{idkey=2301b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F4574-fraccion-di-avp-mocion-pa-mas-prevencion%3FItemid%3D101][title=Fraccion+di+AVP%3A+Mocion+pa+mas+prevencion][desc=+Y+oposicion+ta+vota+CONTRA%21%26amp%3Bnbsp%3B+Durante+di+tratamento+di+presupuesto+2017+siman+pasa%2C+e+fraccion+di+AVP+a+presenta+un+mocion+pa+aumenta+e+exigencianan+di+prevencion+contra+criminalidad%2C+ora+di+duna+permiso+pa+negoshi+of+actividadnan+publico+y+priva.+E+meta+y+contenido+di+e+mocion+ta+pa+pone+exigencianan+mas+halto+pa+prevension+di+criminalidad+of+violencia%2C+cu+e+negoshi+mes+mester+cumpli+cun%26%23039%3Be.+Den+e+mocion+tambe+ta+propone+pa+e+exigencianan+mas+halto+aki+conta+pa+negoshinan+existente.+E+moc]}
Durante di tratamento di presupuesto 2017 siman pasa, e fraccion di AVP a presenta un mocion pa aumenta e exigencianan di prevencion contra criminalidad, ora di duna permiso pa negoshi of actividadnan publico y priva. E meta y contenido di e mocion ta pa pone exigencianan mas halto pa prevension di criminalidad of violencia, cu e negoshi mes mester cumpli cun'e. Den e mocion tambe ta propone pa e exigencianan mas halto aki conta pa negoshinan existente. E mocion ta pidi tambe pa ora di organisa actividadnan sea cu ta publico of actividadnan cu un hende of un organisacion priva organisa, tambe mara exigencianan di seguridad mas halto na e dunamento di permiso. E meta ta pa proteha esnan cu asisti na e actividad, door di haci mas pa preveni cualkier forma di criminalidad of violencia of disturbio. Tambe e mocion ta propone pa informa polis mas tempran ora tin actividadnan, pa asina sikiera polis sa cu tin un actividad.

MAL INFORMACION
For di diaranson anochi caba e partido MEP a cuminsa bruha tera door di bisa cu AVP kier pa hende pidi permiso ora di tene fiesta na cas of si reuni cu 5 hende. Tambe MEP pa malo a crea e impresion cu aki lo ta trata di un ley cu AVP lo kier introduci pa viola privacidad di actividadnan den amigo of famia.

TROCE BERDAD
Fraccion id AVP ta publica e mocion manera ela wordo presenta y aproba den Parlamento. Tur hende por lesa e mocion y comproba cu loke MEP ta bisa no ta ni scirbi den e mocion! Niun caminda ta scirbi of ta propone pa ora tin cualkier reunion priva na cas, cu di awor en adelante lo mester pidi permiso. Tampoco ta scirbi ni proponi pa si reuni cu 5 hende mester pidi permiso. Tampoco cu ta cambia e regla cu mester pidi permiso pa un actividad di 10 dia pa 24 ora. Tu esaki NO TA BERDAD! Atrobe MEP ta troce berdad pa malinforma pueblo.

CLARIDAD
Rene Herde di e fraccion di AVP a laga sa cu e meta di e mocion ta pa aumenta seguridad pa negoshinan y pa actividadnan cu por atrae hopi hende. Door di aumenta e seguridad por preveni por ehempel cu ta kibra drenta auto ora di actividadnan cu hopi hende, door di uc tin cu para e auto na lugarnan leu y scur. E meta ta por ehempel pa aumenta seguridad den y rond di negoshinan pa tur hende cu bay un negoshi por ta sigur cu e no ta core niun problema. "E meta ta pa cuida nos estilo di bida habri y liber" Rene Herde a splica. "Sinembargo, si den e mocion tin cualkier palabra of frase cu por crea un impesion robez, nos lo cambi'e pa logra e meta di aumenta seguridad. Enbez di busca palabra y malinterpreta esakinan, nos ta prefera pa cambia e texto pa logra e meta. Critica sin saca niun dede pa yuda manera MEP ta haci, no ta nos forma di traha." 

Expresionnan haci den e articulo aki no necesariamente ta refleha opinion di ArenaPoliti.co