{idkey=6203b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F4557-andin-bikker-pdr-pdr-avanzando-den-iniciativa-di-ley-tocante-bahamento-edad-pension-pa-cierto-grupo%3FItemid%3D101][title=Andin+Bikker+%28PDR%29%3A+PDR+avanzando+den+iniciativa+di+ley+tocante+bahamento+edad+pension+pa+cierto+grupo][desc=Lider+di+Partido+Democracia+Real+a+duna+di+conoce+den+conferencia+di+prensa+cu+PDR+ta+avanzando+den+su+ley+iniciativa+pa+personanan+por+baha+cu+pension+na+un+edad+mas+hoben%2C+cu+esun+cu+ta+bay+conta+aworakinan+cu+ta+65+a%C3%B1a.+Andin+Bikker+a+bisa+cu+pa+loke+ta+trata+e+opcion+pa+baha+cu+pension+na+un+edad+mas+hoben+PDR+a+bin+cu+un+alternativa+pa+personanan+cu+kier+baha+na+un+edad+mas+hoben+cu+e+edad+aplicable+pa+nan%2C+sea+61%2C+62+te+65+y+pronto+un+grupo+grandi+ta+bay+baha+cu+65+so.%26amp%3Bnbsp%3BBikker+a+bolbe]}
Lider di Partido Democracia Real a duna di conoce den conferencia di prensa cu PDR ta avanzando den su ley iniciativa pa personanan por baha cu pension na un edad mas hoben, cu esun cu ta bay conta aworakinan cu ta 65 aña.

Andin Bikker a bisa cu pa loke ta trata e opcion pa baha cu pension na un edad mas hoben PDR a bin cu un alternativa pa personanan cu kier baha na un edad mas hoben cu e edad aplicable pa nan, sea 61, 62 te 65 y pronto un grupo grandi ta bay baha cu 65 so. 

Bikker a bolbe bisa cu tin personanan den nos comunidad cu ta traha para henter dia, sea den construccion of otro, cu ta dificil pa rekeri di nan pa traha cinco aña mas. Bikker a comenta di e caso di Curacao cu nan tin e option aki cu e persona por baha cu su 61, 62, etc., pero e ta haya un rebaha ta mihor cu no haya nada. 

Si un persona ta keda sin haja entrada entre 60 aña y su edad di pension y su curpa no ta duna e sigui traha, e ta bin bek pa gobierno tog pasobra e tin cu dune onderstand, segun Andin Bikker. 

Kiermen mihor reglamente na un manera cu e persona aki at least por goza di su pension. Pero hopi apelacion a bin riba gobierno di Curaçao pa cu e sistema aki, anto pa evita cu e fondo por belast cu e tipo di aplicacionnan aki bo ta bin cu un plafond. El a splica cu via un Actuaries por calcula cuanto persona por haci uso di e facilidad aki pa aña anto si bo constata cu bo a yega na e plafond, adicionalmente por bay wak via un medische keuring, ken enberdad tin mester di e facilidad akinan y ken kizas por traha un of dos aña mas y cu e por bin aplica e otro aña. Andin Bikker a menciona cu dialuna e minister a duna nan datonan crucial, pasobra nan no tabata sa cuanto persona, ora e ley a cambia, no ta bahando cu pension na e edad premira. Bikker a bisa cu nan a haya informacion cu for di 2015 te aworakinan 544 persona no ta bahando cu pension na e edad premira cu ta 60. Esey kiermen cu 544 persona, SVb no tin nodi di duna nan pension y esaki ta un spaar pe. PDR a haya un tipo di table te cu 2030 for di Actuaries cu ta personanan specializa pa trata e analisis cu e datonan aki y otro factornan cu por a jega na calculacionnan di kico por ta e plafond por ehemplo, kico por ta e contenido di un alternativa asina. Bikker te kere cu tin un necesidad pa esaki den nos poblacion, esey PDR ta sinti pasobra a haya hopi apelacion pa traha riba e iniciativa aki y mester bisa cu e minister dialuna tabata hopi habri pa esaki y hopi simpatico pe, y el a pidi e lider di PDR pa manda e concepto di ley pe y e calculacionnan cu e Actuaris gratuitamente ta bezig cu na forma boluntario ta yudando PDR den esaki.

Expresionnan haci den e articulo aki no necesariamente ta refleha opinion di ArenaPoliti.co