{idkey=2822b0[url=https%3A%2F%2Farenapoliti.co%2Fcomponent%2Fcontent%2Farticle%2F11-comunicado%2F5061-booshi-wever-upp-cu-e-reaccion-di-minister-di-husticia-dowers-den-parlamento-y-e-reaccion-di-diferente-fraccionnan-den-parlamento-upp-ta-mas-preocupa-ainda-pa-e-medidanan-cu-lo-no-wordo-tuma%3FItemid%3D101][title=Booshi+Wever+%28UPP%29%3A+Cu+e+reaccion+di+Minister+di+Husticia+Dowers+den+Parlamento+y+e+reaccion+di+diferente+fraccionnan+den+Parlamento%2C+UPP+ta+mas+preocupa+ainda+pa+e+medidanan+cu+lo+no+wordo+tuma][desc=+Tumando+nota+di+e+%E2%80%9Cbijeenkomst%E2%80%9D+di+parlamento+tratando+e+topico+di+seguridad+y+criminalidad%2C+apesar+di+kizas+e+tono+critico+di+cierto+parlamentarionan%2C+esaki+parce+di+tabata+mas+bien+manera+nan+ta+bisa+na+Hulandes%2C+un+%E2%80%9Csissertje%E2%80%9D+pa+e+minister+di+husticia.%26amp%3Bnbsp%3BA+duna+e+minister+Dowers+oportunidad+pa+trece+instancianan+cu+tin+di+haber+cu+combatimento+di+criminalidad+den+parlamento+como+un+shield+pa+su+propio+proteccion+y+a+duna+chens+na+e+minister+pa+bolbe+ripiti+tur+su+kehonan+di+cu]}

Tumando nota di e “bijeenkomst” di parlamento tratando e topico di seguridad y criminalidad, apesar di kizas e tono critico di cierto parlamentarionan, esaki parce di tabata mas bien manera nan ta bisa na Hulandes, un “sissertje” pa e minister di husticia. 

A duna e minister Dowers oportunidad pa trece instancianan cu tin di haber cu combatimento di criminalidad den parlamento como un shield pa su propio proteccion y a duna chens na e minister pa bolbe ripiti tur su kehonan di cu tur hende ta culpabel, menos e mes. El a bay asina leu di bisa cu tur hende ta ataca por ehempel un Cuerpo Policial, mientras cu no ta critica e criminalnan. Ta parce cu e percepcion di minister pa loke ta responsabilidad ministerial ta full robes. Cu e actitud aki y cu e informacion cu Cuerpo Policial a presenta, ta haci cu UPP ta mas preocupa ainda cu e situacion aki na Aruba.

E bista cu a wordo duna particularmente dor di nos Cuerpo Policial ta mustra di ta uno alarmante. No unicamente e cantidad, sino tambe pa e tipo di atraco y dificultad pa gara esnan cu ta comete nan fechorianan. Particularmente e atraconan cu a bin ta tumando lugar riba e famianan Arubiano, memei di nan cas, ta mustra cu e trankilidad ta wordo afecta barbaramente.  Si antes tabata concentra mas riba negoshi, tiendanan y banconan,  awor e “common crime” y e atracadornan, banda di ta agredi nos ciudadanonan, nan ta contento cu un suma chikito cu nan logra bay cu ne. Pues e “common crime” awor ta atacando e “common people”. Esaki ta e Aruba di 5 strea, e Arubiano feliz, cu Mike Eman, ta gaba cu ne. Mientras Mike Eman ta keiro den exterior, e pueblo tin di sufri e consecuencianan di un mal maneho riba e tereno di seguridad, bienestar y criminalidad.

Segun e informacion duna den parlamento, cu apesar di ta trata di “petite criminalité” hopi di esnan cu ta comete e actonan aki ta hopi experencia y nan tin un background criminal na Venezuela. Tambe parce, segun informacion duna dor di polis, cu nan ta drenta cu pasapoort falso y cu prome cu nan por wordo gara, nan ta bandona e isla caba, mientras cu un botin relativamente chikito.

Nos Cuerpo Policial sigur ta haciendo su maximo esfuerzo pa combati criminalidad, pero e realidad ta cu no por spera un cambio den maneho di parti di e minister. Y sigur nan no ta hayando e sosten cu nan merece ni for di gobierno ni for di parlamento.

Henter e reunion tabata solamente un oportunidad pa e minister scapa su peyeho atrobe y pa asina duna oportunidad na algun parlamentario di AVP pa por a hunga un rol critico y asina mitiga e critica pisa cu tabata tin un ultimo dianan riba e minister. UPP ta keda di opinion cu tanto Arthur Dowers como minister di husticia, Benny Sevinger minister di encarga cu Admision y Mike Eman responsabel pa asuntonan di bienestar y seguridad ta culpabel di e situacion reinante na Aruba. Y pa tal motibo nan mester saca nan conclusion.

Puntonan di atencion ta keda cu mester bin un mihor control di nos fronteranan y nos entradanan principal, mihor material di trabou pa nos cuerponan cu tin e tarea pa cuida nos fronteranan, mihor screening di esnan cu ta drenta, cambio di e prolongacion di “vakantie” di 180 dia cu Benny Sevinger ta otorgando y cu Dowers kiermen cu e no tin bista riba esaki, y coleccion di informacion di esnan cu ta hustamente cada vez ta yuda esnan di afor ora di ta comete actonan criminal riba nos isla.


Partido UPP
Booshi Wever
8 februari 2017

Expresionnan haci den e articulo aki no necesariamente ta refleha opinion di ArenaPoliti.co