{idkey=8625b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F4644-dangui-oduber-mep-nos-tin-e-solucion-pa-e-ruinas-di-ex-bushiri-hotel%3FItemid%3D101][title=Dangui+Oduber+%28MEP%29%3A+Nos+tin+e+solucion+pa+e+RUINAS+di+Ex+Bushiri+Hotel%21+][desc=Pa+2+eleccion+caba+partido+AVP+y+Otmar+Oduber+di+Forza+Nobo+a+priminti+e+pueblo+votador+cu+nan+tin+un+solucion+pa+e+Ex+Bushiri+Hotel.+Awe+nos+ta+7+anja+despues+yegando+e+ultimo+anja+di+gobernacion+y+ainda+NO+tin+solucion+di+parti+di+gobierno+di+AVP.+In+the+meantime+Otmar+Oduber+cu+a+campanja+cu+esaki+y+priminti+pueblo+un+proyecto+hotelero+na+e+tereno+aki%2C+no+tey+mas+y+kier+pretende+di+ta+algo+nobo.+AVP+den+su+totalidad+hunto+cu+Otmar+Oduber+ta+responsabel+y+tambe+culpable+pa+e+ruinas+nan+aki+y+e]}
Pa 2 eleccion caba partido AVP y Otmar Oduber di Forza Nobo a priminti e pueblo votador cu nan tin un solucion pa e Ex Bushiri Hotel. Awe nos ta 7 anja despues yegando e ultimo anja di gobernacion y ainda NO tin solucion di parti di gobierno di AVP. In the meantime Otmar Oduber cu a campanja cu esaki y priminti pueblo un proyecto hotelero na e tereno aki, no tey mas y kier pretende di ta algo nobo. AVP den su totalidad hunto cu Otmar Oduber ta responsabel y tambe culpable pa e ruinas nan aki y e mahos bista cu turistanan y localnan ta haya mira. E lugar ta den un estado di decadencia, graffiti tur caminda, adictonan ambulante ta drumi eyden y mas bien e la bira un shelter pa adictonan ambulante. Un situacion bergonzoso cu turistanan mester wak cada vez nan pasa dilanti Ex Bushiri Hotel. Gobierno di MEP a laga un proyecto hotelero di 5 strea di hotel Gran Melia cla pa wordo ehecuta. Pa capricho e gobierno di AVP y Otmar Oduber a para e proyecto aki y a dicidi di boycotea y torpedea e proyecto aki. E proyecto tawata uno cu tawata na biniestar general y lo tawata un inversion di riba $200 miyon dollar. Awe nos pueblo a wordo usa y enganja pasobra te dia di awe gobierno di AVP ni Otmar Oduber NO a presenta ningun solucion pa e area aki y mas bien e situacion a bira mas peor y e edificio ta den un estado deplorable. Ex Bushiri Hotel ta ilustra con nos pais a wordo maneha. Un pais cu a ser goberna pa hendenan irresponsabel cu mas bien a percura pa yuda nan mes y nan hendenan y lubida di engrandece nos turismo y percura pa turistanan cu ta gasta placa yega nos pais. E ultimo 7 anjanan aki e gobierno di AVP aki NO por a presenta NINGUN proyecto di 5 strea pa acapara e ‘’affluent tourist’’ bin Aruba. No tawata tin ningun proyecto di AVP cu a zorg pa trece turistanan di calidad nos pais. Awe cada turista ta gasta pa dia $100 menos y nos economia ta sufriendo enormemente pa e motibo aki. Tin mas cu 100 tienda sera na Aruba, den Caya Betico Croes tin 42 tienda sera y e cost of doing business na Aruba a bira impagabel. Nos fraccion a hiba un oposicion critico caminda nos a cuestiona prioridadnan robez, critica decisionan robez pero tambe presenta solucionan y alternativanan. Nos ta un partido cu un vision pa nos pais. Nos kier un pais cu un turismo fuerte y solido caminda di berdad e exito den nos turismo ta yega den tur hogar aki naAruba. Nos lo demostra cu no solamente nos ta senjala cosnan cu ta bai robez pero nos tin e solucionan necesario tambe pa por ta e cambio cu pueblo ta anhela. Pa e area di Ex Bushiri Hotel cu nos ta kere ta un prime location, un beach front area y alavez un di e ultimo beachnan na Aruba pa desaroya, nos lo presenta un proyecto hotelero den estilo di Boutique Hotel. E Boutique Hotel lo ta un Brand name cu lo percura pa atrae e turistanan di calidad cu Aruba tin mester di dje y no lo pone peso addicional riba nos infrastructura, cuida medico, vivienda etc.

Nos ta kere den mas desaroyo pa nos pais pero no desaroyonan di Mega Hotels, unless ta un brand name cu nos no por nenga, pero mas bien un desaroyo dirigi riba un niche market. Nos lo haci un presentacion official tambe na e communidad aki y nos ta kere cu sosten di e pueblo aki e desaroyo aki lo ta uno posibel!

Expresionnan haci den e articulo aki no necesariamente ta refleha opinion di ArenaPoliti.co