{idkey=7222b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F4554-dangui-oduber-mep-pa-8-anja-largo-promer-minister-mike-eman-a-paga-coordinadornan-sin-funcion-y-sin-oficina%3FItemid%3D101][title=Dangui+Oduber+%28MEP%29%3A+Pa+8+anja+largo+Promer+minister+Mike+Eman+a+paga+coordinadornan+SIN+FUNCION+y+SIN+OFICINA%21][desc=+Ta+obvio+cu+ora+un+gobierno+crea+un+debe+di+4+biyon+florin+y+manda+nos+pais+bancarota+nos+mester+puntra+nos+mes+unda+e+placa+di+pueblo+a+bai.+Mike+Eman+a+gasta+den+8+anja+di+tempo+8+biyon+florin+di+e+pueblo+aki.+Durante+tratamento+di+e+presupuesto+di+promer+minister+Mike+Eman+a+cuestiona+e+deroche+di+placa+di+pueblo+aki+cu+a+conduci+na+amargura+pa+pueblo.+Mike+Eman+por+wordo+considera+un+socialista+neoliberal+pasobra+e+kier+kita+for+di+pobernan+y+esnan+di+menos+recurso+placa+por+medio+di+medid]}
Ta obvio cu ora un gobierno crea un debe di 4 biyon florin y manda nos pais bancarota nos mester puntra nos mes unda e placa di pueblo a bai. Mike Eman a gasta den 8 anja di tempo 8 biyon florin di e pueblo aki.

Durante tratamento di e presupuesto di promer minister Mike Eman a cuestiona e deroche di placa di pueblo aki cu a conduci na amargura pa pueblo. Mike Eman por wordo considera un socialista neoliberal pasobra e kier kita for di pobernan y esnan di menos recurso placa por medio di medidanan anto awor e kier duna e mesun hendenan cu e la ranca placa for di nan un tiki bek. No solamente esaki sino esaki ta un gobierno cu no a comparti prosperidad cu e pueblo. Den un solo famia tur yui y sobrino a haya trabou den gobierno. Den un solo famia a haya 90.000 M2 di e pueblo aki. Den un solo famia a haya contractnan pa corre dragrace na Merca mientras ja caba nos pais ta pagando mas cu 80 miyon florin na mercadeo na Merca. E unico deportista cu ta haya contractnan lucrativo for di ATA ta yega na Mike Eman. Pero segun Mike Eman e la comparti prosperidad cu pueblo. Ta bon cu nos tey pa comparti cu pueblo con Mike Eman a haci esaki e ultimo 8 anjanan aki. E la haya un bureau di promer minister cu 17 hende ta traha den dje. From day one Mike Eman a aumenta esaki ten a 137 persona y awe na 2016 esaki a baha na 113 mirando cu 14 persona a wordo coloca sea den MFA of otro departamento. Mike Eman su bureau a costa NOS PUEBLO e ultimo 8 anjanan aki 80 MIYON FLORIN. Aki ta caminda e placa di e pagador di belasting ta bai. Nos a puntra promer minister Mike Eman kiko ta funcion di e coordinadornan den su ministerio. Su contesta tawata remarcabel y a confirma cu e ta un abusador grandi. E la contesta nos cu rond di dje e tin apenas 4 hende ta traha, e otronan cu tin rond di dje ta traha sea den MFA departamento bo Bario of Bureau Innovatie. Mas aleu e la bisa cu den su bureau e no tin espacio pa asina tanto hende pasobra no tin oficina pa nan. Bisando esaki Mike Eman a confirma cu pa 8 anja largo a paga mas cu 100 coordinador cu no tawata tin un funcion y no tawata tin un oficina. E pregunta na Mike Eman ta e ora, ta na unda tur e coordinadornan aki mester presenta tur mainta si nan NO tin un oficina? Tambe remarcabel ta e hecho cu Mike Eman a menciona cu hopi di esnan cu ta traha cune a trahe den e proyecto di MFA. Nos tin cu informa pueblo cu e anja aki 2016 e promer 2 MFA a habri nan portnanan. Kiermen pa 7 anja largo Mike Eman tawata tin hende riba payroll cu awe ta traha den MFA. Esakinan ta simplemente abusonan cu ta wordo cometi cu placa di pueblo. Cuanto studiante ta bai Hulanda, Merca of den region bai studia, crea debe pa nan mes anto Mike Eman ta haci asina just pa e keda na poder. Esakinan tur ta nombracionan politico y cumpramento di mente di hende. No ta husto pa un studiante cu ta crea mas cu 100.000 di debe pa su mes pasa den temponan duro pa haya un trabou anto Mike Eman ta paga den averahe mas cu 9000 florin na su coordinadornan. Mike Eman su payroll ta mas halto cu cualkier compania priva cu tin mmas empleado. Esaki ta e mal ehempelnan cu ta wordo manda pa nos communidad y esaki ta loke ta demotiva nos young proffesionals nan. Pa bo haya un trabou den gobierno of serca Mike Eman bo mester tin un partijdiploma di AVP! 

Expresionnan haci den e articulo aki no necesariamente ta refleha opinion di ArenaPoliti.co