{idkey=7400b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F4703-benny-nisbet-ppa-unda-e-pilar-nobo-cu-avp-a-priminti-a-keda%3FItemid%3D101][title=Benny+Nisbet+%28PPA%29%3A+%E2%80%9CUnda+e+pilar+nobo+cu+AVP+a+priminti+a+keda%3F%3F%3F%E2%80%9D][desc=%E2%80%98Nos+tin+e+vision%2C+nos+tin+e+plannan%2C+nos+tin+e+team+di+candidato+ta+e+voto+di+pueblo+so+nos+falta%E2%80%99+tabata+e+grito+di+AVP+durante+varios+campanja.+Nos+meta+ta+pa+%E2%80%98diversifica%E2%80%99+nos+economia+%21+Eleccion+2009+y+Eleccion+2013+%21%21Mientras+tanto+pueblo+a+cai+pa+e+promesa+di+AVP+durante+di+dos+eleccion+esta+2009+y+2013+y+a+duna+e+team+di+AVP+e+beneficio+di+duda+y+e+mandato.+Nos+ta+rumbo+pa+e+proximo+eleccion+na+2017+y+%26amp%3Bnbsp%3Bfuera+di+a+maneha+e+industria+di+turismo+cu+a+bira+nos+pilar+no.+1+inicia]}
‘Nos tin e vision, nos tin e plannan, nos tin e team di candidato ta e voto di pueblo so nos falta’ tabata e grito di AVP durante varios campanja. Nos meta ta pa ‘diversifica’ nos economia ! Eleccion 2009 y Eleccion 2013 !!

Mientras tanto pueblo a cai pa e promesa di AVP durante di dos eleccion esta 2009 y 2013 y a duna e team di AVP e beneficio di duda y e mandato. Nos ta rumbo pa e proximo eleccion na 2017 y  fuera di a maneha e industria di turismo cu a bira nos pilar no. 1 inicia pa partido PPA y un esfuerzo pa negocia cu Citgo/Pdvsa cu conduci na un ‘transformacion di un Upgrader’ cu NO ta un refineria …pueblo no por a tuma nota di nada mas cu ta indica un posibel pilar economico nobo.

Esaki ta demonstra cu politico di AVP  cu a occupa e posicion di ministro encarga cu economia a faya barbaramente esta sra Hooyboer y sr. Mike de Meza.  

Diversificacion di nos Turismo ?

AVP a papia di diversificacion di nos turismo ni esey nan no por a duna contenido na djele. Si papia di p.e. diversificacion di nos producto lo mester hasi e pregunta…Con Aruba a diversifica su producto turistico cu Aruba ta ofrece nos bishitante bao di maneho di x ministro Otmar Oduber ??  Contesta….nada pero nada…..no tabatatin diversificacion di nos producto  turistico.

PPA a mustra anjas largo riba e alternativa di:  A. inverti mas den MCI (convention tourism), B. hasi Aruba un golfers destination, C. Health & Wellness Tourism, D. San Nicolas, Our Caribbean Town, E. Aruba como shopping destination F. E niche di Yachting tourism………Nada pero nada e maneho bao di sr. Otmar Oduber Ministro di Turismo no a  logra cu por indica cu lo tin un  producto diversifica !! Aparentemente awor lo ta pensando riba e Wellness sin e Health pero nada mas.

Diversificacion di nos Economia ?

PPA ta e unico partido cu a  presenta algun vision y plannan pa diversificacion di nos economia cu e meta pa ‘diversifica’ nos economia.

1. Riba e tereno industrial  PPA a bisa claramente cu si  E refineria mes no worde habri PPA lo boga pa  un industria di ‘Shipbuilding & Shipservices’.
   
   
2. PPA ta e unico partido cu durante varios eleccion a presenta e vision pa hasi Aruba un HUB y un player mas importante den Caribe p/m di nos vision ARUBA como ‘HUB den Caribe’ !!! E gobierno actual a purba tuma over e vision pero  cu excepcion di e vision di PPA pa muda nos containerhaven for di Oranjestad pa Barcadera….nada mas no a worde ejecuta. Ta bisto cu si un vision no ta originalmente dibo  bo no por duna contenido real na esaki.
   
   
3. PPA  su  vision ta ensera tambe….un Aruba World Trade Center combina cu Universidad cu facultadnan di e.o. Idioma y IT, combina cu dos ‘business hotels’. E parti aki segun vision di PPA lo crea un cantidad di cupo di trabao di calidad y lo contribui na un ‘rol’ pa Aruba den sirbi companianan cu ta activo den mundo riba ‘trade’.
   
   
4. Ejecucion di un hub riba tereno di Tele-comunicacion !!
   
   
5. Formacion di un compania regional di Television  pa e meta di transmiti   ‘noticia y informacion. diario for di mas Isla y pais posibel  den Caribe y Sur Amerika pa cu otro.

Lastimamente  cu partido AVP  simpelmente NO tabatatin un vision real pa desaroyo economico pesey dos ministro di Economia a faya seriamente y awor e ultimo ministro di economia sr. de Meza a core tuma  turismo pa larga  economia pa un ‘vakminister’.

Tur esaki ta demonstra cu simpelmente AVP como partido a faya barbaramente y no tabatatin e vision y e plannan cu nan a pretende ora nan a campanja den pueblo y pa locual ta trata e ‘team’ politico  e solo hecho cu awe nan NO tin un ministro di finanzas y un ministro di economia politico pero un ‘vakministro’ ta demonstra e fayo serio aki !! Conclussion entodo caso ta cu AVP a faya durante casi 8 anja di gobernacion y no por a mustra unda nan a crea un contribuiccion na un pilar economico nobo pa nos pais.


Aruba, 9 di November 2016.

Expresionnan haci den e articulo aki no necesariamente ta refleha opinion di ArenaPoliti.co