{idkey=8107b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F4462-evelyn-wever-croes-mep-segun-mike-eman-den-2017-lo-bin-mas-cobramento-di-belasting-y-abb%3FItemid%3D101][title=Evelyn+Wever-Croes+%28MEP%29%3A+Segun+Mike+Eman+den+2017+lo+bin+mas+cobramento+di+belasting+y+ABB][desc=ORANJESTAD+-+Lider+di+MEP+Evelyn+Wever-Croes+den+conferencia+di+prensa+di+MEP+a+duna+un+relato+di+tratamento+di+presupuesto+di+finansas+pa+2017.%26amp%3Bnbsp%3B%26quot%3BGobierno+a+aumenta+su+gastonan+cu+65+miyon+florin.+Y+segun+Minister+Bermudez+nan+por+a+haci+esey+pasobra+nan+tin+pensa+di+saca+26.6+miyon+dividendo+for+di+companianan+estatal.+Y+e+restante+38+miyon+nan+lo+cobra+EXTRA+di+belasting.%26amp%3Bnbsp%3BMi+a+scucha+AVP+ta+bisa+cu+nos+no+a+studia+e+presupuesto%2C+pero+ta+parsemi+cu+nan+no+sa+kico+ta+para+den+e+presupu]}
ORANJESTAD - Lider di MEP Evelyn Wever-Croes den conferencia di prensa di MEP a duna un relato di tratamento di presupuesto di finansas pa 2017. 

"Gobierno a aumenta su gastonan cu 65 miyon florin. Y segun Minister Bermudez nan por a haci esey pasobra nan tin pensa di saca 26.6 miyon dividendo for di companianan estatal. Y e restante 38 miyon nan lo cobra EXTRA di belasting. 
Mi a scucha AVP ta bisa cu nos no a studia e presupuesto, pero ta parsemi cu nan no sa kico ta para den e presupuesto, pasobra ora mi a trese e analisis padilanti, nan tur tabata mira sorprendi. 
E gastonan di 65 miyon ta mas tanto gastonan di e aventura financiero di Mike Eman, huur na MFA, pago inicial na Green Corridor, TNO, Rietveld. 
Mi ta haya cu e ultimo añanan aki caba Gobierno di Mike Eman a cobra hopi belasting na forma inhumano for di pensionadonan y hendenan humilde, mientras cu pa nan mes, pa Minister de Meza y pa sponsornan grandi di campaña, a duna kwijtschelding di belasting. 
E noticia aki cu lo bay cobra 38 miyon EXTRA na belasting a spanta tur hende. Pasobra awor caba ta miles di persona tin problema serio cu pagamento di belasting.
Mi pensamento ta bay especialmente na nos pensionadonan. Mi ta haya hopi inhusto cu nan mester bay paga pa e aventuranan financiero di Mike Eman.  Mi ta spera si cu Gobierno no bay cobra belasting cu a caduca caba.

ABB
ABB ta e belasting cu mester reemplasa e BBO cu awor ta total na 3.5%. Minister Bermudez a duna di conose cu ABB ta bin. Nan ta trahando riba dje caba. E tarifa e no por divulga ainda, pero ultimo biaha el a menciona cu e tarifa lo bira 7%.

MEP KIER TRESE ALIVIO
Lider di MEP durante e reunion a trese padilanti cu bou di e circumstancianan aki, mester percura pa trese alivio di e peso di belasting den algun caso. Evelyn Wever-Croes a menciona e mocionnan cu a wordo entrega, pa trese alivio pa pensioandonan, pa nan no paga belasting mas riba pensioen di biehes. Tambe pa den caso cu bo mester haya placa bekl di belasting, pa gobierno paga bo un interes, y tambe pa studiantenan haya un extra suma pa dedusi di belasting, ora nan cuminsa paga nan fiansa di estudio bek.

"Desde oposicion nos ta lucha pa trece e alivio cu tanto pueblo mester. Pero si no logra, nos tin tur e solucionnan aki den nos programa di partido. Nos si tin e vision y nos tin e expertisio den cas pa logra esaki", lider di MEP a duna di conose.

Expresionnan haci den e articulo aki no necesariamente ta refleha opinion di ArenaPoliti.co