{idkey=8423b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F4964-prome-minister-eman-nos-como-lidernan-mester-refleha-e-sentido-di-union%3FItemid%3D101][title=Prome+Minister+Eman%3A+%26quot%3BNos+como+lidernan+mester+refleha+e+sentido+di+union%26quot%3B][desc=Prome+Minister+Eman+den+discurso+conmovedor+%26amp%3Bnbsp%3B%26amp%3Bnbsp%3BORANJESTAD-+Durante+e+acto+protocolario+riba+Plaza+Libertador+Betico+Croes%2C+den+presencia+di+Gobernador+di+Aruba+sr.+Koolman%2C+Presidente+di+Staten+sra.+Wyatt-Ras%2C+demas+miembronan+di+Parlamento%2C+ministernan%2C+miembronan+di+Cuerpo+Consular+y+famia+di+difunto+Betico+Croes%2C+invitadonan+y+demas+presente%2C+Prome+Minister+Mike+Eman+a+hiba+un+discurso+conmovedor.+Eman%3A+%26quot%3BDen+transcurso+di+decadanan+den+desaroyo+di+e+mundo+aki%2C+hopi+bes+oportunidadnan]}
Prome Minister Eman den discurso conmovedor   

ORANJESTAD- Durante e acto protocolario riba Plaza Libertador Betico Croes, den presencia di Gobernador di Aruba sr. Koolman, Presidente di Staten sra. Wyatt-Ras, demas miembronan di Parlamento, ministernan, miembronan di Cuerpo Consular y famia di difunto Betico Croes, invitadonan y demas presente, Prome Minister Mike Eman a hiba un discurso conmovedor.

Eman: "Den transcurso di decadanan den desaroyo di e mundo aki, hopi bes oportunidadnan ta bati na porta. Hopi biaha tambe oportunidad no ta bati na porta, pero mas bien e porta mester wordo construi pa e por wordo habri." Eman a accentua cu para na pia di estatua di libertador Betico Croes, presencia di dignitarionan y e comunidad cu a aglomera na e sitio ta expresa respet, gratitud y admiracion pa e trabounan cu mester a wordo haci, e lucha cu mester a wordo hiba, e causa cu a wordo encamina. "Pa awe nos ta para aki pa bisa cu Aruba a bira un pais riba su mes, no tabata un oportunidad cu a bati riba nos portanan. Nos mester a lucha duro durante generacionnan largo, nos mester a pidi respet pa e derecho di mas sagrado cu un pueblo por tin, esta pa e por ta 'baas den su mes cas'. Nos mester a haci sacrificio, generacionnan di lider a cana, a lucha, a sacrifica pa awe nos por bisa cu Aruba ta un pais autonomo den Reino Hulandes."

Eman a enfatisa cu den cada fase di historia Aruba a conoce luchadornan, bringadornan y personanan cu a sacrifica tur cos, hasta nan bida. "Awe para aki nan, mirando den cara di mi amigo Glenbert, su rumannan, nietonan y demas famia di difunto Betico Croes, bo ta mira algo sumamente importante. Bo ta mira un causa, un herencia di un lucha cu a wordo carga di un generacion pa otro." Eman a bisa cu na momento cu Betico Croes a laga e mundo aki, su sentimentonan a keda atras. Nan a sigui biba den e alma y consenshi di su yiunan, nietonan y di e pueblo aki.

"E sentimentonan aki a sigui biba den tur cu kier guia e pais aki segun e virtudnan di pone Pueblo y Pais na prome lugar." Eman a bisa cu tur aña e como Prome Minister di e pais aki ta rindi honor na Betico Croes riba su fecha natal na e Plaza dedica na dje. "Semper mi a bisa cu ta importante pa nos como lidernan refleha e sentido di union, di respet cu ta transcende banderanan politico. Pasobra e legado di esnan cu a sacrifica hopi pa nos pais, no ta e legado di un partido politico. E lucha di Henny Eman, di Shon A Eman no ta un legado berde of esun di Betico Croes un legado geel. E ta un legado di e pueblo aki, di e pais aki, pasobra bou di nan inspiracion y guia comunidad di Aruba a bini hunto, los di tur aspecto politico. Aruba a marcha cu difunto Betico Croes, a lucha cu Betico Croes y a sacrifica cu Betico Croes y por ta cu un hende cu e tempo ey a carga un bandera berde, awe ta carga un geel of vice versa. Locual esey ta bisa ta cu no ta importa nos color politico na cual cada un di nos ta pertenece. Cada un tin su virtud. Pero, riba un dia nacional manera awe cu nos ta reconoce un sacrificio grandi, nos ta lanta e bandera di Aruba manera difunto Betico Croes ta mustra nos awe akinan. Halto na shelo y cu amor pa nos Creador, pa e amor cu el a duna nos pa guia y pa cana y marcha cu un pueblo pa nos por ta baas den nos mes cas. Esaki ta danki na lidernan grandi manera difunto Betico Croes."

Eman den su discurso a sigui bisa cu pueblo di Aruba tin tur motibo pa fiesta e dia aki na grandi. Un curason orguyoso di nos lidernan pasobra Aruba ta unico na mundo door di por a produci lidernan na e momentonan husto den historia di su pais.  "Laga nos den e ambiente aki di celebracion y brasa otro, sinti un rato e amistad, sinti un rato e patriotismo cu nos ta demostra transcendiendo tur otro sentimentonan cu nos por tin."

Expresionnan haci den e articulo aki no necesariamente ta refleha opinion di ArenaPoliti.co