{idkey=8888b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F4550-gabinete-me-ii-un-bes-mas-schoolkinderentoeslag-ta-mira-aumento%3FItemid%3D101][title=Gabinete+ME+II%3A+Un+bes+mas+schoolkinderentoeslag+ta+mira+aumento][desc=Prosperidad+Comparti%26amp%3Bnbsp%3BORANJESTAD-+Despues+di+reunion+di+Conseho+di+Minister+diamars+ultimo+Prome+Minister+Mike+Eman+a+anuncia+e+cambionan+positivo+cu+a+wordo+tuma+den+li%C3%B1a+di+e+vision+di+Gabinete+Mike+Eman+y+den+luz+di+e+presupuesto+cu+ta+wordo+trata+den+e+dianan+aki.+Hopi+por+pensa+cu+aki+ta+trata+di+fabornan+politico+mirando+a%C3%B1a+di+eleccion%2C+pero+tur+cu+ta+sigui+politica+di+cerca+sa+cu+na+mas+di+un+ocasion+Gabinete+Mike+Eman+a+anuncia+cambionan+positivo+cu+ta+na+fabor+di+henter+comunidad]}
Prosperidad Comparti 

ORANJESTAD- Despues di reunion di Conseho di Minister diamars ultimo Prome Minister Mike Eman a anuncia e cambionan positivo cu a wordo tuma den liña di e vision di Gabinete Mike Eman y den luz di e presupuesto cu ta wordo trata den e dianan aki. Hopi por pensa cu aki ta trata di fabornan politico mirando aña di eleccion, pero tur cu ta sigui politica di cerca sa cu na mas di un ocasion Gabinete Mike Eman a anuncia cambionan positivo cu ta na fabor di henter comunidad. Asina na 2010 a introduci  e asina yama 'schoolkinderentoeslag' pa yuda muchanan di famia di menos recurso. A hisa esaki den un periodo cu no tabatin eleccion dilanti porta pa Afl. 200,00 y awor a anuncia cu ta hisa e suma aki na Afl. 250,00 pa cada mucha cu ta bay scol. Mescos ta e caso cu e bijstand, rebaho riba pago di studielening  y rebaho di coriente cu na mas di un ocasion a tuma lugar. No mester tin eleccion dilanti porta pa hisa calidad di bida di e ciudadano ora e oportunidad ey t’ey. Tampoco pa pasa den bario bishita comunidad, loke Prome Minister ta haci a base regular.

E schoolkinderentoeslag pa cada mucha den un famia di menos recurso ta mira un bes mas un aumento, e biaha aki di Afl.50,00. E suma total ta bira awor Afl,250,00 pa cada mucha cu ta atende scol.  "Un otro cambio positivo ta cu e suma cu cada famia ta haya un bes pa aña como un aporte pa cada yiu cu ta bay scol cu awor ta Afl. 120,00 ta bira Afl. 220,00 y esaki hunto cu e aumento di bijstand ta bay yuda grandemente esnan cu mester di e asistencia social aki." Eman a bisa cu ta importante pa anuncia cu parti grandi di e aumentonan aki ta posibel door di e trabou duro cu Minister di Sociale Zaken mr. Paul Croes a haci den caso di personanan cu tabata riba bijstand pa haya trabou  y asina haci e transicion di bijstand pa un trabou fiho. "Otro aña nos ta spera un grupo ainda mas grandi pasobra reapertura di e refineria ta haci cu ta bay tin necesidad pa hopi empleado. Nos ta mirando un interes grandi cerca bijstandtrekkers cu kier un trabou den e refineria cu ta brindando e oportunidad adicional ey." Dor di esaki e suma cu ta paga na bijstand ta baha y asina hunto cu e crecemento economico gobierno ta mira un espacio pa e aumentonan anuncia cu ta practicamente budget-neutral.

Expresionnan haci den e articulo aki no necesariamente ta refleha opinion di ArenaPoliti.co