{idkey=4575b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F492-rene-herde-avp-oposicion-ta-lubida-lihe-tin-mal-intencion-of-tur-dos%3FItemid%3D101][title=Rene+Herd%C3%A9+%28AVP%29%3A+Oposicion+ta+lubida+lihe%2C+tin+mal+intencion+of+tur+dos][desc=%26quot%3BFor+di+a%C3%B1a+2010+a+trata+diferente+ley+ta+salba+e+fondo+di+pensioen+di+behez+cu+ta+fuente+di+e+unico+entrada+pa+mas+cu+15+mil+pensionado+y+nan+famia.+Na+2013+a+aproba+un+ley+pa+reforma+e+fondo+di+tal+forma+cu+ta+saca+e+fondo+gradualmente+for+di+crisis+y+sigura+cu+e+por+paga+e+pensioen+di+e+pensionadonan+tur+luna.+Danki+na+e+reformanan+cu+gobiernonan+di+AVP+a+tuma%2C+pa+fin+di+2017+e+fondo+lo+no+tin+falta+di+placa+mas+y+por+sigui+crece+atrobe.+Ta+parse+cu+MEP+ta+lubida+cu+nan+a+laga+e+fondo+na+cam]}"For di aña 2010 a trata diferente ley ta salba e fondo di pensioen di behez cu ta fuente di e unico entrada pa mas cu 15 mil pensionado y nan famia. Na 2013 a aproba un ley pa reforma e fondo di tal forma cu ta saca e fondo gradualmente for di crisis y sigura cu e por paga e pensioen di e pensionadonan tur luna. Danki na e reformanan cu gobiernonan di AVP a tuma, pa fin di 2017 e fondo lo no tin falta di placa mas y por sigui crece atrobe. Ta parse cu MEP ta lubida cu nan a laga e fondo na caminda pa bancarota y e 15 mil pensionado sin niun entrada. Oposicion ta lubida lihe. Nan tin mal intencion cu loke nan ta bisa y haci. Pero probablemente ta tur dos! Oportunismo completo door di malinforma pueblo!!"Esaki tabata e reacion di Rene Herde' ora ela lesa e declaracion di e lider di MEP riba e echo cu trahadornan y doñonan di trabou ta contribui mas na e fondo di pensioen entrante dia 1 di januari. Rene Herde': "Esaki no tin net net nada di haci cu maneho financiero di gobierno. E tin di haci cu e falta di responsabilidad di MEP pa actua y reforma e fondo di pensioen durante di e 8 aña cu nan tabata den gobierno. Den e tempo ey caba tabata bon conoci cu e fondo ta den problema. Si e tempo ey caba no actua e lo causa cu e reserva di e fondo lo caba na 2014. Pio ainda ta cu e fondo lo no por a paga e pensioennan y laga hende sin entrada. Ocho aña largo MEP tabata inactico. Na 2009 e situacion tabata alarmante. Mester a actua pa sigura tur pensionado nan entrada. Ta esey nos a haci."

REFORMA
Durante di campaña pa eleccion 2013 e lider di MEP mes a laga sa den e programa di partido MEP cu mester "Tuma paso necesario pa segura continuidad di e fondo di Seguro di Biehes ("AOV"), cu ta fuente di entrada principal di e gran mayoria di nos grandinan." Pero ora di trata e ley pa sigura continuidad di e fondo MEP a vota contra!!! Nan no a presenta niun alternativa pa e proposicionnan cu expertonan di Banco di Seguro Social y otronan a presenta. Awe nan ta bisa cu e aumento di e prima di AOV, cu nos tur ta paga pa cuida, ta un medida. Aparentemente pa MEP salba e fondo di pensioen ta un medida. Cuida e pensioen di 15 mil pensionado y 3 mil otro pensionado, ta un medida segun MEP. Pa MEP claramente nada ta bon. E negligencia y e riesgo grandi cu MEP a laga pa e fondo y e 15 mil pensionado aparentemente si tabata bon.

LEY NOBO
Na 2013 a aproba e reforma pa sallba e fondo di pensioen di behez y sigura tur pensionado nan pensioen pa hopi aña den futuro. E reforma a ensera entre otro: aumento di edad di pensioen gradualmente te 65 aña; laga mas hende paga e prima di AVO; aumenta na januari 2014 y 2015 e prima di e pensioen di behez cu 0.5 % pa e doño di trabou y e trahador. Esey ta loke a sosode awor na januari. Pa loke ta e edad di pensioen, MEP lo kier a hisa esaki den menos tempo pa 65 aña. Cu e reforma aki tur pensionado cu ta cobra awor aki y esnan cu lo cobra den futuro ta sigura di nan pensioen tur luna. E no ta niun medida cu a tuma awor manera e lider di MEP ta bisa. E ta si e consecuencia di gobeirnonan di MEP cu a keda sin cuida fondonan di pueblo, pero si a cuida entradanan di famia y amigonan pa tur e añanan cu MEP tabata den gobierno. 

Expresionnan haci den e articulo aki no necesariamente ta refleha opinion di ArenaPoliti.co