cu lo pone 10 miyon extra riba presupuesto pa combati criminalidad.

Te dia di awe PDR no a mira un nota di cambio pa adresa e acuerdo akinan, y PDR lo haci pregunta riba esaki, e acuerdo di principio cu nan a cera di destina 10 miyon extra pa aloca pa combati criminalidad pa ministerio di husticia.

Tambe ta interesante segun Andin Bikker pa papia riba e nuebe puntonan cu a ocasiona cu siman pasa un minister a tuma su retiro, pasobra ora a observa e minister su declaracionnan pakico el a tuma su retiro, como tres cuatro biaha el a menciona e ministerio di husticia. Aworaki cu e minister a tuma su retiro no tin pakico sigui sconde e documento aki y PDR a pidie caba durante e reunion caminda Parlamento mester a delibera riba e decision di e minister di tuma su retiro. Nan a pidie via presidente di Staten, y los di esey lo haci e peticion directamente na gobierno. E ta pensa cu minister mes por a warda un copia di ora el a bay Gobernador y por ta e kier comparti esaki cu pueblo.

Expresionnan haci den e articulo aki no necesariamente ta refleha opinion di ArenaPoliti.co